Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      
Наука и жизнь

М.Е.ЕВСЕВЬЕВОНЬ ЛЕМСА МГПИ-нь ВЫПУСКНИКНЕНЬ МАРХТА ВАСЬФНЕСТЬ РАБОТОДАТЕЛЬХНЕ

7 июньцта Саранскяйса М.Е.Евсевьевонь лемса Мордовскяй государственнай педагогическяй институтса тяддень выпускникнень мархта, конат нинге ашесть му работама вастт специальностьс коре, васьфнесть Мордовия Республикань образованиянь министрть заместителенц Е.П.Солдатовать, Трудть и занятостть коряс Мордовия Республикань государственнай комитетть председателенц заместителенц М.В.Антоновать, Од ломаттнень тевснон коряс Мордовия Республикань государственнай комитетть организационнай работань отделть начальниконц Н.В.Нарайкинать, работодательхнень: республикань образовательнай учреждениянь директорхнень, образованиянь районнай управлениянь начальникнень,  предприятиянь, организациянь руководительхнень мархта.
Е.П.Солдатова корхтась сянь колга, кода республикасонк ащи тевсь педагокнень  мархта и кодама вакансият улихть образованияса. Валонзон коряс, мекольдень кизотнень  кассь ся  учительхнень лувкссна, кинь стажец вете кизода кржа. Тяка пингть педагокнень пцтай 13 процентсна пенсиясот кизоснон коряс, но синь нинге работайхть. Тячиень шити республикаса 200-да лама учителень, воспитателень, педагогонь-психологонь, тренеронь-преподавателень, музыкальнай руководителень вакансия. Лац ваныхть кадратнень мельге Ковылкинскяй, Зубово-Полянскяй, Торбеевскяй, Лямбирскяй райоттне, Саранск ошсь. Васенце вастса вакансиятнень коряс ащихть омба масторонь кялень учительхне. Тя сотф футболть коряс 2018 кизонь Миронь чемпионатть мархта. Сяда тов молихть физическяй культурань, математикань и информатикань, историянь и обществознаниянь, химиянь и биологиянь учительхне. Елена Петровна азозе, што аф эряви пелемс велень школаса работать эзда, вдь тоса учительхнень условиясна аф сяда кальдяфт ошеннетнень коряс и ванфтовихть льготатне.
М.В.Антоновась шарфтсь мяль сянди, кода Мордовияса ащи тевсь трудонь рынкать мархта. Мекольдень кизотнень республикасонк кирсь аф работай ломаттнень лувкссна   (4-це вастсь Приволжскяй федеральнай округса и 16-це— Россияса аф работамать коряс). Тяддень 1 июнти аф работайда 13 процентта сяда кржа етай кизоть коряс, а вакансиятнень лувкссна кассь фкя процентта.
Н.В.Нарайкина корхтась од семьятненди эряма вастонь максомань программать колга, кода можна арамс тя программань участникокс и кодама льготат улихть бюджетникненди. Специальностьс коре работайхненди можна получамс безвозмезднай субсидия.
Сяльде работодательхне вакантнай васттнень колга азондсть выпускникненди ламоц факультеттнень эса.
А.ВОЛГАПОВА.

13.06.2013 №23

Новости

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020   № 29
МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020   № 29
ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин