Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  
Демография

Сявф эряфста

«15 КИЗА НИ ЭРЯН КОДА УЧСЕМАНЬ ЗАЛСА!»
Тяфта эсь колганза корхтай содафозе Ангелина, кона эряй кафта странаса—Голландияса и Белоруссияса. «Цебярь? Да кода азомс…»—ушеды азондома цебярь и кальдяв ширетнень тя «ожиданиянь залть», коза повонды аф кржа ава, конат лисихть рьвакс лия странаса эряенди.
Петеронь мархта знакомондаме раднянень шире. Корхтаманьке ульсь теждя—туме фкя-фкянь мяльс. Тердемань инжикс Дутинхему. Сяльде сась Минскяи. А меле тердемань рьвакс. Мон арьсень… ниле кофт! Минскяйса церазе, уноконе, ялгане, работазе. Кода тянь семботь кадомс? Но эвондась возможность работамс омба масторса. И мон тунь Голландияв. Васенда маряйне прязень бта райса. Мольсь 1998 кизось, минь—дефолт, дефицит, косовок аш надияма. А тоса—цебярь эряф, павазу ломатть, магазинца сембось ули, мазы ошт. Минь стиреньке ся пингть вешсть омба масторонь миртть. Надиясть, што тянь мархта решандавихть сембе прябаласна. Но, кода няевсь, ня семьятне и аватне ульсть пяк аф павазуфт.
 
МЯНЬ ВАЛЬМЯТНЕ АФ ЭРЯВИХТЬ ШТАМС!
Тейне пичедемс ашель мезенкса. Мирдезень мархта ладяме. Видекс, европейскяй алятне, конатнень мархта сашендовсь корхнемс, тонатфт эсь пряснон мельге ванома, лама аф вешихть и паронь пандыхть.
Рьвяти теест аф эряви пицемс, муськомс и стак тов. Кивок мезевок аф должен.
Кепотьксонди, мирдезе мзярдонга ашезень мярьгонде шнимс вальмятнень или кудть инголе тротуарть. «Монь шабране рахасамазь!»—корхнесь сон. Тоса эрямань сембе кизефксне решандавихть сяда теждяста. Магазину якатама кафоненк. Фалу ули кода кочкамс товар, кона ладяй тейть питнес и качествас коре. Товаронкса панттама «общай кассаста»—счетста, мезть колга корхтафоль брачнай контрактса. Хуш эсонза ули пункт «финанснень явомасна», мирт-тне-рьватне бытонь карьхцнень аф явондсазь, алятне тянкса ярмакт аф лувондыхть.
Улихть и лия цебярь ширет. Лац работайхть коммунальнай службатне, сембе вастса аруши.
Аш бюрократизма: курокста можна получамс любовай справка, документ. Цебярь медицинскяй обслуживаниясь. Мирдезе лама работась, сонь цебярь страховкац, конань мархта пользовандамс монь ули правазе очередь-фтома и талонфтома.  Эсь врачцти ули кода молемс любовай пингть. Европава визафтома путешествиятне—тянь коряска. Ня пара кизотнень мон улень Европань пцтай сембе странатнень эса.
Мярьгат, эряк и кеняртькшнек! Но аф лисенди, и аф аньцек монь.
 
ЛОМАНЦЬ ЛОМАНТИ—СТОЛБА
Пичефтьсамань ломаттнень фкя-фкянди озадонь седихть ащемасна. Мянь арьсян колгаст тяфта: «Ломанць ломанти—столба». Лангозост ванозь, цебярь ломаттне, мянь раднятне, аф пичедихть фкя-фкянь инкса. Кулхцонттядязь, но прябалазт кивок аф лезды. Аш кодамовок ширень кирдема, совет аф получат, мянь ляпе вал аф кулят. Эрь ломанць эряй сонць: мирдсь, рьвясь, шабатне, атятне, бабатне. Мирдезень шабанза тяфта пшкятькшнихть каршезонза: «Аляй, тя проблематне тоннет». Бабатне унокт аф ваннихть. Радня ломаттнень мархта отношениятне аф малат, кажнайть сонцень интересоц. Шабратне, инь цебярсь, пряса яфодихть васедемста. Корхнемс тоса ефсикс аш кинь мархта. Ляпе, седиста моли корхнемат тоса аш. А штоба ялгацти седи панжемс—тянь колга и арьсемска аш месть!
 
ЧЕЛНОКОНЬ ЭРЯФ
Мирдцень мархта стане жа аф корхтават кода мяльце. Фалу путнят лама вий, корхнемок аф эсь кяльсот, арьсят, кода видеста, эльбятьксфтома, азомс эсь мяльхнень, няфтемс, мезе ваймосот. Тянкса и явондыхть монь рузонь ялганень семьясна. Ламоц рузкс корхтай ялгане мрдасть меки Беларуси, Россияв. А сят, кит лядсть, арьсихть хуш весть повомс шачема масторозост.
Ну, а монь челноконь эряфозе: несколька ков—тоса, несколька—тяса. Мирдезень аш мялец эрямс Минскяйса. А тоса мон лажаткшнян церазти, уноконенди, ялганенди, эсь кудозти. Ня кафту арнематне и ярмаконь ширде питнихть. И фкя-фкянь еткса ладямати аф вятихть. Кодамовок сяда товолдонь планоне аш, оцю тефт аф ушеткшнян. И кати-мезе учан, а мезе—монцьке аф содаса…
Ангелина.
 

20.12.2012 №50

Новости

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019   №
Сёрматфтода «Мокшень правда» уцез (льготнай) питнеса

24.05.2019   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин