Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    
Мокшень правде-90!

ГАЗЕТАТЬ КЕЛЬГСА, ФАЛУ МОРАФНЕСА

«Мокшень правдать» морафнеса фалу. Газетась салси мяль теманзон мархта. Васенцекс лувондсайне республиканьконь эряфонц колга политическяй, социальнай и культурнай материалхнень. Лама тюсонь, черно-белай фотографиянзон, иллюстрациянзон, очерконзон вельде сон содафнесамазь писательхнень, художникнень, артисттнень и сятнень мархта, кие кельгсы шачема краеньконь, козякофнесы культураньконь.
Мяль салсихть велень эряйхненди, семьяти, школати, спортти, ученайхненди, моральнай темас лемтьф полосатне.
Тейне, кода архивонь работниконди, малат Великай Отечественнай войнань кизотнень пингста фронттнень эса воявай земляконьконь квалма материалхне.
Архивсонк ванфтовихть ламотнень личнай фондсна, а газетань материалсь, лятфнематне и очеркне сядонга козякофнесазь синь.
Мекольдень публикациятнень эзда башка лоткалень Владимир Нестеровонь материалонц лангс, кона лемтьф ученайть, общественнай деятельть Н.Ф.Мокшинонь юбилеенцты, Т.Владимировать Мордовия Республикань культурань Заслуженнай работникть, мокшень поэтть и писательть В.Н.Корчегановонь «Избранное» од книганц квалма материалть лангс.
Фалу морафнесайне «Тинь шумбрашинте», «Докторсь тонць» народнай медицинати лемтьф полосатнень, коса макссеви материал витамиттнень, пакарьхнень пчкафтомаснон, тишетнень-панчфнень пчкафты вийснон колга и ламоть лиять колга.
Козя мокшэрзянь масторсь талантса, мазы стирьса. Сидеста мокшень газетаса лисендихть национальнай щамса-карямса наряжаф мокшаватнень фотографиясна. Ламос ванондан лангозост и лятфнесайне одонь кизонень, шачема краезень. Ваймосон кулевихть родной моротне, кепси мялезе. Шачень мокшень велеса, сяс надиян, што тяфтама мазы фотографият, стихт кармайхть улема родной газетаса фалу.
«Мокшень правда» газетати курок топоди 90 киза. Арьсян теенза фалу ляткшнемс мялень салайкс, лувихненди цебярь ялгакс.
 
Е.ЛОШКАРЕВА,
«ЦГА Республики
Мордовия»
ГКАУ-нь сотрудник.

25.08.2011 №33

Новости

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019   № 25
Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019   № 25
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин