Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  
АПК

МОДАТИ МАЛАТКШНЕМА АЗОРКС

Республикань Оцюнясь примась участия Москуса Госсоветть Президиумонц заседанияса
9 октябрьста Мордовиянь Оцюнясь В.Д.Волков, кона Государственнай Советонь Президиумонь член, примась участия сонь заседаниясонза. Корхтамась мольфтевсь модань ресурснень мархта управлениять эффективностенц касфтоманц эрявиксшинц колга. Заседаниясь етась Кремляса Россиянь Президентть председательстванц ала.
В.В.Путин мярьгсь, што модать тевс ноляманц коряс тяниень системась сиредсь. Тянь лангс ломаттнень пеняцямасна сашендыхть сембе странаста. Сон вешсь машфтомс перяфксть модать лац тевс нолямаса кити.
Госсоветть Президиумса доклад тись РФ-нь экономическяй развитиянь министрсь А.Р.Белоусов. Заседанияса анализ тифоль ситуацияти, кона сотф модань ресурснень управленияснон мархта, сувафтфт предложеният сонь педа-пес полафтоманц коряс.
Мордовиянь Оцюнясь В.Д.Волков кирдезе модать аф целевойста тевс нолдаманкса, штрафнень касфтоманкса предложениять ширенц, тяда башка, сон лувондсы, што эряви сувафтомс механизма штрафнень касфтомаснон и модати налогонь ставкатнень коряс, кда модась аф нолдави тевс колма кизот. Сон стане жа мярьгонди кемокстамс Земельнай кодексса норма модать вихца сявондеманц коряс сятнень кядьста, конат спекулировандайхть мархтонза и аф нолясазь тевс назначенияс коре.
Оцю тапорксокс ащи, лувондсы Мордовиянь Оцюнясь, тячи пяк стака и куватьс тевс апак ноляк модань участкатнень лангс правать оформляндамац. В.Д.Волков лувондсы, што тя ситуациясь эряви куроконе полафтомс. Тяконь мархта, поладомс тяддень кизоти башка производствань тефнень ванондомаснон коряс уликс порядкать, конань коряс можналь арамс аф востребованнай модатненди долянь собственностекс сятненди, кие тя модать нолясы тевс. Пяк важна максомс региоттненди полномочиянь пяльксть участкатнень мархта управляндамаса, конат федеральнай собственностьсот, но аф нолявихть тевс назначенияс коре. Тяконь пингста регионти синь эрявихть производственнай и социальнай объектонь строямс.
Мордовиянь Оцюнясь лувондсы, што аф нолдамат и тяниень оцю межеваниянь питнетнень и модати собственностень праватнень регистрациять мархта волокитать. Мордовияса ламоц примерхне азондыхть сянь колга, што кой-кона тупиковай тефне аф решандавихть федеральнай законодательствав полафтксонь апак сувафтт.
В.Д.Волков сувафни лама предложения, конат сотфт модать тевс нолямста эффективностть касфтоманц коряс практическяй задачатнень решандамаснон мархта. Мордовиянь Оцюнять предложениянза муйхть васта Госсоветть Президиумонц итоговай документсонза.

11.10.2012 №40

Новости

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

20 октябрьста Саранскяйса Культурань Республиканскяй дворецса ушедсь мокшэрзянь масторса фкя инь кельгови илась—«Шумбрат, Мордовия!»—«Vivat, Чемпионат!» народнай творчествань республиканскяй фестивальсь. Тядде сон етафтови комсь кафтувоцеда и лемтьф 2018 кизонь футболть коряс Миронь чемпионатти. Тяддень фестивальть девизоц—«И тя сембось сонь колганза».
Кода фалу, ковда ламос Культурань Республиканскяй дворецса кармайхть етнема муниципальнай райоттнень и Саранск ошень округть отчетнай концертсна, а стане жа «Мокшэрзянь масторть мастерствац» декоративно-прикладной и изобразительнай творчествань выставкатне.
Ваныхненди ули кода няемс инь цебярь творческяй коллектифнень, артисттнень выступленияснон, содафтомс народнай мастерхнень работаснон мархта.

25.10.2018   № 42
Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018   № 40
Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018   № 39
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин