Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

«ВАЙНАХ» АНСАМБЛЬТЬ СОДАСАЗЬ СЕМБЕ МИРСА

«Вайнах» моронь и кштимань Чечено-Ингушскяй Государственнай ансамбльсь эвондась 1939 кизоня. Пуроптыензон еткса ульсть В.Дакашев, А.Хамидов и ся пингонь ЧИАССР-онь культурань министрсь В.Татаев. Васенда коллективть составса оцю хороль и кштийхть.
1940 кизоня «Вайнахсь» якась васенце гастролезонза Пятигорскяи, сяльде—Москуву. Эста ансамбльса выступандакшнесь XX веконь мировой хореографиянь «тяштсь», пяк содаф танцорсь Махмуд Эсамбаев, конанди ся пингть ульсь аньцек 15 киза.
Марнек Кавказсь содазень чеченскяй кштийхнень А.Садыковонь, Г.Юсуповонь, В.Дакашевонь. Ня асу ломаттне чеченскяй народнай кштимать тиезь содафокс сембе мирса. Но сась ся кизось, мзярда чеченецнень панезь Казахстану, Сибири, Киргизияв. 1944 кизонь 22 февральста концертта меле ансамблень артисттненди мярьгсть мрдафтомс концертнай сембе щапнень, но мес ашезь аза. Мезе ульсь сяда тов—шарьхкотьф.
1956 кизоня ушедсь Чечено-Ингушскяй Республикать одкстоптомац. Культурать вельмофтемац мольсь стакаста. Казахстанца и сембе Центральнай Азияса етафтфоль конкурс, конань эса примасть участия асу музыкантт, кштийхть, морайхть. Сяськихненди лездсть мрдамс шачема масторозост. Алма-Атаса кочкафоль тяфтама группа, кона тяда меле сась Грозный ошу. Тяфта вельмофтевсь «Вайнах» ансамбльсь. Теенза руководителькс арась композиторсь А.Халебский. Нюрьхкяня пингста коллективсь аноклась мялень салай концертнай программа. 1957 кизонь майста Грозный ошса ансамбльсь няфтезе васенце концертонц.
60-це кизотнень ушетксста «Вайнах» моронь и кштимань ЧИАССР-нь Государственнай ансамбльса работасть лама национальностень ломатть: руст, украинецт, армятт, азербайджанецт, осетитт, грузитт, чеченецт, ингушт. 1974 кизоня ансамбльса ульсть аньцек кштийхть. Эсонза ульсь 150-да лама ломань.
«Вайнахть» кельгозь омба масторсовок. Эсь концертонзон мархта сон ульсь Аргентинаса, Мексикаса, Перуса, Коста-Рикаса, Португалияса, Германияса, Сирияса, Кенияса и стак тов.
Ансамбльть историяса инь мяляфтовись—Чехословакияса и Иорданияса гастрольхне, цебярь исполнительнай мастерстванкса «Вайнахть» коллективоц казьфоль «Звезда первой степени» орденца—Иорданиянь Хашмитскяй Королевствать инь оцю наградасонза. Странань сембода талантливай коллектифнень мархта ансамбльсь примсесь участия ламоц Всесоюзнай фестивальхнень эса, колганза содась марнек Советскяй Союзсь.
1988 кизоня «Вайнах» ансамбльть од концертнай программац, кона аноклафоль Т.Элимбаевонь руководстванц вельде, сатсь литературать, искусствать, архитектурать и кинематографиять видеса ЧИАССР-онь Государственнай премия. Эсь концертонзон мархта ансамбльсь каннесь ломаттненди аньцек кенярдема. Сон арась чеченскяй народонь визитнай карточкакс, теенза прянь шнафтома вастокс и культурнай достояниякс.
Кризисонь и Чеченскяй Республикаса военнай действиянь кизотне ульсть пяк стака пингокс ансамбльти. Ламоц танцорхне тушендсть Россиянь лия регионга. 1996-1999 кизотнень ансамбльсь работась Грозный ошса стака условияса, артисттне ашесть получсе заработнай плата. Но сякокс маштсть ванфтомс асушиснон и нльне сатнемс аф кальдяв сатфкст—сяськсть Турцияса и Италияса етафтф Международнай фестиваль-хнень эса. 1999 кизонь сентябрьста сявомок «Вайнахть» работац лоткафтовсь. Тя лиссь Чеченскяй Республикаса военнай действиятнень сюнеда. 2000 кизоть песта Российскяй Федерациянь Культурань министерствась и Чеченскяй Республикань Культурань министерствась макссть поручения Россиянь Заслуженнай артистти Чеченскяй Республикань культурань тяниень пингонь министрти Дикалу Музакаевонди одкстоптомс «Вайнах» ансамбльть и путозь сонь теенза художественнай руководителькс. Тя тевсь пяк стакаль. Д.Музакаев кочксесь артистт Ингушетияса, Кабардино-Балкарияса, Башкирияса. Ингольдень танцорхнень эзда пялесна мрдасть меки коллективти. Коллективть оцюшка  пяльксоц ащесь асу од ломаньцта, синь тонафнесть ансамбльть школа-студиясонза. Краснодарскяй крайса одукс путнезь сире номерхнень. 2001 кизонь майста Краснодарса етась васенце концертсна.
2002 кизоня «Вайнахсь» кафта кофт ульсь гастролензон мархта Франциянь ошнень эзга. Сяльде—Италияса и Испанияса. Тяниень пингть ансамбльсь примси участия республиканскяй, региональнай и всероссийскяй пуромкснень эса.
Мзярда Чечняса етасть Мордовия Республикань Шитне, «Мокшень правда» газетать корреспондентонцты удалась корхнемс Чеченскяй Республикань культурань министрть Дикалу Музакаевонь мархта, кона тись оцю путкс «Вайнахть» одкстоптоманцты. Культурань министрсь мяль вельде отвечась ансамбльть колга сембе кизефкснень лангс. Пароль мялезонза, што «Вайнахть» колга сермадыхть Чечнять эзда ичкоздень республикаса—Мордовияса.
И.ПЯТИНА.

Новости

https://mokshapr.ru

10.06.2022   №
МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

2 июньцта коронавируснай инфекциять инголдаманц и келемоманцты кить персеманц коряс региональнай оперативнай штабть заседанияса примафоль решения—лоткафтомс Мордовияса маскань каннемань режимть. Кода азозе вице-премьерсь Галина Лотванова, республикаса эпидемиологическяй ситуациясь лувондови цебярькс и ащи контроль ала. Мекольдень шитнень коронавирусса урмаськодсь 19 ломань, стационархнень эса пчкси 160 пациент.
 

 
Тяконь мархта азфоль, што ковидсь ашезь пота, сяс хуш и валхтф маскань каннемань обязательнай режимсь, общественнай транспортса  и лама ломанень ёткса улемста мярьгондеви нолямс тевс араламань средстватнень. Общественнай питаниянь предприятиятненди мярьгондеви каннемс маскат сотрудникненди, конат работайхть оцю лувксса ломаттнень мархта.

 

09.06.2022   № 22
НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022   № 22
ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022   № 22
Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022   № 21
Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022   № 21
Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022   № 21
Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022   №