Поиск по сайту: 
 

Архив
 март 
 2019 
пн вт ср чт пт сб вс
    123
45678910
11121314151617
18192021222324
25262728293031

 
 

 

Наша усадьба

ВРЕМЯ ПОКУПАТЬ СЕМЕНА!


 

Гуматы—прекрасные регуляторы роста растений


 

ТЯЛОНЬ КОФНЕ—ТРАКСОНЬ ВАЗЫЯМА ПИНГЕ

Жуватань касфнихненди маладсь инь ответственнай пингсь, мзярда жуватань карттнень эса эвондакшнихть од эряйхть. Тя пингть сяда оцю мяльса якама жувататнень и аньцек вазыяф вазнятнень мельге.
Тракссь вазнянц кандсы 285 ши. Мзярда малады вазыяма пингсь (тя кафтошка недяляда инголе), жуватать «алу прай» пекоц. Касы сонь одароц и стак тов. Вазыямда инголе траксть полафты прянь  вятемац. Сон арси аф сетьмокс, варжаксни фталу, полафнесыне пильгонзон и кепсесы пулонц.
Инголенди аноклама помещения: сон урядама, акшептома, тиема вазняти яслят, ацама мастору шужярь.
Вазнять шачемда меле эстокиге нардамат нярец и сельмонза.
Мзярда эрявксни ветеринаронь лезкссь?
Кда вазыяма пингсь таргави частта ламос и штады аньцек фкя пильгоц, эста эряви лезкс. Кда вазыямста мянтьфт вазнять плманжанза—лездома тердема специалист. Кда эсь пингстонза аф лездомс, зиян может лисемс кода вазнять, стане и вазыяй траксть мархта.
Лездома и эста, кда вазнясь «сай» фтала пяльде. Кемоньшка частта меле должен прамс нилькссь. Кда тевсь таргави 10 частта ламос, тя может эвондафтомс воспаленият и лия урмат.
 
01.02.2018

 

МЕДВЕДКАТЬ КАРШЕС—ПСИ «БАНЯСЬ»


 

ТРАКСНЕНЬ КИРДЕМАСНА ТЯЛОНДА


 

Минь усадьбаньке


 

САРАЗОНЬ ПРЯБАЛАТ

—Мес сарасне тарксесазь толгаснон, мезе теест аф сатни?
Л.Николаева.
 
—Туфталда тянди лама. Васенцесь—организмаса белоконь и калиень аф сатнемась. Тяфта может улемс аф ламос и алыяма, и толгань пяярдема пингть. Сяда тов веществань обменць ладяви, а толгань тарксема промозсь ляды, и сон может молемс пяк ламос. Сяс толгань пяярдема и алыяма пингстост ванома, штоба ярхцама сюмасост фалу улельхть ракушкат, калонь, пакарень, снавонь почф, сянгяря корма.
Омбоце туфталсь—сяда сидеста тяфта уленди тялонда, мзярда нармоттне кирдевихть карденяса. Тяса синь тарксихть фкя-фкянь толгат стакащемда. Штоба тяфта афоль уле, аф кеме якшапнень пингста нолясть синь ульцяв, почерямок зернать ловть лангс, макссемс шинжаромань прят, конат аноклафт кизонда. А нинге повфнеда карденяв палаксонь или кусторксонь тяльмот.
 
 
—Саразоньконь уленди сузокстомасна. Кодама тя урма и кода сонь пчкафтомс? И нинге. Можна-аф ярхцсемс алдост и сивольдост?
Светлана.
 
—Тянди туфталкс арсихть бактериятне и потогеннай веществатне, пяк летьке кирдема вастсь, аш вентиляция. Тяда башка, ярхцамбяльсост аф сатни А витаминць.
Тяфтама условияса саразть иммунитетоц кири и шалхкть, и гортанть, и трахеять слизистайса эреклайхть разнай бактериятне. Урмась может етамс хроническяйкс. Шалхковаряснон эзда слизсь шоряви рдаз мархта, и кода-бта клеявихть шалхковарясна. Сяс аф теждя арси ваймонь тарксемась, сарасне ушеткшнихть якафтома пряснон сей-тов. Тяфта тяряфнихть шамдомс шалхкснон. Саразонь карденятнень эса веть маряви крнама. Кожфса эвондай эсь лацонь шине.
Штоба перямс кить тя урмати, сарасне кирдемат сквознякфтома кардса.
Кда ни пандовсть сараснень шалхксна, ведезост и ярхцамбялезост каяма хлортетрациклин, ауреомицин. Шалхковарясна шташендомат водородонь 3 процентонь перекисьса и хинозолонь 1-2 процентонь растворса.
Сивольдост и алдост ярхцамс мярьгондеви.
 
 
—Кодамот вьетнамскяй нюрьги пекал породань пурхцне?
М.Венина.
 
—Синь обычнай породань тувотнень коряс сяда экономичнайхть и андомас, и кирдемас коре. Водендамок тяфтамот, тяда юксне прививкатнень колга. Синь стамот жа, кода и лия породань тувотненди. Нюрьги пекал пурхцне тюсс коре улендихть сяда  равчт, но улендихть и акшет, и мраморнай тюсонь. Пильгсна нюрьхкянят, копорьсна мянтьф, пулосна аф кувака, емлат пилесна, мордасна мяньксуфт. Пексна токси пцтай модати, а пурхцозама лангса аватувотнень пексна ускови мянь модава.
Вьетнамскяй тувонь кирдемась—прибылень канды. Васенцеда пурхцозамда меле ни теенза етафтф ярмакне мрдафтовихть. Мезьса, ина, синь цебярьсна?
Ярхцамбяльсост оцю васта занци сянгяря и косьфтаф тишесь, ярхцайхть сембода, размерс коре аф вельф оцюфт, сяс фкя кардса можна кирдемс несколька тува, теждяста етафнесазь якшама тялотнень, цебярь иммунитетсна и пцтай аф сярятькснихть, арушинь кельгихть, аш «тувонь» шинесна. Наземснон кайсесазь фкя вастс. Сивольсна сяда ляпе и сочнай, эсонза кржа холестеринда. Куяцка ляпе, теждяста керсеви, авапурхцне арнекшнихть ни 3-4 ковса.   7-9 ковса может пурхцозамс. Эряфоньберьф пурхцозайхть эрь мезня—12-30 пурхцкя. Синь сетьмот, енюфт, теждяста дрессировандавихть. 2-3 кизоса тувось—кудонь цебярь ваны, полафтсы любой пинеть, кирдема вастсост аф шувондыхть  лоткт, аф синнесазь перяфксть.
17.01.2013 №2

 

ВАНФТСАСЬК САДТЬ ШЕЕРХНЕНЬ ЭЗДА


 

Вазыямда меле траксть парезоц


 

ЖИВОТНАЙХТЬ—РЕКОРДСМЕТТ

Тувотнень ёткса 
Инь оцю тувокс лувфоль польскяй и китайскяй породань гибридсь. 1933 кизоня Всемирнай чикагскяй ярмаркав прважамстонза тувось синдезе пильгонц, и савсь матотфтомс. Тяда инголе аньцек ункснезь. Сталмоцоль—1157,5 килограмма.
Ляонинь провинциянь велень хозяйствань музейса ули тува, кона сувафтф Гиннесонь рекордонь книгазонза. Урадсь сон 2002 кизоня. Сталмоц ульсь 900 килограмма, кувалмоц—2,5 метра, келец—2,23 метра, а вишко-пеензон кувалмосна—14,4 сантиметра.
1993 кизонь 21 сентябрьста фкя аватувось тяфта жа повсь Гиннесонь рекордонь книгазонза. Сон пурхцозась 37 пурхцкя, эздост ванфтовсь  33-сь.
Акша породань аватувось 1923 кизонь сентябрьста сявомок 1934 кизонь сентябрти молемс пурхцозась 22-ксть, сембоц 385 пурхцкя.
 
Нармоттнень ёткса 
Биг Сноу лемонь атякшсь лувф инь оцюкс мирса-масторса. Сталмоц 10,51 килограмма, серец 43,2 сантиметра, мяштенц келец—84 сантиметра.
Инь алыяй саразсь 364 шиста алыясь 371 ал. Тянь колга содафоль Миссури штатонь (США) университетонь велень хозяйствань колледжса етафтф тестть пингста.
 
Тракснень ёткса 
Лофцонь потямать коряс афкуксонь мировой рекорд сатсь голштинскяй породань тракссь (США), конань эзда 2004 кизоня потяф 30805 литра лофца.
 
Ламонь вазнянь вазыяй тракс 
1964 кизоня Любик лемса тракссь (Белоруссия) весть вазыязь вазыясь сисем вазнят.
Большая Берта, дремонскяй породань тракссь (Ирландия), сембоц вазыясь 39 вазня. Сон урадсь 1993 кизоня 49 кизонц лангса.
06.12.2012 №48

 

 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин