Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Спорт

СИНЬ—ФАКЕЛОНЬ КАНДЫХТЬ!

Александра Чекунова:
—Налхкомок кота кизот волейболса, шарьхкодень, што тя тевсь—монь. Лангозон ваномок, спортти венемсть валомня мала ломанне. Няемок сатфксонень, ламотне састь мяльс мумс эсь вастснон кодамовок спортонь видса. Главнайсь—аф нолямс кяттнень и эста сембось сатови. Лезнема фкя-фкянди.
Шачема-касома масторти эрявихть шумбра ломатть. Тонафтомок пряцень, полафтсак цебярь шири перьфкат уликс мирть-масторть.
Олимпийскяй спортонь тялонь кельгома видозе—эйть лангса курькснемась. Оцю мяльса учса Олимпиадань толть Эстафетанц Саранскяйса. Марян гордость страназень инкса!
 
Виктор Королёв:
—Кемголмува киза ни уендян, спасиба тянкса шачфтыненди-касфтыненди—вятемазь секцияс. Эрь шинь тренировкатне сувасть эряфозон. Конешна, стака якамс тренировкас шити кафксть недяляньберьф и нльне 1 январьста, но тя сембось аф шавос. Маряса, што спортсь лезды арамс сяда виикс аф аньцек ронгти-пондти, но и ваймоти. Кепси мяльце, мзярда ялгатне анайхть лезкс кода опытнай спортсменонь кядьста. Старандан, штоба ялганевок улельхть заняфт спортса. Волейбол, футбол, хоккей—спортонь команднай витт, синь маласькофтсазь ломаттнень. Кали ули мезевок тяда цебярь? Тядде ушедонь тонафнема соксса курькснема. Ламотне кизефнесамазь: «Кода можна улемс заняфокс фкя тевса мянь 13 киза?» Кда кельгсак спортть и мяльце улемс ялгакс эряфонь шумбра койхнень мархта, няфтемс пример од ломанти и сяда эряфкшуфненди, то тя инь емлась, мезе тиеви тянкса.
Ламось мирса ащи ломанть эзда. Ломанць—мирть-масторть идец. Мяльце, штоба перьфкат ломаттне пеедельхть, улельхть хуш аф ламода павазуфт, пеетть! Пеетьфть эзда ваймось аф ламода валдоми. Мяльце, штоба мирсь-масторсь цебярьгодоль—арак примеркс, и сон полафты.
Олимпийскяй спортонь тялонь кельгома видозе—хоккейсь. Факелонь кандыхнень еткс сувсян сяс, мес спортсь—тя эряфозе, сяс мес спортонь мастеран уендемать коряс, сяс, мес еран арамс олимпийскяй чемпионкс!
 
Ольга Мелешина:
—Кда ули мяльце мезе-бди сатомс—няфтьк, што тя тейть тиеви. Кода и ламоц лия волонтерхне, примсян участия етафневи пуромкснень эса. Кепотьксонди, 2012 кизоня работань спортивнайста якамать коряс миронь кубкаса. Омба масторонь делегацияти вятикс улемась тусь мялезон, эвондась лия странаста ломаттнень мархта корхнемань опытозе. Эряви азомс, што ламоц лия масторонь эряйхне перьфкан макссть шарьхкодемс спортивнай пялькстомать вастонц и питнишинц. Олимпийскяй спортонь тялонь кельгома видозе—трамплинцта соксса курькснемась.
Материалть аноклазе
А.Волгапова.

19.12.2013 №50
 
 
 

 
НОВОСТИ

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин