Поиск по сайту: 
 

Архив
 июль 
 2022 
пн вт ср чт пт сб вс
    123
45678910
11121314151617
18192021222324
25262728293031

 
 

 

Молодежный клуб

Огарёвецнень оцю сатфкссна Российскяй студенческяй тундаса


 

Сергей ЛАЗАРЕВ: «КЕНЯРДЯН, МЕС ЭРЯФОНЬ КИЗЕ ПАЧФТЕМАНЬ МОРДОВИЯВ»

2021 кизонь сентябрсь. Минь, «Мокшень правда» и «Эрзянь правда» газетатнень коллективсна, саме Саранскяйса Республикань Куду пяк оцю и кеняртьфти туфталонкса—тяса ётафтовсь газетатнень 100 кизоснонды лемтьф торжественнай пуромкс, конань пингста славнай тя юбилееньконь мархта поздравляндасамазь Мордовия Республикань Оцюнясь А.А.Здунов. И вов казнетнень получамдост меле аф оцю концерт няфтсь «Умарина» моронь и кштимань Государственнай ансамбльсь. Ванонь морай и кштий артисттнень лангс и тя ёткть бта кфчядсь мезе-бди мялямсон: морайхнень эзда фкясь афоли Татарстанонь мокшень цёрась Сергей Лазарев, конань мархта арань содафокс 2018 кизоня Краснослободскяй районца ётафтф «Эряк, родной кяль!» этнолагерьса. Эста сон морась морот, тяконь лувксса и мокшень кяльса, Саранскяйста саф инжихнень инголе. И тиезе тянь аш ни кода седи ваксста. Лядсь мялямозон мокшень цёранясь, а тяни, несколька кизода меле, няине сонь «Умарина» Государственнай ансамбльть участниконзон ёткста! Кода тяза пачфтезе эряфонь киц? Тянь колга азондсь сонць Сергей Лазарев.

 

Шачемас коре мокшень цёрась  Татарстан Республикань Тетюши ошста. Виде, меле семьяц ётась эряма Ульяновскяи. Тоса Сергей ушедсь тонафнема школаса, башка мяль шарфнесь музыкати. Оцю мяльса примсесь участия школаса ётафневи пуромкснень эса, сембода пяк сятнень, конат сотфтольхть шачема ширеть культуранц, народть историянц мархта.
 

 

 
07.04.2022 №13

 

САФТСЫ СЕМБОСА


 

Любовь ЛЯШИНА: «КЕЛЬГОМА ТЕВДОН ЛАМА И ЭРТИ МУШЕНДАН ПИНГЕ»


 

ТИФТЕМС¬АФ ПИРСИНГ?


 

ЁМЛА АРТИСТКА

Мокшень стирнясь Надя Надина шачсь-кассь  Рузаевскяй райононь Мокшень Пишля велеса. Сон тонафни 2 класса. Омбоце кизось ни пуропни содамошит Саранскяйса Идень республиканскяй музыкальнай школаса-интернатса.
 

Надять пяк мазы вайгялец, бта горняй пайгоня. Морсема стирнясь ушедсь рана. Пяк лац сонь лисендихть сиде моронятне. Мзярда приметафоль морамань асушиц и Надясь тертьфоль тонафнема музыкальнай школав, сон васенда атказакшнесь, ашель мялец лама пингс явондомс семьянц мархта. А тоса сяшкава усковсь, тяни школась-интернатсь теенза ащи омбоце кудкс. Тяса сон тонафни домраса, фортепьяноса и музыкальнай лия инструментса морама. Надясь примси участия школаса ётафневи сембе пуромкснень-илатнень эса. Фалу уленди иласа и эсь шачема-касома велесонза. Кепотьксонди, аф кунара сон няфтезе морамань асувонц «Кургоня» фестивальса.

 

Морамада башка Надя кельгсы книгань морафтоманц и стихонь лувоманц. Стирнять лама ялгадонза, конатнень мархта сон пара мяльса налхкси, арни велосипедса, якси эшеляма и пангонь-иможень кочксема.

 

О.Евдокимова.

 

30.09.2021 №38

 

Творческяй школа асу шабатненди

Аф кунара Идень республиканскяй музыкальнай школась-интернатсь сатсь Президентскяй грант, кона лездсь ётафтомс эряфс мялень салай проект—«Территория музыки» кизонь творческяй школа. Сон водендаф музыкальнай ширде асу шабатнень  мушендоманкса, ширеснон кирдеманкса и маштомошиснон сяда тов виияфнеманкса.
Проектть мяльса кирдезь музыкальнай школав-интернату кемонь шис пуроптфтольхть колмогемонь шаба республикань эрь кодама районцта.  Эрсь ёткстост музыкать коряс республиканскяй и межрегиональнай конкурсонь лауреат. Тяса теест ётафневсть практическяй занятият содаф педагокнень и композиторхнень мархта, эрь кодама музыкальнай инструментса налхкомать коряс мастер-класст, а стане жа марстонь концертт          артисттнень и творческяй коллектифнень мархта.
Башка мяль проектть эряфс ётафтомста шарфтфоль национальнай музыкальнай искусствать ванфтоманцты и содафокс тиендеманцты. Кода азозе школань-интернатонь педагогсь М.И.Ильина, занятиятнень пингста шабатненди лама азонтфоль Мордовиянь композиторхнень колга, стирнятне-цёранятне содафтфтольхть синь творчестваснон мархта. «Торама» фольклорнай ансамбльсь стане жа ётафтсь мастер-класс творческяй школань участникненди и содафтозень синь мокшэрзянь национальнай инструменттнень мархта. Ансамблень артисттне морасть мокшень и эрзянь морот. А сяльде стирнятне-цёранятне синцьке варжазь вийснон эрь кодама инструментса морамаса.
«Территория музыки» творческяй школань участникнень шири сашендсть всероссийскяй и международнай конкурсонь лауреаттне Александр Лукашевич, кона морай баянца, и Анатолий Речкин, сон пяк лац содасы балалайкать. М.И.Глинкань лемса Нижегородскяй государственнай консерваториянь выпускникнень эсь инструментсост, кода корхнихть русне, виртуознай морамасна, киньге ашезе када озадонь седихть ащема. Мялень салай и козя программазост сувасть «Валенки», «По мурманской дорожке» рузонь моротнень обработкасна, Л.Афанасьевать «Гляжу в озера синие» мороц, «Барынясь» и лия содаф произведениятне. Од       музыканттненди, конат сявондьсазь кядезост баянть и балалайкать, артисттнень выступандамасна лездсь ламода касфтомс исполнительскяй маштомошиснон.
Творческяй школань участникненди мяляфтовикс и ламос тонафтыкс арась Россиянь искусствань Заслуженнай деятельть В.И.Голубничаень баянть, аккордеонть и ансамбльса морамать коряс мастер-классоц. Виктор Иванович цебярь профессионал, сон кулхцондозе эрь шабать мораманц, азозе, кодама эльбятькст, афсатыкст улихть и лездсь петемс синь. Асу музыкантсь макссь шабатненди лама питни совет.
Велетнень эса аф кржа асу стирняда-цёраняда, тяконь лувксса музыкать коряска. Но, ужяленди, аф сембе вастова музыкальнай школатнень эса улихть эрявикс условият шабатнень маштомошиснон виияфнеманкса. «Территория музыки» творческяй школась арась пяк цебярь площадкакс тянкса. Содаф музыканттне, артисттнень видеса велень иттне лама мезти тонадсть и, кие содасы, шять, пингонь ётазь минь няйсаськ российскяй сценатнень лангста.
О.Евдокимова.
26.08.2021 №33

 

МОРАЙ «ГАЙГИ МОРО» АНСАМБЛЬСЬ

Аф кунара Н.П.Огарёвонь лемса МГУ-нь Культурань и искусствань дворецса ётась «Гайги моро» фольклорнай ансамбльть юбилейнай концертоц. Сон лемтьфоль университетть 90 кизонц и Национальнай культурань институтть 30 кизонц топодеманцты.

 

«Гайги моро» фольклорнай ансамбльсь пуроптфоль народнай музыкань кафедрать видеса 1997 кизоня. Пуроптыец Мордовиянь этномузыкологсь, профессорсь Н.И.Бояркин. Разнай пингста коллективти вятикс ульсть Е.М.Мелякина, Т.В.Тюрина, А.П.Полшкова, Е.О.Модина. Тяни ансамбльть вятьсы С.В.Колесникова—искусствоведениянь кандидатсь, народнай музыкань кафедрань профессорсь, МР-нь культурань Заслуженнай работниксь.

 

Коллективсь ащи творческяй лабораториякс мокшэрзянь народть морамань коензон-обуцянзон ванфтоманкса. Репертуарозонза сувсихть эрь кодама жанрань сире пингонь моротне, конат кочкафтольхть Г.И.Сураев-Королевонь, В.И.Ромашкинонь, Л.П.Кирюковонь, Н.И.Бояркинонь экспедицияснон пингста. Нят вокальнай морот, вокально-хореографическяй зарисовкат и миниатюрат. Тяда башка, ансамбльсь нефнесыне сире пингонь обряттнень.

 

 
06.05.2021 №17

 

Ирина НАТАШКИНА: «АФ ШАРЬХКОТЬКШНЕСАЙНЕ ЭСЬ КЯЛЬДА ВИЗДИ ЛОМАТТНЕНЬ»


 

САФТСЫ ЭРЬ КОДАМА ТЕВСА


 

 
 
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин