Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   
Культура

КОНЦЕРТСЬ ТУСЬ ВАНЫХНЕНЬ МЯЛЬС

Мекольдень пинкнень Мордовиять и Самарскяй областть еткса ладявсть и шиста шис кемоксневихть сембе ширдень соткст. Тяфта жа и культурань сферасовок. Самарскяй областень мокшэрзятне, конада тоса 100 тежяньда лама, фалу пара мяльса васьфнесазь Мордовиянь национальнай коллектифнень.
5 февральста Самарскяй академическяй Оперань и балетонь 1000 вастонди театрать залса ашель фкявок шава васта. Мокшэрзятне, русне, татархне, башкирхне и лия национальностень ломаттне, састь концертонь ванома, конань няфтезе Мордовиянь государственнай камернай хорсь.
Мордовиянь камернай хорсь эсь концертонц панжезе «Гимн мордовского народа. Во славу 1000-летия Единения» мороса. И тя гимнась, конань сермадозе Мордовиянь содаф композиторсь С.Терханов, арась духовнай нежекс сембе концертти. Оцю мяльса Самара ошень эряйхне тяфта жа кулхцондозь мокшэрзянь лия композиторхнень классическяй произведенияснон. Няевсь, што Л.Кирюковонь, Г.Сураев-Королевонь, Г.Вдовинонь, Н.Бояркинонь, Н.Кошелевать и Россиянь лия содаф композиторхнень классическяй моросна, коса шнавихть эряфсь, кельгомась, нароттнень еткса ялгаксшись, крхкаста сувасть кулхцондыхнень ваймос. Эрь морода меле марявсть вии аплодисментт.
Тяфта жа лямбоста кулхцондыхне васьфтезь «Край вечной любви» мороть, кона лемтьф Н.И.Меркушкинонди. Тя мороса Мордовиянь камернай хорсь поздравляндазе Самарскяй губернаторть шачема шинц мархта. И тянь вельде няфтезе Самарскяй областьса сембе эряйхненди, конашкава оцю авторитетоцоль Н.И. Меркушкинонь Мордовияса.
Концертть аделамда меле Мордовиянь камернай хорть директороц, Россиянь и Мордовиянь культурань Заслуженнай работниксь Н.И.Башкиров азондсь Самарань журналисттненди концертть основной идеянц колга. Тя концертсь март ковста тяфта жа няфтеви Францияса. Мокшэрзянь композиторхнень произведенияснон кульсазь Париж, Нант, Руан, Гавр ошнень эса и Россиянь посольстваса. И тяда меле мокшэрзянь народть национальнай классическяй искусстванц кармайхть содамонза аф аньцек Россияса, но и Европаса.
В.НЕСТЕРОВ.

14.02.2013 №6

Новости

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

Мордовиянь Оцюнясь Владимир Волков 15 январьста етафтсь 2019-2020 кизотнень федеральнай адреснай инвестиционнай программатнень, а стане жа национальнай проекттнень эса республикать участиянь примаманц коряс кизефкснень ваномаса рабочай совещания. Совещанияса примасть участия республикань Правительствать Председателец Владимир Сушков и министронь кабинетонь члеттне.
Владимир Волков китькстазе, што национальнай проекттнень эса участиянь примамась—тя афкуксонь возможность Мордовияти эряскофтомс виияфтомань сяда важнай направлениятнень коряс задачатнень решандамаснон, получамс федеральнай бюджетста ярмак ся проекттненди, конат эрявихть республикань эряйхненди и синь водендафт экономикать и социальнай сферать виияфтоманцты.
17.01.2019   № 2
Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019   № 1
10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019   № 1
Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018   №
Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин