Поиск по сайту: 
 

Архив
 декабрь 
 2018 
пн вт ср чт пт сб вс
     12
3456789
10111213141516
17181920212223
24252627282930
31      
Наука и жизнь

Осип Егорович Поляковонди—60!

«АФ КАЕНДАН, МЕС КОЧКАЙНЕ ТЯ КИТЬ…»
Тяддень апрельста 60 киза ломанти, конань, улема, содасазь сембе, кинь эряфоц тяфта или стане сотф мокшень кяльть мархта, кие тонафнесь или нинге тонафни Н.П.Огарёвонь лемса Мордовскяй государственнай университетса. Осип Егорович Поляков—профессор, филологическяй наукань доктор. Сон сёрмадсь наукань и тонафнемань методикань лама пособия, школатненди и вусненди тонафнема книгат, валкст и стак тов.
Шачсь сай пингонь профессорсь 1953 кизонь апрельть комсь нилеце шистонза Зубу аймаконь Промза велеса. Алянза-тядянза соксесть мода, вятсть весть аф аделсеви велень тефнень эса. И, улема, арьсекшнесть и надиякшнесть: вов касы Оська цёрасна и кармай эряма корязост сяда лац. А сяс аляц оржа сельмот ванць сянь мельге, кода цёранясь тонафни, кодама оценкат канни школаста. Сидеста яксесь школав сонцьке, штоба няемс семботь эсь сельмосонза. Цёранясь алянц визькс шамас ашезе сувафне. Тонафнесь лац, ульсь шнама вастокс аф аньцек семьянцты, но и тонафтыензондывок. Химиянь учительсь няйсь эздонза сай пингонь химик, физиканнесь—физик. Осип Егорович музе сонцень кинц, тапазе эсь янонц. Сон кярьмодсь филологонь тевти. 1975 кизоня шумордазе Н.П. Огаревонь лемса Мордовскяй госуниверситетть. 1997-це кизоста сявомок сон филологиянь наукань доктор, 2000-це кизоста—профессор. 2002 кизоня теенза максфоль Мордовия Республикань наукань Заслуженнай деятель лемсь. 1999-це кизоня Осип Поляков казьфоль Мордовия Республикань Государственнай премияса.
Эряфонь киста лятфнемат-арьсемат
—Тейне кодгемонь—а мяляфтса, кода тунь 1-це классу. Тейне-арам, тя ульсь аньцек исяк. Шись маниель. Тейне рамасть од кямот, мон щань-карянь и кенярдезь срхксень школав. Школаньке цебярель. Учителеньке цебярь ломаттельхть. Веленьке 60-це кизотнень оцюволь, 400 малава кудоль. Школаса ульсть мянь колма 8-це класст... Эрь класса—комсь ветиень, колмогемонень ломань. Тяни, ужяль, веленязе шамсь. Лядсть тоза колма бабат. 9 классу якаме Вадвелязем вели. Сявондезь тоза аф сембонь, аньцек сятнень, кие тонафнесь ветес. Мон сятнень ётксолень. Школаса кельгине физикать, химиять и математикать. Но эряфсь, няк, семботь шарфтозе эсь лацонза.
Мзярда максозь аттестатоньконь, мон и Вечкаев ялгазе (ужяленди, аш ни шиса) марса саме Саранскяи. Виздезня-пелезня панжеськ университетонь кенкшнень. Ваноськ, кодама специальностть улихть, кодама экзаметт максомат тя или тона факультету поступаманди. Месендемс сяда тов, ашеськ сода. И тяса прязонк сась мяль: Саранскяйса вдь эряй велестонк содаф ломаненьке—писательсь Пётр Иванович Левчаев. Минь сотцеськ сонь, няендеськ, мзярда сашендсь Промзав. Лятфтаськ тянь и суваме ширезонза. Сон и корхтай: «Цёрат, минь кяленьке—мокшень кяльсь. Кда ули мяленте—сада тонафнема филологиянь факультету». Стане и тиеме. Молеме пединституту, ваноськ, кода тефне тоса ащихть, тоса саме университету, тяста сембонь кизефнеськ. И кочкаськ университетть. Туфталсь тянди вов кодамоль: университетса эста стипендиясь сяда оцюволь. А нинге ульсь ся пинкнень тяфтама кой—поступамста экзаменца кочкаф баллхненди мокшетненди-эрзятненди путнекшнесть нинге фкя. Кирневсь мяльса—ломаттне веленнетяма. Ламоцненди тя баллсь лездсь аськолдамс студентонь эряфти. Тейне сон ашезь эрявкста, сяс мес тяфтаковок монць максыне сембе экзаметтнень ветес. Аф каендан, мес сань филологическяй факультету, аделайне сонь и сембе эряфозень лемдине кяльть тонафнеманцты.
Инголи велетне оцюфтольхть. Ломаньда ламоль. Ульсь аф кржа асудовок. Тяни оттнень лувкссна ламода кирсь. Но сякокс, койсон, эста тейнек сяда тёждяль эрямс. Лажнан, мес ётасть ся пинкне, мзярда вакссонк ульсь лама пара вайме ломаньда. Ичкоздень и мала раднят, шабрат и ялгат... Ширдест студентти фалу мольсь кодама-кодама лезкс. Эста ярмак пяк ашель, а синь, кодак саят вели, ванат, вете, а то и кемонь цалковайнят зепозт тонгихть. Тя пяк пароль тейнек, вдь 5 цалковайть лангс Саранскяйса 10 шит эряме. Эста, кда аф нолгадат, ульсь кода сатомс ярмаконявок. Тонафнемда меле шамнеме ваготт. А кда оцюнять, мярьктяма, сонценьге идец студентоль—шарьхкотькшнемазь и лезнесь сатомс сяда лама ярмаконя. Улендсь, фкя шиста добувакшнеськ ковонь стипендияньконь. Вов эста ни праздниколь.
Наукань киге молемать колга, видеста азомс, инголи афи арьсекшнень. Пара, мес оттнень ваксса улендихть стама ломатть, конат лездыхть кочкамс эряфса виде ки. Кие содасы, кода латцеволь синьфтомост эряфоньке... Минь тонафнемазь Эра Сергеевна Большаковась. Мзярда кармань университетть аделама, сон пшкядсь: «Осип, тейть эряви тонафнемс аспирантураса». Васендакиге абондонь, сяс мес лац-ряц нинге афи шарьхкотькшнине, мезе ся стамсь—аспирантурась. Да и ашень кема, што монь, велень цёрать, тоза сявсамазь, хуш и дипломсон ашель фкявок ниле. Аспирантурав примафолень Правительствать видеса институту. Пингонь ётазь тунь стажировкас СССР-нь Наукань Академиянь кялень содамань институту. Тоса тонафнемась пяк мялезоноль. Тя институтса содань лама асу ломанень, смузю академиконь мархта. Тянемс мяляфтсайне лекцияснон. Семботь, мезть кенерень содамс эздост 1977—1978-це кизотнень, ванфнеса мялямсон питни казнекс и пара мяльса азонкшнеса эсь студентоненди.
2003 кизоста сявомок мон Н.П.Огарёвонь лемса университетса мокшень кялень кафедрать вятиецан. Тяда инголе комсь киза улень оцюнякс мокшень и эрзянь кялень пяльксти институтса. Фалу корхнян: эряви тиемс стане, штоба работама вастса ломанць фалу мушендоль седиозафкс. Кинь, шять, кудса кодамовок прябалац лиссь, пади, сялондсь мала ломаненц али шабранц мархта... Ялгань лямбе валса петема тя ломанть мялец.
Мекольдень пингть кафедрасонк тиендеви лама эрявикс тевда. Вете кизода тяда инголе университетсонк ульсь аттестация. Эста ширезонк сашендсь Калининградонь вузонь проректорсь. Сувсесь миньге кафедразонк. Мзярда путоськ шра лангс книганьконь—синтаксисть, морфологиять коряс мокшень кялень учебникт, корхтамань книганят и стак тов, авась пяк дивандась, мес эрь классонди улихть эсь кяльсонк тяштьф тонафнема книганьке. Афкукс, улихть и тя пяк пара. Минь, кафедраса работайхнень, тевоньке шнафоль. Видекс, мекольдень пингть лац нолясазь книганьконь. Содасаськ, ошень школава тонафневихть мокшень и эрзянь кяльхне, а сяс минь нолдаме мокшень-рузонь, эрзянь-рузонь-англань и корхтамань лия книганят. Сяс мес синь пяк эрявкснихть иттненди и фалу вешевихть кода библиотекаста, стане и лавкаста-коста. Валкснень колга корхтатама башка. Мекольдень пингть эздост лиссь аф кржа. Ётксост ули кода лятфтамс рузонь-мокшень валксть, кона нолдафоль ефси аф кунара. Стане жа аф кунара Правительствать видеса институтса лиссь «Мордовские языки» энциклопедиясь. Тя энциклопедияти лемстон тяштьфоль 37 статья. Книгась, койсон, лиссь пяк цебярь. Тя лама ломанень марстонь тев. Кирдян кеме соткст работань коряс омба масторонь ялганень мархтовок. Вов ёфси аф кунара Венгриянь Сомбатхей ошень университетонь ректорть вятеманц ала нолдаме терминонь валкст школатненди: математикаса, химияса, физикаса и стак тов. Аноклайне мокшень кялень лепнень коряс валкскять. Ня книганятне учсефтольхть пяк кунара. Сяда тов Американь учёнайть Джек Рютеронь мархта нолдафоль книга, коса ваноськ мокшень и эрзянь кяльхнень и синь валлувксснон фкакс и аф фкаксшиснон. Тяда башка, кемоньшка киза ни заняфан Библиять ётафтомаса. Тя аф тёждя тевсь веши лама асуши и вий. Мокшень кяльс ётафтф ни «Матфеень коряс Евангелиясь» и стак тов. Кунардоннет и кемот ялгань сотксоньке Хельсинкаса Библиянь ётафтомань институтть мархта. Маластонь пингть аноклан мокшень кялень стилистикать коряс учебник. Тя тонафнема книгась пяк эряви студенттненди. Эрзя ялганьке нолдасть ни тяфтама пособия, а минь аф ламода лядоме эздост. Ефси аф лама тевда лядсь мокшень кялень орфографиянь валксть шумордаманцты. И, надиятама, пяк оцю тев маластонь пингть ушедови картотеканьконь кочкамаса. Кафедрасонк ванфневи питни козяши—диалектонь материалхне, конат кочкафтольхть лама кизонь потмоста мокшэрзянь лама аймакова. Яксефоль экспедицияс аф аньцек Мордовиява, но и лия регионга, кепотьксонди, Пензав. Пароль тя семботь ётафтомс цифрас, лиякс азомс, сувафтомс компьютерти, а меле нолдамс книгасовок. Русне кочкаф диалектонь материалснон коряс нолдасть кафкса томса валкс. Кда тейнек удалай нолдамс лацонза книга, тя ули питнидонга питни казне тячиень и сай пингонь эряй сембе мокшэрзятненди.
 
М.АГЕЕВА.
 
«Мокшень правдать» коллективоц седи ваксста поздравляндасы О.Е.Поляковонь юбилеенц мархта! Сембе цебярть тейть, Осип Егорович! Сатфкст и шумбраши!
 

16.05.2013 №19

Новости

Единороссы Мордовии направили свои предложения для работы на предстоящем Съезде Партии

Обсуждение предложений, направленных на совершенствование основных принципов работы  партии  и повышении ее роли в современном обществе, прошло в ходе  региональной  партийной  дискуссии «Обновление -2018»,   которая состоялась 16 ноября в Саранске. Дискуссия  объединила   четыре  тематических блока,  касающихся обновления партии и создания эффективной политической организации; повышения коммуникаций и  взаимодействия с общественными институтами; технологических подходов в избирательных кампаниях и в межпартийной конкуренции; реальных  дел в решении проблем  конкретных людей  и  развития   всех сфер жизни общества. Итогом  стало пленарное заседание, в ходе которого была обобщена работа дискуссионных площадок  и рассмотрены наиболее интересные предложения, прозвучавшие в ходе обсуждений.  Лучшие из них  направлены   Региональным  отделением   «Единой  России»  в   Центральный исполнительный комитет Партии для обсуждения  во время работы    площадок первого дня Съезда Партии.  В ходе  региональной дискуссии был представлен широкий спектр мнений  по  вопросам, касающимся  сохранения  доверия к партии избирателей и повышения эффективности работы партийных структур.

 

20.11.2018   №
УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

20 октябрьста Саранскяйса Культурань Республиканскяй дворецса ушедсь мокшэрзянь масторса фкя инь кельгови илась—«Шумбрат, Мордовия!»—«Vivat, Чемпионат!» народнай творчествань республиканскяй фестивальсь. Тядде сон етафтови комсь кафтувоцеда и лемтьф 2018 кизонь футболть коряс Миронь чемпионатти. Тяддень фестивальть девизоц—«И тя сембось сонь колганза».
Кода фалу, ковда ламос Культурань Республиканскяй дворецса кармайхть етнема муниципальнай райоттнень и Саранск ошень округть отчетнай концертсна, а стане жа «Мокшэрзянь масторть мастерствац» декоративно-прикладной и изобразительнай творчествань выставкатне.
Ваныхненди ули кода няемс инь цебярь творческяй коллектифнень, артисттнень выступленияснон, содафтомс народнай мастерхнень работаснон мархта.

25.10.2018   № 42
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин