Поиск по сайту: 
 

Архив
 март 
 2019 
пн вт ср чт пт сб вс
    123
45678910
11121314151617
18192021222324
25262728293031
Ветеранам о ветеранах

ПУРОМКШНЕСТЬ ВЕТЕРАТТНЕ

25 октябрьста Республикань Кудса етась Мордовия Республикань Оцюнять Администрациянц и Мордовия Республикань Правительствать видеса  Мордовиянь первичнай ветеранскяй организациянь советть пуромксоц. Ветераттнень мархта васедема сашендсь и Мордовия Республикань Правительствать Председателец В.Ф.Сушков. Пуромкссь лемтьфоль Эряфкшу ломанень месячникти.
Корхтамась ушедсь ветеранскяй организациять тиф тевонзон колга итогонь азондомать эзда. Лятфтафоль, што организациянь члеттне тисть аф кржа 1000 кизонь илать анокламстонза и етафтомстонза.
Мордовия Республикань Правительствать Председателец В.Ф. Сушков азондсь министерстватнень и ведомстватнень тиф тевснон квалма. Корхтамасонза оцю мяль шарфтфоль Футболть коряс 2018 кизонь Миронь чемпионатть матчензонды анокламати, 1000 кизонь илать видеса строительствань программать сяда тов мольфтеманц. Лятфтафоль, што Россиясь сувась Всемирнай торговай организацияти, мезсь анай странать кядьста эрявикс вешфкст. Азфоль, што велетненди кармай макссевома лезкс, кирдеви ширесна.
Корхтамать оцю пяльксоц лемтьфоль Мордовияса жилищно-коммунальнай хозяйстватнень видеса уликс прябалатненди. Ванфоль, кода синь машфтомс.
В.Ф.Сушков казезень ветеранскяй организациять кой-кона членонзон «За Заслуги. В ознаменование тысячелетия единения мордовского народа с народами Российского государства» медальса.
И.Пятина.

01.11.2012 №43

Новости

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин