Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    
Демография

МОКШАЛЯТЬ П.С.АКИМКИНОНЬ ЛЕМОЦ СОДАФ ЛАМОТНЕНДИ

Темниковскяй райононь Од Шукштилим велень эряйть П.С.Акимкинонь лемоц содаф ламотненди. Мокшалясь пети гармоният, баятт. Сайхть теенза лезксонкса Мордовиять сембе уженянзон эзда, Москуста, Пензаста, Самараста и лия вастста.
—Мордовияса нинге фкя тяфтама мастер аф содан,—мярьгсь гармонистсь, Трудонь ветеранць М.М.Мелишев.—Гармониять питнец 220-250 тежянь цалковай, сяс аф сембонди рамави. Но и таштть петьфтемс аш коса. Оцю спасиба Петр Степановиченди. Кда аф сон, лядолеме кельгома инструментфтома.
Петр Степанович работась колхозса. Трудонь стажец 46 киза. Ульсь столяркс, жестянщикокс, заняфоль лия тевса. Тяда башка, П.С.Акимкин цебярь гармонист и гармониянь пети. Темниковскяй райононь Аксёл вели весть сашендсь сонць Геннадий Заволокин. Мархтонза васьфтема якась Петр Степанович. Содаф артистсь шназе Од Шукштилимонь мокшалять мораманц. Ули марстонь фотографиясна, кона Трудонь ветеранти пяк питни.
—Коса тонадоть гармониянь петема?—кизефтине Петр Степановичень.
—Нижний Новгород ошса тя тевти тонафнень,—отвечась сон.—Но тонафнемась макссь аф лама. Эряви цебярь практика. Фкя гармониять срафтыне, омбоцеть… Кочкайне, петине.
2 октябрьста П.С.Акимкинонди топодсь 80 киза. Но сон эрьгав и отькорь. Пере путни, тракс кирди.
Шачсь П.С.Акимкин 1932 кизоня. Мзярда ушедсь Великай Отечественнай войнась, алянц, Степан Григорьевичень, сявозь фронту. И тяка кизоня сон шавовсь. Теенза ульсь 32 киза. 1947 кизоня кулось тядяц Наталья Васильевна. Касфтозе церанять тядянц сазороц Ольга Васильевна.
—Ольгаказе полафтозе тядязень,—лятфни Петр Степанович.—Школав якань аф ламос. Пингсь пяк вачедоль и ашуволь.
Трудендакшнесь «Якстерь тяште», сяльде «Броненосец Потемкин» колхоснень эса. Рьвянди кочказе Марфа Семеновнань, кона Кондровкань «Память Ленина» колхозса дояркаль.
Марсот Акимкиттне 58 киза. Эрясть и тянивок эряйхть ладязь, фкя-фкянь шарьхкодезь. Колма идьсна. Валентина Петровна эряй Тольятти ошса. Татьяна Петровна—Темникавса, Василий Петрович якай работама Москуву.
—Траксозень, улема, миса,—мярьгсь П.С.Акимкин.—Рьвязень мархта шумбрашиньке аф кеме.
Мезевок аф тият. Кизотне содайхть етамаснон. Ульсь пинге, пуроми Петр Степановичень семьяц. Алясь сяви кядезонза гармония и ушеды морама. Тянивок гармониять мархта аф явонды.
И.ВЕШКИН.

01.11.2012 №43

Новости

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018   № 40
Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018   № 39
Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018   №
РЕГИОНАЛЬНАЙ ЛЬГОТАТНЕ ПЕНСИОНЕРХНЕНДИ ВАНФТОВИХТЬ

17 сентябрьста Саранскяйса Мордовия Республикань Государственнай Собранияса ётась Мордовия Республикань котоце созывонь Государственнай Собраниять комсь котувоце сессияц. Работасонза примасть участия МР-нь Оцюнясь В.Д.Волков, правительствань члеттне, министрхне, организациянь и ведомствань вятихне и лият. Вятезе сессиять Мордовиянь Госсобраниять Председателенц заместителец В.В.Алёхин.
Котоце созывонь Государственнай Собраниять комсь котувоце сессиянц шинь повестказонза сувафтфтольхть вете кизефкст. Тяконь лувксса, примафтольхть полафткст «О мерах социальной поддержки отдельных категорий населения, проживающего в РМ» Мордовия Республикань законти. Законопроектсь аноклафоль и лихтьфоль парламентарийхненди ваномс Россиянь Президентть В.В.Путинонь рекомендациянзон мяльса кирдезь.

20.09.2018   № 37
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин