Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Люди и дела

ПЦТАЙ 60 КИЗА МАРСОТ


 

ЗАБОТА О ЛЮДЯХ—НА ПЕРВОМ МЕСТЕ

 
Ковылкинский муниципальный район—один из крупных районов Республики Мордовия. В состав района входят свыше ста населённых пунктов и одно городское поселение. Сегодня район растёт и динамично развивается: активно строится жильё для молодых семей и ветеранов, создаются современные животноводческие комплексы, обновляется социальная инфраструктура, строятся новые объекты образования, здравоохранения, культуры, спорта. На самой современной технологической основе развивается промышленность. Именно в городе Ковылкино разрабатываются и производятся изделия для космической и оборонной отрасли нашей страны, осуществляется выпуск другой необходимой стране продукции.

 

—На территории нашего района реализуются значимые инвестиционные проекты, имеющие большое значение для укрепления экономического потенциала всей Мордовии,—рассказывает глава Ковылкинского муниципального района И.Н.Бутяев.—Особый вклад вносят работники агропромышленного комплекса района. Производством сельскохозяйственной продукции занимаются восемь сельхозпредприятий, около 30 крестьянских (фермерских) хозяйств.

09.06.2022 №22

 

СЕМБОНДИ САТНИ КЕЛЬГОМАЦ И СЕДИЕНЬ ЛЯМБОЦ

Аф кунара журналистонь киньке-яноньке пачфнемазь республиканьконь фкя инь ичкоздень уженязонза—Зубово-Полянскяй району. Удалась улемс тя аймаконь ламоц велетнень эса. И содасасть, мезсь васендакиге пови сельминголи? Кодама пара вайме мокшень ломатть эряйхть тяса! Коза афолеме сува, сембе вастова васьфнемазь кунардонь содаф ялгакс. Тяконь ули кода азомс и Каргал велень школань коллективть колга. Школась аф оцю, сембоц тяса покодихть вейхкса учительхть и эрсь пяк маштозь тиендьсы эсь тевонц. Английскяй кяльть, кепотьксонди, вятьсы мокшавась Елена Ильинична Чекмарёва. Сонь колганза и азонттама тячи.

 

Шачемас-касомас коре Елена Ильинична тяка райононь Кужа велеста. Но эряфонц оцюшка пяльксоц ётась Каргалса. Тястонь школав работама мокшавась сась 1885 кизоня М.Е.Евсевьевонь лемса МГПИ-ть шумордамда меле. Ся пингста и вяти тяса английскяй кялень урокт—36 кизода ламос ни. Каргалса Елена Ильинична музе эсь павазонц. Мирденц, Александр Кузьмичень, мархта шачфтсть-касфтсть кафта шабат, конат казсть ни теест кафта унокт.
 

 

09.06.2022 №22

 

Темниковскяй райононь оцюнясь О.Н.Родайкин: «Районть инь оцю козяшиц—ломаттне, сяс сембось тиема синь эряфснон цебярьгофтоманкса»


 

Спортти мялень шарфнемац ащи цебярь кепотьксокс лиятненди

Зубово-Полянскяй райононь Бзновка (Новые Выселки) велень школаса работайхть ёню, асу, эсь тевонь содай учительхть. Кота кизода инголе синь ёткозост сувась физкультурань учительсь Андрей Александрович Дергачёв. Цёрась эстокиге мусь яння работас коре ялганзон и тонафнихнень седис. Кизоста кизос учениконза сявондьсазь васенце васттнень ламоц пялькстоматнень эса, конат ётнихть Зубово-Полянскяй районца и лия вастса.
 
 

Спортти Андрей Александровичень семьяса шарфневи оцю мяль. Тядяц, Любовь Петровна Дергачёва, вятсь физкультурань урокт школаса. Аляц, Александр Тимофеевич, одкс пингстокиге няфнесь цебярь результатт каратэса, армейскяй рукопашнай тюремаса. Сяс идьснонга, Андреень и Еленать, касфтозь спортти кельгомаса. Зубова Полянав секцияс-коза ашель кода арнемс, Александр Тимофеевич вете кизоса цёранц тонафнезе сонць кудса. Сяда тов Андрей Дергачёв кочказе сянь, мезсь тусь мялезонза: налхксь футболса, якась ласькондемать коряс пялькстомас. Ня маштомошитне кондястсть теенза сяда тов лисемс Президентскяй пялькстоматненди, коса сон Ново-Выселскяй школань командать мархта сявозе васенце вастть васенда Зубово-Полянскяй районца, сяльде—Атюрьеваса, а меле и марнек республикаса. Тяда меле ульсть Мордовиять эзда Всероссийскяй Президентскяй состязанияса Краснодарскяй краень Анапа ошса. 21 шиста Ново-Выселскяй школань командась, конанди вятисель Любовь Петровна Дергачёва, варчсезень виензон спортонь эрь кодама видса.

02.06.2022 №21

 

РАЗВОДИТЬ И ВЫРАЩИВАТЬ ПЕРЕПЁЛОК—ДЕЛО ПРИБЫЛЬНОЕ


 

ВЕЛЕНЬ ФЕЛЬДШЕР


 

Е.ЧЕКМАРЁВА: "СЮКОНЯМЕ СМОЛЕНСКЯЙ МОДАТИ, КОСА КАЛМАФ АТЯЗЕ"

Победань шись—Россияса башка эсь лацонь ила. И ков сяда ичкози эздонк лядондыхть 1941-1945 кизотне, тов сядонга кородозь малаткшнетяма ся событиятненди и ломаттненди, конатнень судьбаснон полафтозе тя пелькс войнась.

 

 

 
«Фёдор Андреевич Кудашов шачсь 1910 кизоня МАССР-нь Зубово-Полянскяй райононь Кужа велеса. Мордвин. Тертьф Советскяй Армияв 1941 кизоня Ширингуши посёлкаса. Рядовой. Шавовсь фронтса тюрематнень пингста 1942 кизоня. Калмаф Смоленскяй областень Туманово велеса».

 

«Память Мордовии» книгаса тя нюрьхкяня сёрматфсь атязень колга. Аф содаса, кенерсь-аш атязе сёрмадомс сёрма фронтста. Аф шабанза, аф минь, унокне, мзярдовок аф содасаськ, кодама пичедемат-таколдомат, сярятьф и стакат-сталмот сон кирдсь, мзярда солдатоньке потасть фталу оцю юмафксонь кандозь, кадондомок врагти велетнень и ошнень. Сон мзярдовок аф тяшти стака китнень, толса плхтаф велетнень колга. Сон мзярдовок аф азонды простой эряйхнень квалма, конат симнезь солдаттнень лофцта, синь эняльдемаснон и солдаттнень инкса пичедемаснон колга.

 

Аньцек 1973 кизоня тейнек пачфтевсь куля «войнаста», и минь содаме Смоленщинань пара вайме эряйхнень и синь и оцю тевснон колга, мзярда якстерь следопыттне музь семьяньконь и азондозь, коса калмаф атязе, «званияфтома и казнефтома простой солдатсь», кучезь братскяй калмонять фотографиянц, коса шавфнень ёткса тяштьф и сонь лемоц. Монь атязень ашет медаленза и орденонза, званиянза, но сон тись оцюдонга оцю подвиг—максозе эряфонц идензон, уноконзон инкса. Мон марян гордость атязень инкса и лад мялезон, што сире пингонь койс коре, сон калмаф модати. А мзяра воинда, конат юмасть куляфтома и апак мукт тячемс, и кивок аф содасы, коса синь калмонясна…

 

19.05.2022 №19

 

КАСЫ И МАЗОМКШНИ ТОРБЕЕВАСЬ

Александр Николаевич Балашовонь—Торбеево посёлкань администрациянь оцюнять кабинетсонза тундань шитнень стака сатомс. Тя пингть сонь сяда сидеста ули кода васьфтемс посёлкань ульцятнень эса, коса лаказь-лакайхть ремонтнай тефне. Александр Балашов кинь петихнень, коммунальнай службань работникнень мархта ванондсыне и максси указаният ся участкатнень коряс, конат тиемат васенцекс, коза и мзяра нолдама ремонтонди средствада. Лама тев тифоль ни Сяськомань шида инголе, мзярда сембе кужева озафневсть шуфтонят, панчфт, кархчнень эзда аруяфневсь посёлкать территорияц, ялга якама кинятне ацавсть асфальтса.

 

—Лиякс аш кода, аф тисайть ня тефнень тундань кофнень, эста кизоньберьф посёлкась кармай няевома аф мялень петиста,—мярьгсь Торбеево посёлкань оцюнясь А.Н.Балашов.—Арушись и порядкась—посёлкать эсь лацонь шамаликоц, мазышиц. И минь мяленьке стама, штоба аф аньцек тястонь эряйхненди, но и инжихненди улель коза лисемс, коса ваймосемс.
 

19.05.2022 №19

 

«ЛАДЯМС СОТКС ЁТАЙ И САЙ ПИНГТЬ ЁТКСА!»


 

 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин