Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    
Закон и порядок

МВД-са ТИСТЬ ИТОКТ «УРОЖАЙ» ОПЕРАЦИЯТИ

15 октябрьста МВД-са етась пресс-конференция, коса журналисттнень кизефксснон лангс отвечась Мордовия Республикать эзга МВД-нь экономическяй безопасностень и коррупциять каршес тюремань Управлениять начальникоц А.Н.Попов.
Тяддень 30 июльста сявомок 5 октябрти молемс республикаса кафта этапова етась «Урожай—2012» оперативно-профилактическяй операция. Внутренняй органонь сотрудникне мусть 27 правонарушения. Синь етксост 13 преступления, конат сотфт сельхозпродукциянь, горюче-смазочнай материалонь, велень хозяйствань техникати запасной частень саламать мархта. Перяф 4 преступленият и 1 административнай правонарушения серонь саламанкса.
16 ломань лангс ушетф уголовнай тев, 12 таргаф административнай ответственностьс.
Содаф, што республикань агропромышленнай комплексонь фкя предприятиянь генеральнай директорсь аф законна фатясь 26 миллион цалковайда лама ярмак. Лангозонза ушетф уголовнай тев.
Марнек кизоть ушетксста, республикань агропромышленнай комплексса лихтьф лангу экономическяй 120-да лама преступления. Нятнень еткса 14 оцю размеронь, 33 лувондовихть стакакс. Велень хозяйствати мрдафтф 88 миллион цалковай.
Тяка шиня МВД-са етась пресс-конференция Мордовия Республикать эзга особа важнай тефнень коряс Следственнай управлениянь старшай следовательть В.С.Головинонь мархта. Сон пачфнесь Мордовия Республикань Следственнай управленияса 2011 кизоня тиф преступлениятнень панчсемаснон колга.
Л.МАКСАКОВА.

18.10.2012 №41

Новости

КАСОМАНЬ И ВИИЯМАНЬ КИГЕ

Комсь ветие киза Мордовиясь эряй Конституциять коряс, кона примафоль 1995 кизоня

 

21 сентябрьста Республикань Кудса ётафтовсь торжественнай мероприятия, кона лемтьфоль Мордовия Республикань Конституциять 25 кизонцты.

 

Республикань Оцюнясь Владимир Волков поздравляндамок торжественнай собраниянь участникнень юбилейнай датать мархта, мярьгсь, што МР-нь Конституциять примамац 1995 кизонь 21 сентябрьста путсь ушеткс оцю экономическяй и общественнай полафтксненди. Конституциять арьсеманц-тиеманц и народонь келеса ваноманц пингста пуроптовсть марс республикаса сембе конструктивнай вийхне, кочкафоль государствать целайкс улеманц ширец, законць, справедливайшись и инголи молезь социально-экономическяй вииямась. Владимир Волков лятфтазе, што тя тифоль оцю кризисонь условияса.
 

 

25.09.2020   №
ТЯЧИ—МИНЬ ШАЧЕМА ШИНЬКЕ!

24 сентябрьста «Мокшень правда» газетати топоди 99 киза

 

 

Кельгома ялгат! Тячи минь тинь мархтонт «Мокшень правда» газетаньконди топоди 99 киза! Ёфси маласа и круглай датась—100 кизонь юбилейсь.

 

Пцтай век ётась, ёт лисенди мокшень газетась. Сон шиста шис, кизоста кизос вятезе мокшэрзянь крайть летописенц. Газетаса пачфневсь-азондовсь мокшень ломаттнень эряфснон-ащефснон, тевснон-заботаснон, пичефксснон-сярятьфснон колга. Газетась эрьгянь марязь мольсь инголи. Мольсь аф эряскодозь, но аф лотксезь, аф пупорязь арьсеф цельти. А цельсь фкяль: лездомс полафтомс цебярь шири ломаттнень эряфснон, катк эрь од шись ули сяда кеняртьфти. Сон лама тись сёрмас тонафтомаса, мокшэрзянь народть культуранц касфтомаса, национальнай кадрань, интеллигенциянь анокламаса, национальнай самосознаниять касоманц эреклафтомаса.
 

24.09.2020   № 37
ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин