Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      
Мокшень правде-90!

Минь поздравляндасамазь

В.А.Юрчёнков,
Мордовия Республикань Правительствать видеса Гуманитарнай наукань     НИИ-ть директороц, Российскяй Федерациянь наукань Заслуженнай деятельсь, Россиянь Общественнай палатань членць, историческяй наукань докторсь, профессорсь:
—Национальнай газетатне эсь панжемдост меле путсть оцюдонга оцю путкс Россиянь национальнай культуратнень касфтомаса и виияфтомаса. Тиньге газетанте тя пингс етась касомань и вииямань оцю ки. И вов 90 киза ни тинь тиенттяда пяк эрявикс и благороднай тев—курокста, эсь пингстонза и пяк маштозь мокшэрзянь кяльса пачфнесасть няевикс и пяк важнай событиятнень колга кулятнень аф аньцек Мордовиять сембе уженязонза, но и Россиянь лия региону, коса компактнайста эряй мокшэрзянь народсь. И тянь мархта тинь путнетяда пяк няевикс и эрявикс путкс Россиять информационнай сокровищницас!
Тинь газетасонт кунара ни пуромсь журналистонь пяк профессиональнай коллектив. И тянкса синь материалснон лувондсазь аф аньцек Мордовияса, но и Россиянь, и омба масторонь лама лия вастова.
Гуманитарнай наукань НИИ-сь арьси кеме шумбраши и творческяй од сатфкст аф аньцек «Мокшень правдать» коллективонцты, но и синь маластонь ломаньцнонды.
Катк лувихнень и тинь маластонь ломанентень кельгомасна фалу ули мархтонт! И журналистонь цехста ялгантень пара валсна и мяльсна катк фалу лездыхть теенть сермадомс нинге сяда цебярь материалхт, конат кармайхть эждема ломаттнень ваймоснон.
 
 
Ю.А.Мишанин,
Финно-угорскяй народонь культурань Поволжскяй центрать директороц, филологическяй наукань докторсь, профессорсь:
—Крьвяземок «Якстерь тяштьста», етамок «Од велень» каворксу киге, полафтомок лама смузю, тевти прянь путы и панжада седи вяти, кельгома газетаньке мзярдонга ашезень полафне эряфсонза вешфкснень—кандомс лувихненди видешить и пачфтемс сонь ару, козя и сембонди шарьхкодеви тядянь-алянь кяльса-валса. Тя тевсь пяк стака тянивок. А конашкава стака сон ульсь газетаньконь эряфонь ушетксстонза!
И сембе сяка, аф ваномок сталмотнень лангс, газетась «кялезе» кинц и ванфтозе тячиень шис васендакиге сянь, мезсь тисы сонь кельговикс и лувовикс—эряфть сембе ширде и видеста няфтемац: мезсь кеняртьфти, мезсь пичефти, кода ванфтомс мокшетнень и эрзятнень эсь юронь койснон-иласнон, кода аф кадомс юмама-арама эсь кяльснон, культураснон, кода аф максомс срадома-каладома лихтибряти—велети.
Мекольдень кизотнень газетаньке пяк полафтсь и серматфса, и «шамаликса». Минь эздонза аф аньцек лама морафттама, но и нинге лац няйсаськ сонь лопанянзон эзда, кода эряйхть мокшетне, эрзятне Россиять сембе уженяванза, мезе сонь мяльсонза, мезе сонь эряфсонза. Сон лезды тейнек сяда лац содамс фкя-фкянь, сяда маладомс и пуроптомс марстонь вийхть лувксоньконь касфтомаса, мокшэрзянь коеньконь ванфтомаса.
Арьсетяма сембонди, кие седиса-ваймоса аноклакшнесы «Мокшень правда» газетаньконь, кие виень апак ужяльтть кирди эсонза сембе ширде, кеме шумбраши, паваз, нинге сяда оцю сатфкст тевса-эряфса. Сатост виенте ласькомс эряфть мельге, тяст ношкома оржа перанте сермадомс сембонь, мезе сон канды!
 

29.09.2011 №38

Новости

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020   № 29
МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020   № 29
ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин