Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Обо всем понемногу

Тундань панчфне кеняртьфтихть


 

Март ковонь приметат

02.03.2018

 

КОЗА ЭРЯСКОТТАДА

Светлана Немоляева режиссерхнень, продюсерхнень и кельгомать колга
—Тячи киноть колга мезе аньцек аф корхтайхть, и кой-кона артисттневок эсь квалмаст азондыхть мезе-повсь. И киньге пряс аф сашенды мяль, штоба сетьмофтемс синь и мярьгомс, што ули граница, конань вельхкска аф мярьгондеви ётнемс киндинге и мзярдовок. Койсон, актёрскяй занятиясь должен улемс сёлкфокс марстонь публикать эзда. Должен улемс и тайна: тя кода сценась театраса—сон метра пяледа сяда сери вастса зрительнай залть коряс, и явфтови занавесса. И ванысь, кда сон аф ёньда лисьф, аф эци сценав действиять пингста артистть мархта корхнема.
Идькс пингстон и одонь кизоста искусствань мирсь эрясь лия законц коре и теенза пяк оцюволь интерессь. Эста кельгома актёрхнень мельге якасть ламонь ломань, конат азондсть теест благодарностень валхт и кельгозь синь.
07.12.2017 №48

 

«КОДАМА СЕМЬЯ ФКЯ-ФКЯНЬ ЭЗДА ИЧКОЗЕ ЭРЯЗЬ»,—мярьгсь телеведущайсь Ирада Зейналова


 

АРХТ, СЯФТЬ ШУМОС ШАБРАТНЕНЬ КЯДЬСТА!

Мялезе азондомс эсь историязень—пади, сон рахафты, а, пади, тонафты.
Рана шобдава тунь магазину гарашнень пачк—тяфта сяда нюрьхкяня кись. Тя ёткть инголен бта модать алда эвондась омба масторонь мазы машина. Рульть инголе озадоль цёра, няемок монь, комотсь машинаста и мярьгсь, штоба рамалень кядьстонза кухоннай кядьгонь немецкяй набор и пяк цебярь столовай набор—цянгонят, куцюфт, десертнай куцюфт. Мярьгсь, што сон Кишинёвста. Сембе тя мазышить инкса—аньцек 500 цалковай.
Сядоксть кизефтине, аф шутендама, шта, тя, но од ломанць мярьгсь, што кухнянь ня наборхнень мишендезень 1,5 тёжяньда, а тейне макссыне колмоксть сяда уцезста, сяс мес пели, што таможняса сави пандомс пяк оцю пошлина, или ёфси сявсазь товаронц.
Ащень, кулхцондыне сонь. И мезсь пяк дивандафты, азонь мяль озамс машиназонза. Од ломанць ускомань кудозень малас, и ашень пеле нолдамс сонь квартиразон. Сон кандсь кухняв набор мархта ящикт, маразень кядьготнень шрать лангс и корхтась, корхтась, корхтась... Бта гипноз ала улень.
Мезевок ашень шарьхкоде, мзярда таргайне кошелекста 500 цалковайть. Сон лангозон ванць дивандазь и кайгиста мярьгсь:
—Аф вете сятт цалковай, а доллар.
А тя вдь пцтай 30 тёжянь! Од ломанць ушедсь корхтама, што ярмаксь теенза аф эряви, мялец, штоба монь улельхть цебярь кядьгоне «ёмла питнеда». Таргась доллархт—пяшксе пачка—тняра эряфсон вестевок ашень няенде.
Азыне, што удаван, пенсионеркан, пенсиязе ёмла, ширде сявомс аш коста,  идне эряйхть башка. Но сонь ашель мялец тянь колга кулемс: архт, вешть ярмак, и сембе! И 25 тёжянь анась, и 20 тёжянь, меле золотаса азсь мяль сявомс. Эводень, арьсень—вов вдь повонь, педсь эзон, хуш караул юватть.
—Архт, сяфть шумос шабратнень кядьста! Вешть!
Пара, тя ёткть сувась шабравазе, калхт кандсь. Мархтонза корхтазевоме, мезе да кода, а од ломанць курокста кочказень коробканзон и ворьгодсь.
Спасиба Шкайти и шабравазти, што сембось тяфта шумордавсь. Кие содасы, мезе лисель. Цёрась визьксфтома ульсь.
Тяни мзярдовок аф пован васькафнихнень и мошенникнень килькшс. Азондыне семботь идненди, и синь ламос сюцемазь.
 
И.Корытина.
25.09.2017 №37

 

70 КИЗА МАРСА!

70 КИЗА МАРСА!
26 августста Мария Дмитриевна и Михаил Николаевич Бычкофнень эряфса ули оцю и валда события—топоди 70 киза ёт синь сотозь фкя-фкянь мархта эсь судьбаснон. Эряфка синь молихть кяденьбецек, фкя-фкянь шарьхкодезь, ужяльдезь и кельгозь. Тяни азоравати 93 киза, азорти—95. Пенсияс лисемозост кафцьке седикс-ваймокс покодсть, кажнайсь эздост эсь тевсонза сатсь оцю уважения и авторитет ломаттнень ёткса. Мария Дмитриевна—пяк цебярь педагог и воспитатель, Михаил Николаевич—талантливай журналист и писатель, лама киза покодсь эсь корреспондентокс «Мокшень правда» газетасонк. Синь касфтсть и воспитандасть цебярь итть, конат музь эряфса эсь вастснон, уважаемай ломатть, улихть синцень семьясна.
Эрьда седи ваксста поздравляндасаськ ня пара вайме ломаттнень,  мирттнень-рьвятнень Бычкофнень семейнай эряфсост малаткшни оцю илать мархта и арьсетяма теест нинге ламоняс эрямс и эрямс шумбраняста-тазаняста.
—Вай, начальник ялгась, простямак. Арьсезевонь. Кати-кода тяфта лиссь, простямак...
—Ну-ну, пара. Тяни кулхцонтт. Начальниксь макссь теенза задания и нолдазе. Отделса учендсь эсонза эряфкшу ава.
—Мезе тейть?—кизефтезе сонь Захар Кузьмич, афи мярьгсь озамс. Алясь арьсесь, што сафти аш месть ламос ащекшнемс контораса.
—Эняльдемазе ули. Пичефксозе тяфтама...—ушедсь авась, но Сюконяев лоткафтозе:
—Личнай тев мархта примсетяма аньцек вете частта меле.
—Учелень ветети, да мон...
—Мон да тон, да Сидоров Антон,—полаксазе эряфкшуть Сюконяев.—Порядка ули, и сон ванфтома. Саят вете частта меле!
Ня валхнень азомста сон лятфтазе ваноманять и варжакстсь эзонза. Тоса кельме, бта кевста лаксеф шама.
«Вай, тявок—монан?—пичедезевсь Захар Кузьмич.—Тяфтапнень аньцек карикатураса няфнесазь».
Но тя мяльсь кфчядсь и маштсь. Бабанять лисемда меле сон лядсь стама жа важнайкс и пезфтазень сельмонзон каготтненди.
—А тон, Кузьмич, абон панить ломанть,—ашезь кирде фкя ялгац.—Тевоц минутаста вановоль...
—Нльне стане? Ватта! А мон афи содайне. Ну тонь валдот меле карман содама. Спасиба тонафтоманкса!
Сюконяев тага варжакстсь ваноманяти, и тага эсь прянц ашезе сода: стама изгордыень-кичкордыень, стама прянь няиень тоса шамась.
Службада меле Захар Кузьмич аськолясь куд шири, лятфнезе семботь, мезе няйсь ваноманяста. Седисонза аф пароль, бта пяндра ведьта симсь и ваны эсь лангозонза ширде. «Ну и туткоткс». Сон тага весть варжакстсь волшебникть казненцты, няезе эсь шаманц и кяжиста тюфадсь ваноманяти. Эстокиге ся юмась, бта и ашель.
Кинь кядьс пови ся ваноманясь, кой-мзярда варжакснеда эзонза. Шять, мезевок и карматада содама эсь колгант.
М.Бычков.
 
25.08.2017

 

Майсь


 

Обо всем

ШКАЙСЬ КУЛЕЗЕНЬ ОЗОНДОМАНЬКОНЬ
Эряфоньберьф эряфкшу индиецне Мохиндера Сингх Гилл и Далжиндер Каур кулендсть эсь колгаст лама пеетькшнема. Мирдсь и рьвясь эрясть марса 47 киза, но идьсна ашельхть—Шкайсь ашезь макссе. Синць шабань колга  нльне арьсемдовок лоткасть, но весть Мохиндера и Далжиндер кульсть искусственнай оплодотворениять колга и састь мяльс аф нолдамс павазть.
Врачне ашесть кема тянди, но, мзярда тесттне няфтезь, што пациенткась шумбра, кярьмодсть тевти. Медикненди стакаль верондамс: 72 кизоса Далжиндер пекиясь и шачфтсь кафта килограммань сталмоса шумбра идь.
Эряфкшу тядясь сонць якай ёмланять мельге. «Тя пяк эряви тейнек,—мярьгсь Каур.—Тяни павазуван. Эряфонь вешфксозе пяшкотьф. Шкайсь кулезень озондоманьконь». Шачфтыхне-касфтыхне аф пелихть, што туйхть эряфста идьснон апак касфтт. «Шкайсь аф кадсамазь, сон лезды сембоса»,—арьси 79 кизоса алясь.
 
08.03.2017 №9

 

19 ЯНВАРЬСТА—КЛЬХЧЯНЯСЬ

Эрь кизоня 19 январьста православнай христиаттне кенярдезь васьфнесазь великай двунадесятай праздникть—Кльхчянять. 18 январьста Кльхчянянь сочельниксь. Тя шиня фалу уленди строгай пост.
Кльхчяняста и Кльхчянянь сочельникста (аньцек кафксть кизоти!) церькавса Божественнай литургияда меле святиндакшневи ведсь. Тя тиендеви  торжественнайста ляйхненди и водоемтненди крестнай хоттнень пингста. Лятфневи Спасительть Кстиндамац. Сон Иорданскяй веттненди суваманц мархта, святиндазе марнек мирть-масторть. Ведень источникненди шупондовихть варят, сидеста крез лаца и лемневихть «иордань».
Кльхчянянь ведсь аф гасневи пяк ламос, сон кондясти симомс несколька кизода мелевок.  Тянь квалма сермадсь, кепотьксонди, IV веконь святительсь, христианскяй Церькавонь великай учительсь Иоанн Златоуст.
Святиндаф кльхчянянь ведсь лемневи «великай агиасмакс». Тя оцю святыня. Шкайти верондай ару вайме ломаттне, сявомок сонь храмста, ванфтсазь кудса. Симондихть эздонза шобдава вачень пект и сивондихть просфора пакшкя.
Кльхчянянь ведсь тевс ноляви кудонь, учреждениянь, машинань-мезень святиндамс. Кажнайти эздонк ули кода тянь тиемс: аф лама ведняса валондомс рабочай вастоньконь, квартираньконь и стак тов.  Святой ведсь штасы сембе «рдазть», канды Шкаень благодать, аруяфтсы ваймоть.
19.01.2017 №2

 

ЗВЕРСЬ МЯЛЯФТСЫ ПАРОНЬ ТИЕМАТЬ

18.03.2016

 

 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин