Поиск по сайту: 
 
Наши мокшанские сыновья и дочери
Тема дня
Национальная тематика
Культура
Обратная связь (Газета - Читатель)
В Госсобрании РМ
В Правительстве РМ
Демография
Здоровье
Мокшане о мокшанах
Как жили и живут мокшане
Ветеранам о ветеранах
Молодежный клуб
Наша усадьба
Наука и жизнь
Спорт
Благотворительность
Указы Главы РМ
Религия
Люди и дела
Закон и порядок
АПК
Обо всем понемногу
Экономика
Мокшень правде-90!
Наша семья
Письма из села
Юмор и сатира

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 
Наши мокшанские сыновья и дочери

И.М.Девинонь 98 кизонь топодеманцты

Мокшэрзянь крайть кельгиец, мораец

 

Лувиеньконди лац содаф мокшень поэтть и прозаикть И.М.Девинонь лемоц. Сон путсь оцю путкс мордовскяй литературать виияфтоманцты. Тяштсь стихонь, повестень, рассказонь 20-да лама книга, а стане жа «Нардише» роман, кона нолдаф мокшень и рузонь кяльса Саранскяйса и Москуса. Ламоц произведениянза арасть хрестоматийнайкс.

 

Илья Максимович ульсь пяк цебярь ломанькс и общественнай деятелькс. Сон кочксевсь КПСС-нь ХХVI съездонь делегатокс, РСФСР-нь Писателень союзонь членкс,       МАССР-нь Верховнай Советонь депутатокс.

 

Теенза максфоль «Российскяй Федерациянь культурань Заслуженнай работник» почётнай лем, Мордовия Республикань Народнай поэт лем, Мордовия Республикань Государственнай премия. Родинать инголе заслуганзон инкса казьф Якстерь звездань, Трудовой якстерь знамянь, Народонь ялгаксшинь ордеттнень мархта, лама медальса.

 

Мордовиянь Писателень союзса председателькс улемстонза (а тосоль 14 киза) ялганза кельгозь путнесть теенза лем—писателень генерал. Тянь тиендезь сяс, мес эздонза няйсть кинь кяли и инголи вяти ломань, кона, мезе тяза уле, аф кадсы палас повфть. А мокшэрзянь содаф ученайсь-историксь М.Ф.Жиганов мярьгсь тяфта: «Илья Максимович Девин—Мордовиянь Писателень организациять совестец». Сяда лац аф азсак.

 

Меколи лятфтасаськ, што ня шитнень И.М.Девинонди топодель 98 киза. Сон шачсь 1922 кизонь 20 июльста Старошайговскяй райононь Сире Теризморга велеса. Лама киза сон работась «Мокшень правда» газетасонк, ульсь ответственнай секретарькс и главнай редакторкс «Мокша» журналса.

 

Тячиень номерста лувость И.М.Девинонь «Курка» рассказонц (максови кирьфтафста).
 

 

 
23.07.2020

 

СЛУЖАСЬ ЭСЬ НАРОДОНЦТЫ

Сарга. Тяфта моронь мазы валкс кайги минь мокшень веленьконь лемоц. Кда варжаксттама Мордовиять картанц лангс, велеть мусаськ ёфси сонь кучкастонза.

 

Самай тяса 1916 кизонь 17 мартста сокаень-видиень, мокшень оцю семьяса шачсь-кассь А.С.Чалдаев. Кассь и лиссь оцю кис. Мокшэрзянь крайсонк занцесь служебнай оцю вастт, должностть, тись лама цебярьда республикати, кадсь эсь колганза пара лятфнемат.

 

Алексей Степановичень биографияц ламода похожай ся пингонь ломаттнень ётаф пингснонды. Нинге шабакс савсть содамс кудъётконь и паксянь тефнень, тиендемс ряцок оцюфнень мархта оцювонь тефт.

 

Корхтаманьконь шарфнесаськ тоза, што сай пингонь оцю рангонь руководительсь аф аньцек рана кундась сокати, но и кельгозень синь, велень ломаттнень, пефтома заботаснон. И катк сяда товолдонь эряфонь кисонза ульсь аф кржа шаркста, сембе сяка сембе эряфоц и тевонза сотфтольхть Мордовиять, сонь касоманц-вииякшнеманц мархта. А.С.Чалдаев лац шарьхкодезе эсь роленц и ответственностенц республикань эряйхнень инголе. Сон тиендезе семботь сянкса, штоба миньцонк эряфсь улель сяда тёждя и сяда пара.

 

 
23.07.2020 №28

 

НОЛДАСЬ КУВАКА ЮРХТ МОКШЭРЗЯНЬ ЛИТЕРАТУРАТИ

Старошайговскяй райононь Сарга велесь аф оцю. Но макссь мокшэрзянь крайти лама содаф ломаньда. Нят писательхть, журналистт, учёнайхть, общественнай деятельхть. Сембонь лемснон лятфтамс аф саты газетань страницась. Но кода аф лятфтамс писательть-фронтовикть Г.А.Пьянзинонь, кона литературав васенце аськолкснень тиезень нинге ётай веконь колмогемонце кизотнень ушетксста. Тястоннет писательсь и журналистсь Ф.Ф.Пьянзин, Мордовия Республикань Заслуженнай поэтсь Р.К.Орлова, учёнайсь, филологическяй наукань кандидатсь Н.С.Алямкин, «Мокшень правдать» главнай редактороц И.С.Лушкин, содаф журналистсь В.В.Пьянзин и ламотне лиятне.
 

 
16.07.2020

 

СОН МАТСЬ ТОЛ ЧЕРНОБЫЛЬСКЯЙ АТОМНАЙ СТАНЦИЯНЬ РЕАКТОРХНЕНЬ ЭСА

Великай Победать 75 кизостонза минь сяда лама азонттама-пачфнетяма народоньконь оцюдонга оцю подвигонц, фашистскяй захватчикнень каршес героическяйста тюреманц и сяськоманц колга. Тя темась сяда товга кармай тейнек фкя инь главнайкс, сяс мес лац содасаськ, кодама питнеса сатф тя Победась, мзяра ломанень эряф максф тянкса. Но аф юкснема и ся геройхнень колга, конат тисть оцю подвиг, няфтсть аф пелема мирнай пингть, тячиень эряфса. Фкясь синь эздост—Советскяй Союзонь Геройсь, генерал-полковниксь,  мокшалясь Н.Т.Антошкин.
 

 
09.07.2020

 

Ю.А.Мишанинонь 60 кизонь юбилеенцты

Синь тюрсть крымть инкса

 

 
 
 Минь справканьке: тяддень 30 июньцта васьфтьсы эсь 60 кизонь юбилеенц Мордовскяй (мокшень и эрзянь) народть Межрегиональнай общественнай организациянц председателец, Мордовия Республикань Правительствать видеса гуманитарнай наукань НИИ-ть директоронц заместителец, филологическяй наукань докторсь, профессорсь, Мордовиянь массовай информациянь средствань Заслуженнай работниксь Юрий Александрович Мишанин.

 

Шачсь-кассь сон Мордовиянь Кадошкинскяй райононь Адашево велеса. Аделазе Ждановонь лемса  Ленинградскяй государственнай университетть, тонафнесь  аспирантураса.

 

1987-2018 кизотнень Ю.А.Мишанин—Н.П.Огарёвонь лемса Мордовскяй государственнай университетонь филологическяй факультетонь старшай преподаватель, доцент, профессор, «Вестник Мордовского университета» научно-публицистическяй журналть главнай редакторонц заместителец, Региональнай журналистикань теориянь и практикань кафедрань заведующай, Финно-угорскяй народонь культурань Поволжскяй центрать директороц, Н.П.Огарёвонь лемса МГУ-нь филологическяй факультетонь декан.

 
26.06.2020

 

Ф.Ф.Пьянзинонь 80 кизонь топодеманцты

ЖУРНАЛИСТ И ПИСАТЕЛЬ
Фёдор Фёдорович Пьянзин, кода и ламоц лия мокшень писательхне, эсь творческяй тевонц ушедозе газетав сёрматкшнемать эзда. Тя лездсь теенза лац содамс эряфть и мумс эсь кинц мокшэрзянь литературав.
Шачсь Федор Пьянзин 1940 кизонь 10 июньцта Старошайговскяй райононь Сарга мокшень велеса. Тяса аделазень сисем класснень, а сяда тов тонафнесь Сире Шайгавонь средняй школаса. Эряви азомс, кафцьке школатнень эса тонафнесь цебярьста. Оценканза ульсть аньцек «нилет» и «ветет». Сидеста улендсь велень и районнай библиотекатнень эса. Нинге шабакс пяк кельгозе книгань, газетань и журналонь лувондоманц, и ульсь оцю мялец варжамс эсь творческяй виензон. Кядец эслек венемкшнесь ручкати. Кармась тяшнема корреспонденцият, заметкат районнай и республиканскяй газетатненди. Варжазе виенц азксонь сёрмадомаса. Теенза тя ульсь цебярь школакс.
Средняй школаса тонафнемать аделамдонза меле савсь кой-мзяра пинге покодемс и производстваса, и школаса.
11.06.2020 №22

 

Юбилей мархта, Иван Фролович!

46 киза тонафтсь итть

 

 
Кие хуш весть васетькшнесь, седикс-ваймокс корхнесь И.Ф.Брындинонь мархта, ся содасы, што Атюрьевскяй райононь Пичепулоня велеса сяда пси седи, ару вайме, цебярь ломань аш. Сонь мзярдовок аф няйсак колаф мяльхть, мзярдовок апак каваняк аф нолдасы эсь инжиенц. А инжидонза уленди лама. Сашендыхть варжамонза ингольдень учитель ялганза. Пялдонза аф лисендихть педагогическяй трудонь ветераттне П.С.Трунькин, Н.А.Лушкин, лиятне. Сашендыхть алятне советонь кизефтема, ваймонь панжема. Мярьгат, фкя-фкянь ашесть няенде пяк куватьс. И тя шарьхкотьф, марса покодсть нильгемонь киза.
 
 
 
 

 

 
02.06.2020

 

ШАЧЕМА ШИРЕЦ—САРГА ВЕЛЕСЬ


 

Лемоц лядсь валда тяштекс

Захар Фёдорович Дорофеевонь—мокшэрзянь письменнай художественнай литературать ушедыенц, содаф педагогть-просветительть, общественнай деятельть шачема шистонза 130 кизонь топодеманцты
З.Ф.Дорофеев шачсь 1890 кизонь 24 мартста Торбеевскяй райононь Салазгорь мокшень велеса, крестьянонь-середняконь оцю семьяса, коса кемоста ванфтовсть религиознай духовностень правилатне, мокшэрзянь койхне-обуцятне.
Захар Фёдоровичень аляц—Фёдор Михайлович, аф пяк грамотнаель, но шарьхкотькшнезе, што иденза эрявихть тонафтомс лувомати, сёрмадомати. Ся пингста Салазгорьса ульсть кафта школат: церковно-приходской и земской. Дорофе-евонь алянц оцюволь мялец, штоба шабанза тонафневольхть земской школаса. Мзярда Захаронди топодсь кафкса кизот, сонь прважазь тов. Тонафнесь лац. Аф стак сяльде максозь тонафнема Виндрейскяй кафта классонь церковно-приходской школав. Тонафнесь казеннай ярмак лангс. Тяса и эвондась литературати и поэзияти кельгомац. Тияк эряви азомс,  Захаронь поэтическяй асувонц виияфтоманцты лама лездсь сонь  тядяц, Екатерина Яковлевна, кона содась лама народнай морода, легендада, преданияда.
02.04.2020 №12

 

ФАШИСТТНЕНЬ ПЛЕНЦТА—ФАШИСТТНЕНЬ САМОЛЁТСА

Нинге весть мокшалять, Советскяй Союзонь Геройть Михаил Девятаевонь колга

 

Пцтай 75 киза ётась Великай Отечественнай войнада меле. Но минь лац мяляфтсаськ советскяй воиноньконь подвигснон, конат войнань стакадонга стака кизотнень оружия мархта аралазь Родинаньконь фашистскяй захватчикнень эзда. Сятнень ёткса, конат, эряфонь аф ужяльдезь, маласькофнезь Победань шить, аф кржа и мокшень ломаньда. Фкясь синь эздост—М.П.Девятаев—ломанць-легендась, лётчиксь, пелемань аф содай воинць, Советскяй Союзонь Геройсь.

 
05.03.2020 №8

 
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 

АРМИЯВ СЛУЖАМА РЕСПУБЛИКАСТА СЯВФ ПЦТАЙ 1000 ЛОМАНЬ

15 июльста Саранскяйса Мордовия Республикань Пресс-центраса ётафтовсь пресс-конференция, кона лемтьфоль Российскяй армияв тундань призывть итогонзонды.

 

Пингстонза Мордовия Республикань военнай комиссарсь, полковниксь И.В.Тихомиров пачфтезе журналисттненди: кле, кода и ётай тунданя, республикаста армияв сявф пцтай 1000 од ломань, конат шумбрашиснон коряс кондястихть арамс военнослужащайкс. Тя цебярь итогть сатоманкса, тяддень 1 апрельста сявомок и 15 июльти самс, республикань призывной комиссиятне пандемиянь условияса ётафтсть оцю работа. И тянкса теест эряви азомс оцюдонга оцю спасиба.
 

 

23.07.2020
 

ТЯЧИЕНЬ ВЕШФКСНЕНЬ КОРЯС

Саранскяйса ульсь Мордовия Республикань Государственнай Собраниять 47-це сессияц, конань ётафтозе МР-нь Госсобраниять Председателец Владимир Чибиркин. Тя мезтьке сессияс тертьф депутаттнень лувкссна аф ламоль. Решениянь примамс тевс тага нолдафоль панжада вайгялень максомась, а электроннай системась тевс апак нолдаколь.
 

23.07.2020
 

ВАСЕДЕМА РОССИЯНЬ ФИНАНСОНЬ МИНИСТРТЬ ВАСЕНЦЕ ЗАМЕСТИТЕЛЕНЦ ЛЕОНИД ГОРНИНОНЬ МАРХТА

Мордовиянь Оцюнясь Владимир Волков 17 июльста Москуса васетькшнесь Россиянь финансонь министрть васенце заместителенц Леонид Горнинонь мархта.

 

Ванондовсть регионть и РФ-нь Финансонь  министерствать ёткса национальнай проекттнень эряфс ётафтомаснон, а стане жа республиканскяй бюджетть сбалансированностенц обеспечендаманц и социальнай сембе обязательстватнень пяшкодемаснон коряс марстонь тевонь вятемань кизефксне.

 

Тяда башка, корхтамась мольфтевсь республиканскяй бюджетть 2021 кизонди и колма кизонь планонь пингти формировандаманц колга.

 

23.07.2020
 

МОРДОВИЯНЬ ОЦЮНЯСЬ ВЛАДИМИР ВОЛКОВ ВАНОЗЕ, КОДА МОЛЬФТЕВИХТЬ КИТНЕНЬ ПЕТЕМАСНА САРАНСКЯЙСА

Мордовиянь Оцюнясь Владимир Волков 20 июльста ётафтсь выездной совещаният Саранск ошень ки лангонь объекттнень эса. Совещаниятнень эса примасть участия Мордовиянь Правительствать Председателец Владимир Сушков, Правительствать Председателенц заместителец—республикань строительствань, транспортонь и дорожнай хозяйствань министрсь Виктор Цыганов, ошень Администрациянь и подряднай строительнай организациянь представительхне.
 

 

23.07.2020
 

«СЕМБЕ ПРОЕКТТНЕ ЭРЯВИХТЬ РЕСПУБЛИКАТИ»

11 июльста, Мордовия Республикать и «Российский Союз строителей» работодателень Общероссийскяй                       межотраслевой объединениять ёткса соглашениять подписандамста, Мордовиянь Оцюнясь Владимир Волков и строителень Российскяй Союзть президентоц Владимир Яковлев ванондозь регионти важнай проекттнень эряфс ётафтомаснон марстонь работать вятеманц коряс кизефкснень.
 

 

16.07.2020
 

Владимир ВОЛКОВ: МИНЬ ГЛАВНАЙ ЗАДАЧАНЬКЕ—ТИЕМС РЕСПУБЛИКАНЬ СЕМБЕ ЭРЯЙХНЕНДИ МЕДИЦИНСКЯЙ ЛЕЗКСОНЬ МАКСОМАНЬ ЦЕБЯРЬ УСЛОВИЯТ"

13 июльста Саранскяйса Победань площадьса ётафтовсь важнай мероприятия—максовсть панжемат вастста вастс пачфневи медицинскяй комплекснень и медицинскяй курокстонь лезксонь максомань машинатнень эзда республикань больницятненди. Марнек Мордовияв «Здравоохранение» национальнай проектть эряфс ётафтомань рамкаса максф 43 транспортнай средства—вастста вастс пачфневи 33 медицинскяй комплекс (синь лувкссост фельдшерско-акушерскяй 17 пункт, 9 маммографт, 4 стоматологическяй комплекст, 3 флюорографт), а стане жа курокстонь лезксонь максомань 10 машинат.
 

 

16.07.2020
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 

МОРДОВИЯСА ПАНЖЕВИ ПАМЯТНИК МИХАИЛ ДЕВЯТАЕВОНДИ

Российскяй военно-историческяй обществась примась Торбеево поселкаса, Советскяй Союзонь Геройть Михаил Девятаевонь родинаса, памятникть, кона сембе пингс кемокстасы сонь подвигонц колга мялямть, стяфтоманц колга решения. Кода удалась содамс, скульптурнай композициять инь цебярь проектонц лангс ётафтови международнай творческяй конкурс художникнень-монументалисттнень ёткса. Сонь итогонзон творческяй Советонь эксперттне тисазь 15 июльста. Стяфтомс монументть арьсеви тяддень кизоть шумордамс.

 

 

03.07.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин