Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  
Указы Главы РМ

Мордовия Республикань Оцюнять Указонза

Мордовия Республикань Оцюнять Указонза
Н.И.Меркушкинонь «За исторические свершения» знакса каземанц колга
Мордовия Республикать инголе особай заслугатнень инкса, профессиональнай и историческяй значениянь общественнай деятельностьса оцюдонга оцю сатфксонкса каземс
«За исторические свершения» знакса
Николай Иванович Меркушкинонь—Самарскяй областень Губернаторть.
Мордовия Республикань
Оцюнясь                                                                 
Саранск ошсь,
2012 кизонь 24 августста,
259—УГ№-сь.
* * *
В.И.Чиндяскинонь II степенень Славань орденца каземанц колга
Республикать инголе оцюдонга оцю заслугатнень инкса и Мордовия Республикать социально-экономическяйста виияфтомаса оцю путксонь путоманкса каземс
II  степенень Славань орденца
Виктор Иванович Чиндяскинонь—Российскяй Федерациянь Президентть видеса Мордовия Республикань полномочнай представительть, Моску ошсь.
Мордовия Республикань
Оцюнясь                                                                   
Саранск ошсь,
2012 кизонь 24 августста,
260—УГ№-сь.
* * *
Москувонь и сембе Русень Патриархть Кириллонь (В.М.Гундяевонь) I степенень Славань орденца каземанц колга
Культурнай койхнень-обуцятнень ванфтомань тевса Мордовия Республикать инголе личнай особай  заслуганкса каземс
I степенень Славань орденца Москувонь и сембе Русень Патриархть Кириллонь (Владимир Михайлович Гундяевонь).
Мордовия Республикань
Оцюнясь                                                         
Саранск ошсь,
2012 кизонь 24 августста,
261—УГ№-сь.

30.08.2012 №34

Новости

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

20 октябрьста Саранскяйса Культурань Республиканскяй дворецса ушедсь мокшэрзянь масторса фкя инь кельгови илась—«Шумбрат, Мордовия!»—«Vivat, Чемпионат!» народнай творчествань республиканскяй фестивальсь. Тядде сон етафтови комсь кафтувоцеда и лемтьф 2018 кизонь футболть коряс Миронь чемпионатти. Тяддень фестивальть девизоц—«И тя сембось сонь колганза».
Кода фалу, ковда ламос Культурань Республиканскяй дворецса кармайхть етнема муниципальнай райоттнень и Саранск ошень округть отчетнай концертсна, а стане жа «Мокшэрзянь масторть мастерствац» декоративно-прикладной и изобразительнай творчествань выставкатне.
Ваныхненди ули кода няемс инь цебярь творческяй коллектифнень, артисттнень выступленияснон, содафтомс народнай мастерхнень работаснон мархта.

25.10.2018   № 42
Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018   № 40
Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018   № 39
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин