Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    
Закон и порядок

МУВОРУВАТ—ОТВЕЧАК!

Райононь прокуратурать мархта етафтф проверкась няфтезе, што улихть муниципальнай службать мархта сотф законодательствань коламат Саранск ошень округонь муниципальнай фкя служащайть деятельностьсонза.
«Российскяй Федерацияса муниципальнай службать колга» Федеральнай законть коряс, муниципальнай служащайти аш кода улемс членкс коммерческяй организациянь управлениянь органца.
Проверкась няфтезе, што муниципальнай служащайсь Е., кона ащи муниципальнай службаса 2006 кизоста сявомок, 2010 кизоня рамамань-мимань договорс коре рамась коммерческяй организациянь уставной капиталса (ограниченнай ответственность мархта обществаса) 100 процентонь размерса доля и азф пингста сявомок сон ульсь фкя сяка участникокс азф коммерческяй организацияса и тя организациять управлениянь органонь фкя сяка членкс. Тянь мархта Е. колазе Федеральнай законть мархта ладяф запретть. Аньцек прокурорскяй проверкать пингста Е. тиезе коммерческяй организациять уставной капиталстонза долянц отчуждениянц.
Тяда башка, «О противодействии коррупции» Федеральнай законть коламаса Е. работодателенцты доходонзон, имуществать и имущественнай характеронь обязательстватнень колга сведениятнень максомста сепозе сянь, што сон примай участия коммерческяй организациянь управлениянь органца.
Вяре азф нарушениятнень инкса муниципальнай служащайть ули кода таргамс дисциплинарнай ответственностьс или валхтомс сонь муниципальнай службаста.
Райононь прокуратурась закононь муф нарушениятнень коряс Саранск ошень округонь администрациянь оцюняти лихтсь представления, конань эса азф Е.-ть закононь коламанц квалма.
 
Саранск ошень Ленинскяй
райононь прокурорть старшай
помощникоц Е.П.ШИТОВА.

20.12.2012 №50

Новости

КАСОМАНЬ И ВИИЯМАНЬ КИГЕ

Комсь ветие киза Мордовиясь эряй Конституциять коряс, кона примафоль 1995 кизоня

 

21 сентябрьста Республикань Кудса ётафтовсь торжественнай мероприятия, кона лемтьфоль Мордовия Республикань Конституциять 25 кизонцты.

 

Республикань Оцюнясь Владимир Волков поздравляндамок торжественнай собраниянь участникнень юбилейнай датать мархта, мярьгсь, што МР-нь Конституциять примамац 1995 кизонь 21 сентябрьста путсь ушеткс оцю экономическяй и общественнай полафтксненди. Конституциять арьсеманц-тиеманц и народонь келеса ваноманц пингста пуроптовсть марс республикаса сембе конструктивнай вийхне, кочкафоль государствать целайкс улеманц ширец, законць, справедливайшись и инголи молезь социально-экономическяй вииямась. Владимир Волков лятфтазе, што тя тифоль оцю кризисонь условияса.
 

 

25.09.2020   №
ТЯЧИ—МИНЬ ШАЧЕМА ШИНЬКЕ!

24 сентябрьста «Мокшень правда» газетати топоди 99 киза

 

 

Кельгома ялгат! Тячи минь тинь мархтонт «Мокшень правда» газетаньконди топоди 99 киза! Ёфси маласа и круглай датась—100 кизонь юбилейсь.

 

Пцтай век ётась, ёт лисенди мокшень газетась. Сон шиста шис, кизоста кизос вятезе мокшэрзянь крайть летописенц. Газетаса пачфневсь-азондовсь мокшень ломаттнень эряфснон-ащефснон, тевснон-заботаснон, пичефксснон-сярятьфснон колга. Газетась эрьгянь марязь мольсь инголи. Мольсь аф эряскодозь, но аф лотксезь, аф пупорязь арьсеф цельти. А цельсь фкяль: лездомс полафтомс цебярь шири ломаттнень эряфснон, катк эрь од шись ули сяда кеняртьфти. Сон лама тись сёрмас тонафтомаса, мокшэрзянь народть культуранц касфтомаса, национальнай кадрань, интеллигенциянь анокламаса, национальнай самосознаниять касоманц эреклафтомаса.
 

24.09.2020   № 37
ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин