Поиск по сайту: 
 

Архив
 апрель 
 2020 
пн вт ср чт пт сб вс
  12345
6789101112
13141516171819
20212223242526
27282930   
Мокшень правде-90!

ВАСЕДЕМАСЬ ЛЕМТЬФОЛЬ «МОКШЕНЬ ПРАВДА» И «ЭРЗЯНЬ ПРАВДА» ГАЗЕТАТНЕНЬ ЮБИЛЕЙСНОНДЫ

«Алатырь» санаторийсь ащи пяк мазы вастса Ичалковскяй и Большеигнатовскяй райоттнень еткса. А тя, кода содаф, государственнай национальнай паркть территорияц. Тяса лама эрь-кодама животнайда, касыхть панкт, имошт. Улемок санаторийса хуш весть, карматада сашендома тяза фалу. Перьфпяльть пчкафты виец, цебярь эряма вастсь, эсь тевонь лац содай специалисттне—сембось кады седизонт аф юкстави лятфнемат. Сембода тяда башка санаторийса етафневихть деловой мероприятият, конференцият, семинархт, книгань презентацият и стак тов. Санаторийса ваймосихненди етафневихть экскурсият, пуропневихть концертт.
Аф кунара тяса етась васедема, кона лемтьфоль «Мокшень правда» и «Эрзянь правда» национальнай газетатнень 90 кизонь топодемаснонды. Ваймосихнень шири инжикс сашендсь СССР-нь Писателень союзонь членць, содаф мокшень поэтсь В.Н.Корчеганов. Санаториянь актовай залсь пяшксель ломаньда. Тяса ламоль республикань содаф ломаньда: Б.Сысуев, В.Антохин, В.Адушкин, Г.Прекин и лиятне. Пуромфне оцю мяльса кулхцондозь ня кафта газетатнень эвондамань историяснон, 1921 кизоня лисьф «Якстере тяште» газетать эзда сявомок тяниень «Мокшень правдати» и «Эрзянь правдати» молемс. В.Н.Корчеганов лама корхтась и сянь колга, кодама оцю путкс путнихть ня кафта изданиятне национальнайть ванфтоманкса и кодама оцю синь авторитетсна мокшэрзянь ломаттнень еткса.
Газетатнень юбилейснонды лемтьф васедемась етась мялень салайста: азонтфоль изданиятненди лемтьф лама стихотворения, морафтольхть морот. Юбилярхнень лемс лямбе валхт азсь «Санаторий «Алатырь» ОАО-нь генеральнай директорсь, главнай врачсь А.Р.Лицузбая. В.Н.Корчегановонди сон казсь Почетнай грамота, сяс мес поэтсь примси активнай участия санаторийть од сатфксонзон пропагандаса.
 
В.МОКШАНОВ,
печатень ветеран.

13.10.2011 №40

Новости

ПЕРЯМС КИТЬ КОРОНАВИРУСНАЙ ИНФЕКЦИЯТИ

11 мартста Саранскяйса Мордовия Республикань Пресс-центраса ётась Мордовия Республикаса эпидемиологическяй обстановкати лемтьф пресс-конференция.            Журналисттнень мархта васедемаса примасть участия Мордовия Республикань здравоохранениянь министрсь О.В.Маркин, Мордовия Республикать эзга  потребительхнень праваснон и ломаттнень благополучияснон араламаснон сфераса надзорть коряс федеральнай службань Управлениять эпидемиологическяй надзоронь отделонц начальникоц Ю.В.Матвеева.

 

Кода азозе Мордовия Республикань здравоохранениянь министрсь О.В.Маркин, тячиень шити Мордовияса Республиканскяй инфекционнай больницяв госпитализировандафт 8 ломатть, конатнень улихть и ОРВИ-нь,  и коронавируснай инфекция лангс шарфты признаксна. Кафттне эздост састь Италияста, кототне—контактнайхть.
 

20.03.2020   №
МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020   №
МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020   № 10
Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020   № 3
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин