Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  
Религия

«КЕЛЬГОМА РУСЬ И МОРДВА» ВЫСТАВКАСЬ ПУРОПТСЬ ЛАМА ИНЖИ

16 августста Саранскяйса Мордовия Республикань Центральнай государственнай архивса панжевсь «Кельгома Русь и мордва» лем ала выставка, кона лемтьф мокшэрзянь народть Российскяй государствань нароттнень мархта ладязь эрямаснон 1000 кизонь топодемати.
Тя шиня архиву выставкать ваномонза и панжемонза сашендсть Финно-угорскяй народонь культурань Поволжскяй центрать директороц Ю.А.Мишанин, Мордовия Республикань Правительствать видеса гуманитарнай наукань Научно-исследовательскяй институтть директороц В.А.Юрченков, духовенствань представительхть, лият.
Пуромксть ушедомста Мордовия Республикань архивнай службать начальникоц Ю.Ф. Юшкин азозе, што тя выставкась 2011 кизонь июньцта панчфоль Моску ошень архивса, коса ванфтовихть кунардонь пингонь акттне. Сембе экспонаттненди максфоль колма оцю выставочнай залхт. Вдь выставкаса пуроптфоль кафта тежянть малава кунардонь документ. Россиять столицанц эряенза и инжиенза шарфтсть лангозонза пяк оцю мяль.
Миньцонк архивть выставочнай залозонза тялькфтамс сембе экспонаттнень аш кода, сяс эздост кочкафоль аньцек 300-да лама документ.
Тяфтама выставкань анокламась—тя оцю труд. Вдь сянкса, штоба мумс эрявикс документ, васенда ванондома аф кржа лия кагод. Тяза пуроптф экспонаттне кочкафтольхть разнай источникста и архивста. Сембе синь явфтфт сисем разделга: «Мокшэрзятнень колга сембода сире документтне», «Мокшэрзянь масторть ошенза», «Православиясь», «Содаф ломаттне» и стак тов.
Няфтьфт материалхт, коса XII—XVI векнень пингста лятфневи мокшэрзятнень колга. Етксост «Повесть временных лет», Воскресенскяй и Никоновскяй летописнень эзда пакшт.
Пуромксть пингста азфоль мяль вятемс выставкать ванома школьникнень и студент­тнень. Тя тиендеви сянкса, штоба шабатне и од ломаттне содалезь афкуксонь историять историческяй документ­тнень эзда. Выставкась кармай работама 2012 кизоть шумордаманцты.
И.ПЯТИНА.

23.08.2012 №33

Новости

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019   № 17
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин