Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     
Наука и жизнь

ТРУДОНЬ КЕЛЬГИ КОЛЛЕКТИВ

Атюрьевскяй райононь Мокшень Козловка велень средняй школаса работай трудонь кельги оцю коллектив, конань вятьсы мокшалясь В.И.Гераськин. Василий Ильич старандай, штоба школась ит-тненди, учительхненди араль омбоце кудкс. И ламось теенза удалси.
Школать кеме материально-техническяй ширец: ули спортзалоц, компьютернай классоц, столоваец, трудонь кабинетоц и стак тов. Етафневи лама мероприятия, спортивнай пуромкс, конатнень аноклакшнесазь В.И.Гераськин, А.Н. Шукшин, Е.Ф.Мылкина, Н.Н.Гераськина.
Гордостекс и прянь шнафтома вастокс арси учителень коллективсь. Сембе эряфснон Мокшень Козловкань школати максозь Т.К.Дорожкина, Е.Ф. Маланкина, П.А.Маланкина, З.П.Хрущева, И.Ф.Сергеев, В.Н.Исаев, Т.Д.Шукшина, ламотне лиятне. Кеме юрхт Мокшень Козловкань школати нолдасть С.Б.Колабкина, Т.В.Пронина, М.Ф.Шукшина, В.В.Маланкина, З.И.Трегулова, С.Г.Кимяева. Аф кунара Боражень школаста састь тяза работама Н.Ф.Терёшкина, Е.В. Пятина. Синь педагогическяй трудонь ветератт. Школати макссть колмогемоньда ламонь киза.
—Коллективоньке пяк цебярь,—мярьгсь школань завучсь Н.Н.Гераськина.—Улихть эряфкшу учительхть, улихть отт. Ветераттне ащихть примеркс оттненди.
Нина Николаевнань мархта аш кода аф согласиндамс. Мокшень Козловкань средняй школань учителень коллективсь отвечай тяниень пингонь сембе вешфксненди. Школась сувси райононь инь цебярь школатнень еткс.
 
И.ВЕШКИН.
Снимкаса: Мокшень Козловка велень средняй школань учителень
 коллективсь.

20.12.2012 №50

Новости

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019   № 14
1 апрельста ушедсь 2019 кизоть омбоце пяленцты газетас и журналс сёрматфтомась

«Мокшень правдать» лувиензонды
Кельгома ялгат! 1 апрельста ушедсь 2019 кизоть омбоце пяленцты газетас и журналс, тяконь лувксса «Мокшень правда» родной кяльса-валса лисенди газетаньконди, сёрматфтомась.
Кафта кизода меле топоди 100 киза ёт кармась лисендема минь тинь мархтонт кельгома мокшень газетаньке. Сон лама лездсь эсь народонцты. Васенце номерстокиге лувихне газетать эзда няйсть пара ялга, тонафты, виень и содамошинь максси. Газетась лама тись национальнай культураньконь, кяленьконь кеподемаса-виияфтомаса, эсь лацонь коеньконь ванфтомаса, народоньконь духовнай козяшинзон азондомаса.
И тянивок сон эсь васень задачанц няйсы сянь эзда, штоба лездомс тейнек, мокшетненди, ванфтомс и виияфнемс родной кяленьконь, культураньконь, касфнемс национальнай самосознанияньконь и гордостеньконь.
11.04.2019   № 14
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин