Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930
Наша усадьба

АНОКЛАСАСЬК КАСЫКСНЕНЬ ТЯЛОНДИ

Сёксенда садса тевда аф сяда кржа тундать и сексеть коряс. Инь эрявикссь—анокламс касыкснень тялоть етафтоманцты.
Васенда керсемат шуфт-тнень и кусторкснень сяряди и коське тарадснон. Керф васттненди тиема дезинфекция меднай купоросонь растворста (1 чайнай куцюня—1 литра ведти). Кусторксста урядамат лишнай и коське тараттнень. Несколька частта меле керф васттне вадемат садовай варса.
Эряви ароптомс шуфт-тнень судснон зиянонь канды унжатнень эзда. Лацкас ванома шуфтть ронгоц и алуце тарадонзон. Машфтомат унжатнень вастснон: пяярдемат эчке кагод лангс, а меле плхтамат.
 
 
Капстась ванфтови июнти
Капстапрятнень урядамат сяда позданя, но штоба синь улельхть аф эендафт. Меле косьфтамс, урядамс кальдяв лопатнень. Эряви кадомс 2-3 вярдень лопа, капстасяярть аф керома. Марамс 1-3 капстапря полиэтиленовай пакетс, шорямс пур мархта и кемоста сотнемс, штоба афоль сува кожф. Пакет вастс можна тиемс «цюлка» парниконь пленкаста, сотомс пленкать кафта ширде. Пакетть потмоса кочксеви углекислай газ, сон аф максы урматненди вииямс и куватьс аф пужфтсы капстапрять.
Тяфтама «щамса» бохарямса капстась ванфтови июнти. Но, кда панжемс пакетть, капстась курок гастяви, сяс куроконе нолдама тевс.
 
 
Шеерхне туйхть
Перень серотнень и фруктатнень урядамда инголе ваность бохарямть, штоба ванфтомс урожайть сяда ламос. Муви пизоня-варяня, марасть колсеф клянцек пакшкаса, а меле каяда цемент.
Кочкада татаронь кумбаравонь (чертополох) салмокст и каясть синь модамарь мархта ящикти. Кда крьсась или шеерсь эцихть бохаряму, то эзонза педихть салмоксне и тя вастти оду аф сайхть.
 

01.11.2012 №43

Новости

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019   № 24
Минь поздравленияньке

Малаткшни Юбилейцень мархта, Геннадий Александрович!
Корхнихть, што ломанть эряфоц унксневи аф сяшкава кизоса, кода тевса, сянь мархта, мезе сон тись.
Вов ни 20 киза Старошайговскяй районть эряфса сембе  пара ушетксне, цебярь сатфксне сотфт Г.А.Мухинонь лемонц мархта. Нят ульсть пяк аф теждя кизот. Геннадий Александровичень самозонза районть колга корхнесть кода фталу  ляткшниень квалма. Валом-валом районць кармась лисендема касомань-вииямань кить лангс.
Пингсь и эряфсь няфтезь: Геннадий Александрович Мухинонь лангс ули кода надиямс. Сон цебярь руководитель, принципиальнай, еню и тевонь лац содай руководитель. Кельгсы дисциплинать и сембоса порядкать, седиец фалу панжада ломаттненди. Парста шарьхкодьсыне тячиень стакатнень-сталмотнень и лац няйсыне синь эздост лисемань китнень, перспективать.
13.06.2019   № 23
«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019   № 22
Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019   № 22
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин