Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  
Закон и порядок

ЗАКОНТЬ ВЕШФКСОНЗОН МЯЛЬС СЯВОЗЬ

Аф кунара ломанень праватнень, правоохранительнай оргаттнень мельге общественнай контролень вятемать коряс Мордовиянь Общественнай палатать комиссияц етафтсь «круглай шра», коса корхтамась мольфтевсь сянь колга, мезсь тячи таколфтсы Россиянь гражданскяй обществать. Тя «круглай шраса» ульсть Мордовия Республикань Оцюнять, Государственнай Собраниять, Саранск ошень администрациять, правоохранительнай оргаттнень, политическяй, религиознай и общественнай организациятнень представительсна.
Комиссиять Председателец В.В.Крутов, панжемок заседаниять, серьгядезень пуромфнень азомс эсь мяльснон «О внесении изменений в кодекс Российской Федерации об административных правонарушениях и Федеральный закон «О собраниях, митингах, демонстрациях, шествиях и пикетированиях» Федеральнай законть колга.
Васенцекс Федеральнай законть вешфксонзон колга эсь мяленц азозе Мордовиянь Госсобраниять Председателенц заместителец В.В.Алёхин. Сон мярьгсь, кле, тя Законць примави Мордовияса 31 декабрти ни. Сяс эряви тиемс семботь, штоба сонь вешфксонза сувафтовольхть региональнай спецификати.
Саранск ошень Контролень управлениять начальникоц С.И.Кривов шарфтозе пуромфнень мяльснон Законть эряфти сувафтоманц лангс. Штоба пуромксне, митинкне и стак тов,  етафневольхть аньцек Законть вешфксонзон коряс. И тянь вельде ванфтоволь порядкась.
Мордовиять эзга судебнай приставонь Федеральнай службать руководителец С.В.Перов пачфтезе пуромфненди, кода пристафне 2013 кизоста сявомок кармайхть етафтомонза эряфс законть. Сонь коламанксонза муворуфне кармайхть пандома 20 тежяньцта сявомок 300 тежянти молемс штрафт. Или кармайхть покодема 200 част обязательнай работаса, а кой-кит кармайхть пяксневома 15 суткас.
Тяда меле Законть колга эсь мяльснон азозь политическяй партиятнень и общественнай организациятнень представительсна.
Меколи кемокстафтольхть Рекомендацият, конат  пачфтевихть республикань государственнай властень сембе оргаттненди.
 
В.НЕСТЕРОВ.

11.10.2012 №40

Новости

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019   № 17
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин