Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  
Наша усадьба

ВАНФТСАСЬК САДТЬ ШЕЕРХНЕНЬ ЭЗДА

Паксянь шеерхне и нумолхне кандыхть оцю зиян садти, кда аф тюремс синь каршезост. Тянкса средствада лама, но аф сембе синь лездыхть шеерхнень машфтомаса…
Цебярь, што аф сембе шуфттне шеерхненди  поревихть. Кда садти 12 кизода лама—можна аф пичедемс инксонза. Шеерхне аф кармайхть порендема ня шуфттнень ронгснон. Шуфттне теест аф интереснайхть ни—пяк калгода судсна. Шеерхне кельгсазь сяда ляпе ярхцамбяльть.
Судть шеерхне аф пяк кельгсазь, порихть эздонза аньцек эста, кда аш лия ярхцамбяльсна. Васенда синь порьсазь марлюфнень и грушакснень, сяда шуроста токсесазь абрикоснень, сливакснень, вишнякснень, сяс мес ня шуфттнень судснон керы таньфсна и ярхцайхть эздост аньцек вача кизотнень.
Содаф, што креолинонь шинесь панцесыне шеерхнень и нумолхнень, сяс можна шорямс сонь растворти, конань мархта акшептовихть шуфттне (50 грамма креолин—10 литрат известень растворти). Или креолинонь концентрированнай растворть шовордамс шуфтонь пилафкс мархта и почедомс тя шоряфксть шуфттнень лункаснонды. 50 грамма креолинть полафтсы чайнай куцюня карболовай кислотань растворсь.
Шеерхне эйфтевихть шуфттнень перьф мараф коське путлеконь (мята), баяронь шуфтонь (бузинань) или чернокорень тишень пусмоняса. Нолневихть тевс и лия спосопт. Кепотьксонди, кайсихть акшептомати кудонь жуватань вер. Тяфтама краскать шеерхне мзярдонга аф порьсазь. Тяфта жа лезды и ведьса шоряф учань наземса шуфттнень вадендемасна.
Но сембе тя спосопне аф лездыхть шеерхнень оцю лувксснон пингста. Кда шеерда пяк лама, синь аф лоткафтовихть кодамовок народнай рецептса.
Шеерхне стожавихть чумаса заразиндаф сёронь приманкаса. Синь аф кандыхть зиян ломаттненди и срхкафтыхть эпидемия, кона урафтсыне сембе шеерхнень.
Тя приманкатне сяда цебярьхть яттнень коряс. Но и тя способсь аф лезды вредительхнень оцю лувксстост.  Вдь ядсь шавсыне грызуттнень аньцек пяльксснон, а эпидемиясь моли аф эряскодозь, тя пингста шеерхне кенерихть поремс 50 сантиметрань сереса шуфтонять.
Инь цебярь ванфтомань способсь—ашкодомс шуфттнень рубероидса. Но сидеста алонза ушеткшни шиньфтама. Судсь прендай, да и тунда рубероидть сави урядамс. Сяс сидеста нолневихть тевс кузонь или можжевельниконь тараттне. А нинге сяда теждя способсь—путомс мелкай варяня мархта металлическяй сетка.
Кда сеткать путомста лувомс касомста ронгть эчкомоманц и шувомс 5-10 сантиметрада сяда алу, то тяфтама ванфтомань способсь саты шуфттненди ламос. И эрь тунданя валхнемс сонь аф эряви.

20.12.2012 №50

Новости

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019   №
Сёрматфтода «Мокшень правда» уцез (льготнай) питнеса

24.05.2019   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин