Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Культура

СУРГУТ ОШТЬ ВЕЛЬХКССА КАЙГСТЬ МОКШЭРЗЯНЬ МОРОТНЕ


 

СОДАФТ ИНЬ ЦЕБЯРЬ КНИГАТНЕНЬ ЛЕМСНА

6 июньцта А.С.Пушкинонь лемса Национальнай библиотекаса ётафтфоль пурокс, конань пингста казьфтольхть «2020-2021 кизонь инь цебярь книгась» республиканскяй конкурсса сяськихне. Конкурсть ётафтыец А.С.Пушкинонь лемса библиотекась МР-нь Культурань, национальнай политикань и архивнай тевонь министерствать ширень кирдеманц пингста.

 

Конкурсса участия примасть авторхне и издательскяй коллектифне. Ванондовсть книгатне, конат нолдафтольхть Мордовияса 2020-2021 кизотнень и конатнень обязательнай экземплярсна пачфтьфоль МР-нь Книжнай палатав тяддень 31 мартта аф сяда поздна. Книгатненди оценка макссть эксперттне и республикань эряйхне—соцсетьтнень эса онлайн-голосованияса. Сембе произведениятне сотнефт шачема-касома краеньконь—сонь историянц, культуранц, природанц, земляконьконь подвигснон мархта. Изданиятне салайхть мяль аф аньцек содержанияс, но и оформленияс коре.
 

09.06.2022 №22

 

КЯШАЛСА ЁТАФТОВСТЬ 29-це МАЛЬКИНСКЯЙ ЛУВОМАТНЕ


 

НАРОДНАЙ КАЛЕНДАРЕНЬ ЛОПАНЯТНЕНЬ ЛАНГА


 

ГАЛА-КОНЦЕРТСЬ УДАЛАСЬ

24 майста Л.П.Кирюковонь лемса Саранск ошень музыкальнай училищаса ётафтовсь республикань хоровой коллектифнень, конат пялькстсть Всероссийскяй VIII хоровой фестивальть региональнай этапсонза, гала-концертсна.
 

Кода содаф, тя Всероссийскяй фестивальсь странаса ётафневи 2014 кизоста сявомок. Сонь вельденза касфневи Россиянь профессиональнай и народнай хорхнень мастерствасна, кемоксневихть Российскяй нациянь нароттнень ёткса культурнай, национальнай и религиознай сотксне. Кафкса кизоста, мзярс ётафневи тя фестивальсь, эсонза эсь асушиснон няфтезь пцтай 13000 профессиональнай и народнай хоровой коллектив и 400000 вокалист. Марнек ня кизотнень кувалмоста Всероссийскяй фестивальса, конань арьсезе-тиезе Россиянь хоровой обществась, няфтезь эсь мастерстваснон 1500000 лама ломань, конат обществасонк тиихть творческяй валда атмосфера.

02.06.2022 №21

 

Мордовиянь искусствась—художникнень работасост


 

Панжевсь Национальнай литературань центра

26 майста Саранскяйса Мордовскяй книжнай издательствать видеса торжественнайста панжевсь Национальнай литературань центра.

Республикань национальнай культурань письменнай сфераса тя няевикс мероприятияти сашендсть исполнительнай и законодательнай властень, общественнай организациянь представительхть, Мордовиянь писательхть, поэтт и журналистт, наукань и культурань деятельхть.

Центрать панжевоманц рамкаса тяфта жа ётафтовсь республикань Заслуженнай поэтть Полина Алёшинать «Шачема крайнязти сюконян» стихонь книганц презентацияц и кемокстафоль сотрудничествань коряс соглашения Мордовскяй книжнай издательствать и Мордовия Республикань Писателень союзть ёткса.
 

Якстерь лентанять керомда меле Национальнай литературань центраса ётафтовсь пуромкс, коса мероприятияс сафне ванозь и кепсезь сембе тефнень-кизефкснень, конат эрявихть ётафтомс эряфс Национальнай литературань центрати. И, тяда башка, ванондозь прябалатнень, конат тячи ащихть мокшень и эрзянь кяльхнень инголе, и синь ванфтомаснон-виияфтомаснон коряс кизефкснень.

02.06.2022 №21

 

Мокшэрзянь землячествась Москуса ётафтсь "Победаньконь моронза" илядь

23 майста Моску ошень мокшэрзянь землячествать мероприятиянзон мяльса кирдезь Национальносттнень Москувонь Кудсост ётафтовсь «Победаньконь моронза» праздничнай илядь. Лятфтафтольхть Великай Отечественнай войнань участникне—Мордовия Республикаса шачфне. Пуромксонь инжихне пачфтсть сянь колга, кода войнась токазень семьяснон, пачфтезь маластонь ломаньцнон и радняснон, конат примасть участия 1941-1945 кизотнень военнай тефнень эса, лятфнемаснон и азондсть Победати путксснон колга.
 
 

Мордовиянь Оцюнять Артём Здуновонь лемста пуромфненди приветствиянь валхт азсь Российскяй Федерациянь Президентть видеса Мордовия Республикать Полномочнай представителец Светлана Федонина. «Музыкась и войнась… Бта марс синь аф поладовихть. Но нинге Александр Суворов шарфнесь мяль: «Музыкась тисы армиять кафтонь, колмонь-крданнекс, келептьф знаменатнень и кайги музыкать мархта сявине Измаилть». Священнай войнань кизотнень музатненди ашель кода ащемс сетьмоста. Воявась марнек народоньке. Воявась и морось».

02.06.2022 №21

 

СИРЕ ТЕРИЗМОРГАСА ЁТАФТОВСЬ "ВЕЛЕНЬ ВАЙГЯЛЬХТЬ" ФЕСТИВАЛЬСЬ


 

МОРДОВИЯВ ПУРОМКШНЕСТЬ ПОВОЛЖЬЯНЬ И ПРИУРАЛЬЯНЬ КОМПОЗИТОРХНЕ

19-21 майста Мордовияса ётафтовсь «Музыка композиторов Поволжья и Приуралья» XXXI Всероссийскяй фестивальсь. Сон сувафтовсь эряфс культурнай инициативань Президентскяй фондть лезксонц вельде. Васенце тяфтама фестивальсь ётафтовсь 1982 кизоня Казаньца. И ся пингста сявомок арась оцю событиякс странаньконь музыкальнай эряфсонза. Мордовиясь примазе фестивальть ветецеда ни. Саранскяи сашендсть композиторхт, музыкантт и музыковетт Татарстанцта, Башкортостанцта, Чувашияста, Марий Элста, Удмуртияста, Коми Республикаста. Фестивальть программац пяк козяль. Панжевсь мероприятиясь Саранскяйса Л.П. Кирюковонь лемса музыкальнай училищаса ётафтф пресс-конференцияса.
 

 

 

Россиянь композиторонь союзть ответственнай секретарец Павел Левадный корхтамасонза башка лоткась сянь лангс, што тя фестивальть вельде странань композиторхне кемокснесазь фкя-фкянь мархта соткснень, кулхцондсазь-марясазь лия региононь коллегаснон музыкаснон и тя максси теест вийхть и эрьгат од произведениянь сёрмадоманди. А нинге тяштьфсна тя фестивальть вельде пачкотькшнихть сяда лама кулхцондыенди.

26.05.2022 №20

 

 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин