МОРДОВИЯ РЕСПУБЛИКАТЬ ЭЗГА МВД-ть РУКОВОДСТВАЦ ВАСЬФНЕСЬ ВЕДОМСТВАНЬ ВЕТЕРАТТНЕНЬ МАРХТА

Саранскяйса ётась Мордовскяй (мокшень и эрзянь) народть

24-25 октябрьста Саранскяйса ётась Мордовскяй (мокшень и эрзянь) народть Межрегиональнай общественнай организациянц VII съездоц, кона каннесь «Мордовский (мокшанский и эрзянский) народ в едином культурном коде многонациональной России» лем.

 

Республиказонк сашендсть инжихть Москуста, Санкт-Петербургста, Башкортостанцта, Самараста, Оренбургста, Пензаста, Саратовста, Приморскяй крайста, Севастопольста, Ульяновскяй областьста и лия вастста. Мокшэрзятнень оцю пуромкссост примасть участия делегатт, наблюдательхть, инжихть.

 

 

Эряви азомс, мокшэрзянь народть, мокшень и эрзянь кяльхнень лангс кунардонь пингть и тячиень шитнень шарфнесть и шарфнихть мяль кода минцень, стане и омба масторонь исследовательхне. Мокшэрзятнень кунардонь пингонь сембе письменнай источниксна, конат пачкодсть тяниень пингти, сёрматфт лия народонь кяльса (латинонь, греконь, рузонь, немецонь, голландиянь, шведонь и стак тов). 

Уликс легендать мяльс сявозь, атянзон атясна эрясть оцю губор лангса, конань лемоцоль Ош панда ляй, кона кафта ширде шарфоль вирьхнень мархта, а нинге кафта ширде ульсть сери крутоярхт, конатнень ала шудесь Исса ляйсь. Пингонь ётазь карафне ушедсть пяярема и ляйсь полафтозе ведень шудема вастонц, вов эста родонь плямась сась мяльс ётамс эряма такор вастти, коса ульсь кода касфнемс козя урожай, а Иссать трвава кассь поювонь оцю и туста вирь. Вельденза алятне шапондсть од кутт семьяснонды. Тяфта и эвондась велеть лемоц—Пою.

Школаса тонафнемстонза Анастасия сидеста ванондсь раскопкатнень мельге, конатнень Ош панда ляйса ётафнезь Мордовскяй госуниверситетонь студенттне и преподавательхне. Синь мушендсть сёвонень кядьгонь пакшт, трудонь кевонь орудият, налонь пет, авань мазоптомат, монетат и лама мезе лия. Кунардонь эряма вастста ламоц муфкснень ули кода няемс Саранск ошса Краеведческяй музейса, улихть синь и велень школань музейса.