Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   
Спорт

СПОРТСЬ КЕМОКСТАСЫ ХАРАКТЕРТЬ

Пара мялезонк, мес Мордовиясь лувондови Россиять сембода спортивнай региононзон эзда фкясь. Тянь кемокстаманцты минь спортсменоньке кизоста кизос кеняртьфнесамазь од сатфксснон мархта. 27 августста сявомок 1 сентябрти молемс США-нь Техас штатса етась 14-18 и 19-23 кизоса спортсметтнень еткса пауэрлифтингть коряс JPF миронь чемпионатсь. Пяк стака весовой категорияса сяськикс лиссь Мордовия Республикань Высшай спортивнай мастерствань школань спортсменць Егор Резепов. Мархтонза аф кунара корхнесь минь корреспондентоньке.
—Егор, азонтк, мезьста ушедсь спортти кельгомаце?
—Спортти мялень шарфнема ушедонь нинге шабакс пингста. Оцю брадозе якась дзюдоса и баскетболса тренировкас. Тядязень оцюволь мялец, штоба мон сембоса молелень мельганза. Стане и тиендень. Но тя ульсь аф монне. Кода-бди телевизорса няфтсть вии ломанень пялькстомат. Синь пяк тусть мялезон. Сяс фалу ушедонь ванондомост. Кармань кемокснема ронгозень гантельхнень вельде. Сяльде ушедонь якама тренажернай залу, и, эряви азомс, кочкаф тевозе пяк кельговсь. Тренажернай залса легкай атлетикать коряс тренерсь  Е.А.Поплавский шарфтозе мялезень пауэрлифтингть лангс. Сон мярьгсь, што тейне ули кода пачкодемс ичкози спортонь тя видса. Эста ульсь 14 кизозе. И вов 4,5 кизот пауэрлифтингсь арась тейне инь кельговикс тевкс.
—Кодама текшт кенереть сатомс тя сембе пингста?
—Васенце медалезень сатыне 2009 кизоня. Тячиень шити мон 2011 кизонь Европань чемпионатонь бронзовай призеран, миронь кафтонь-крдань чемпионан—сяськонь 2012 и 2013 кизонь Миронь чемпионаттнень эса.
—Азонтт мекольце сяськомацень колга.
—Пялькстоматне етасть Американь Техас штатса Киллин ошса. Мон, кода тяжеловес, примань эсост участия мекольдень шить. Сембось етась лац. Мон етайне каршек ащи спортсменть 80 килограммас. Мялезель тиемс и личнай, и мировой рекорд. Но сянкса, мес группасонк ульсть аньцек кота ломатть, нежедематнень еткса ваймамс пинге ефси ашезь лядонда. Тянь сюнеда арьсефозе ашезь ета эряфс. Но мон сякокс омбоцеда арань миронь чемпионкс.
—Улендихть-аф сялондомат, каршек корхнемат тренерцень мархта?
—Тренерозень А.Б.Холоповонь мархта фалу мушенттама марстонь кяль. Аф мярьган, што сембось моли вадявста. Но мон фалу кулхцонкшнеса сонь. Вдь тренерозень оцю опытоц.
—Кода кочкаф тевцень лангс ваныхть мала ломаттне?
—Шачфтыне-касфтыне васенда ашезь кирде ширезень, мзярда кярьмодень пауэрлифтингти. Кле, сатфкст аф кармайхть, аньцек сембе шумбрашицень кадсак. Но мон курокста ушедонь сяськондема. Тяни синь лувондсамазь монь гордостень марямань вастокс. Содафоне тевозень лангс ваныхть аф фкя лаца. Улихть стапт, кинь эзда марян аньцек шнама валхт, и стапт, кинь аф мялезонза ся, мес мон шарфнян мяль пауэрлифтингти. Кода корхнихть, мзяра ломаньда, сняра и мяльда.
—Полафтозе-аш характерцень спортонь тя видсь?
—Пауэрлифтингсь ламода полафтозе характерозень, перьфпяльть лангс ванфозень. Марстонь тев вятян ломаттнень мархта, конат кизонь коряс мондедон ламода оцюфт. Тя тиендьсамань монь, кода арьсян, сяда смузюкс, кемокснесы ваймоть. Кда кивок мярьги, што аф лиси кодамовок тевозе, монь ефси аш мялезе кинди-бди мезе-бди няфтемс.
—Кодапт сай пингонди платтне?
—Васендакиге—ваймамс. А сяльде анокламс юниорскяй Россияти. Кизось кармай пяк стака. Вдь соперниконе кармайхть сяда сирет ингольденнетнень коряс.
—Спасиба.
И.ПЯТИНА.

19.09.2013 №37

Новости

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

Мордовиянь Оцюнясь Владимир Волков 15 январьста етафтсь 2019-2020 кизотнень федеральнай адреснай инвестиционнай программатнень, а стане жа национальнай проекттнень эса республикать участиянь примаманц коряс кизефкснень ваномаса рабочай совещания. Совещанияса примасть участия республикань Правительствать Председателец Владимир Сушков и министронь кабинетонь члеттне.
Владимир Волков китькстазе, што национальнай проекттнень эса участиянь примамась—тя афкуксонь возможность Мордовияти эряскофтомс виияфтомань сяда важнай направлениятнень коряс задачатнень решандамаснон, получамс федеральнай бюджетста ярмак ся проекттненди, конат эрявихть республикань эряйхненди и синь водендафт экономикать и социальнай сферать виияфтоманцты.
17.01.2019   № 2
Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019   № 1
10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019   № 1
Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018   №
Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018   №
 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин