Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      
Указы Главы РМ

Мордовия Республикань Оцюнять

УКАЗОНЗА
 
С.А.Кирдяпкинонди «Мордовия Республикань Почетнай гражданин»
почетнай лемонь максомать колга
Оцюдонга оцю спортивнай сатфксонкса и международнай аренаса Мордовия Республикать славанц кеподеманкса максомс
«Мордовия Республикань Почетнай гражданин» почетнай лем
Сергей Александрович Кирдяпкинонди—Лондонца кизонь XXX Олимпий-скяй налхкоматнень эса спортивнай якамать коряс Олимпийскяй чемпионти.
 
Мордовия Республикань
Оцюнясь                                        В.Д.Волков.
 
Саранск ошсь,
2012 кизонь
20 августста,
245—УГ№-сь.
 
* * *
В.М.Чегинонди «Мордовия Республикань Государственнай премиянь лауреат»
лемонь максомать колга
Республикаса физическяй культурать и спортть виияфтомаса оцюдонга оцю заслугатнень инкса и Олимпийскяй налхкоматнень эса сяськиень и призеронь анокламанкса максомс
«Мордовия Республикань Государственнай премиянь лауреат» лем
Виктор Михайлович Чегинонди—«Центр олимпийской подготовки Республики Мордовия по спортивной ходьбе В.М.Чегина» дополнительнай образованиянь государственнай бюджетнай учреждениянь главнай тренерти, Саранск ошсь.
 
Мордовия Республикань
Оцюнясь                                         В.Д.Волков.
 
Саранск ошсь,
2012 кизонь
20 августста,
250—УГ№-сь.
 
 
* * *
Пяк ашу семьятненди материальнай лезксонь максомать колга
2012/2013 тонафнема кизоти иттнень анокламста инь ашу семьятнень социальнай ширеснон кирдеманкса, мярьгондян:
1.Максомс инь ашу семьятненди фкя пингонь материальнай лезкс 1000 цалковай эрь шабати—общеобразовательнай учреждениянь тонафнити:
тядятненди-алятненди, конат касфтыхть ниле и сяда лама идь—общеобразовательнай учреждениянь тонафнити;
тядятненди-алятненди—I и II группань инвалиттненди, конат касфтыхть итть—общеобразовательнай учреждениянь тонафнихть;
тядятненди-одиночкатненди, конат воспитандайхть колма и сяда лама идь—общеобразовательнай учреждениянь тонафнихть;
опекуттненди и приемнай семьятненди,
конат касфтыхть уроз шабат—общеобразовательнай учреждениянь тонафнихть.
2.Мордовия Республикань Правительствати вяре азф материальнай лезксть пандомс 2012 кизонь 20 августти.
3.Тя Указсь сувай вийс эстокиге подписандамдонза меле.
 
Мордовия Республикань
Оцюнясь                                       В.Д.Волков.
 
Саранск ошсь,
2012 кизонь 16 августста,
239—УГ№-сь. 
 
 
* * *
А.О.Пиксаевонди «Мордовия Республикань Оцюнянь премиянь Лауреат» лемонь максомать колга
Республикать социально-экономическяйста виияфтомаса оцю путксонь путоманкса и активнай общественнай тевонкса максомс
«Мордовия Республикань Оцюнянь премиянь Лауреат» лем
Александр Осипович Пиксаевонди—Мордовия Республикань Почетнай гражданинти, Саранск ошсь.
 
Мордовия Республикань
Оцюнясь                                     В.Д.Волков.
 
Саранск ошсь,
2012 кизонь 16 августста,
241—УГ№-сь.
 
 
* * *
«За исторические свершения» знакть кемокстаманц колга
Сявомок руководстванди Мордовия Республикать Конституциянц 68 статьянц 28 пунктонц, и сянкса, штоба отмечамс граждаттнень башка заслуганкса, конат сотфт деятельностьснон мархта, мезсь водендаф Мордовия Республикать социальнай, экономическяй и культурнай ширенц эреклафтомс, мярьгондян:
1.Кемокстамс «За исторические свершения» знак.
2.Кемокстамс алува азфть:
«За исторические свершения» знакть колга Положениять;
«За исторические свершения» знакть описаниянц;
удостоверениянь и свидетельствань бланкнень образецснон.
Уликс Указсь сувай вийс эстокиге печатламдонза меле.
 
Мордовия Республикань
Оцюнясь                                     В.Д.Волков.
 
Саранск ошсь,
2012 кизонь 17 августста,
243—УГ№-сь.
 
 
* * *
«За исторические свершения» знакть колга башка ПОЛОЖЕНИЯСЬ
1.         «За исторические свершения» знаксь—Мордовия Республикать инголе башка заслугатнень инкса, историческяй значениянь профессиональнай и общественнай тевса оцюдонга оцю сатфксонь сатоманкса граждаттнень каземаса исключительнай форма.
2.         «За исторические свершения» знакса каземась мольфтеви Мордовия Республикань Оцюнять Указонц и аньцек Мордовия Республикань Оцюнять инициативанц коряс.
3.         «За исторические свершения» знакса ули кода каземс лия государствань и Российскяй Федерациянь субъектонь граждаттнень.
4.         «За исторические свершения» знаксь макссеви Мордовия Республикань Оцюнять или мархтонза уполномоченнай ломаттнень мархта. Марса знакть мархта максовихть удостоверения и свидетельства.
5.         «За исторические свершения» знакса каземать колга Мордовия Республикань Оцюнять Указонц  анокламанц и казьфнень мельге учет мольфти Мордовия Республикань Оцюнять Администрациянь государственнай службань Управлениять наградань сектороц.
 
 
 
* * *
Мордовия Республикань государственнай казнеса каземать колга
Спортивнай оцюдонга пяк оцю сатфксонкса и международнай аренаса Мордовия Республикать славанц кеподеманкса каземс
 I степенень Славань орденца
Ольга Николаевна Каниськинать—Лондонца кизонь XXX Олимпийскяй налхкоматнень эса спортивнай якамать коряс сиянь медалень сатыть.
Спортивнай оцюдонга оцю сатфксонкса и международнай аренаса Мордовия Республикать славанц кеподеманкса каземс
II степенень Славань орденца
Валерий Викторович Борчинонь—Лондонца кизонь XXX Олимпийскяй налхкоматнень эса участникть.
Спортивнай оцю сатфксонкса и международнай аренаса Мордовия Республикать славанц кеподеманкса каземс
III степенень Славань орденца
Елена Анатольевна Лашмановать—Лондонца кизонь XXX Олимпий-скяй налхкоматнень эса спортивнай якамать коряс Олимпийскяй чемпионкать
Дарья Витальевна Пищальниковать—Лондонца кизонь XXX Олимпий-скяй налхкоматнень эса дисконь ерямать коряс сиянь медалень сатыть
Екатерина Ивановна Поистоговать—Лондонца кизонь XXX Олимпий-скяй налхкоматнень эса 800 метрас ласькомать коряс бронзовай медалень сатыть
Республикаса спортть и физическяй культурать виияфтомаса оцюдонга оцю личнай путксонь путоманкса каземс
III степенень Славань орденца
Алексей Владимирович Мельниковонь—Легкай атлетикать коряс Россиянь сборнай командать главнай тренеронц, Моску ошсь
Вячеслав Сергеевич Мочаловонь—«Специализированная детско-юношеская спортивная школа Олимпийского резерва имени П.Г.Болотникова» идень дополнительнай образованиянь государственнай бюджетнай учреждениянь директорть заместителенц, Саранск ошсь
Вера Васильевна Начаркинать—«Центр Олимпийской подготовки Республики Мордовия по спортивной ходьбе В.М.Чегина» дополнительнай образованиянь государственнай бюджетнай учреждениянь тренерть-преподавательть, Саранск ошсь
Сергей Владиленович Никитинонь—«Центр Олимпийской подготовки Республики Мордовия по спортивной ходьбе В.М.Чегина» дополнительнай образованиянь государственнай бюджетнай учреждениянь тренерть-преподавательть, Саранск ошсь.
 
Мордовия Республикань
Оцюнясь                                    В.Д.Волков.
 
Саранск ошсь,
2012 кизонь 20 августста,
246—УГ№-сь.
 

23.08.2012 №33

Новости

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020   № 29
МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020   № 29
ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин