Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

В Правительстве РМ

РЕСПУБЛИКАНЬ ПРАВИТЕЛЬСТВАСА

Мордовия Республикань Правительствать очередной заседанияса, кона етась 27 январьста, ванондовсь 50-да лама кизефкс, конат сотфт республикать эряфонц и социально-экономическяй ширде вииякшнеманц мархта. Заседаниять вятезе республикань Правительствать Председателец В.Ф.Сушков.
Примаф  документтнень еткса—2013-2018 кизотнень    МР-нь культурань сфераса эффективностть касфтоманц колга постановлениясь, «Доступная среда» государственнай программати (арьсеф 2014-2018 кизотненди), Мордовия Республикаса государственнай финанснень мархта управлениять эффективностенц касфтоманц коряс программати полафтксонь сувафтомась.
Правительствать заседанияса кемокстаф «Граждаттненди, конатнень улихть колма и сяда лама идьсна, модань участкань максомать колга» мероприятиянь планць. Тияк тяса азфоль, што эряви тиемс семботь сянкса, штоба максомс модань участкат сембе семьятненди, конат сермадсть тянь квалма заявленият властень оргаттненди.
Стане жа заседанияса примаф 2013 кизонь нилеце кварталонкса прожиточнай минимумонь размерть колга решения. Прожиточнай минимумонь размерсь, средняйста эрь ломанть мяльс сявозь, 2013 кизоня нилеце кварталста 2013 кизонь колмоце кварталть коряс кассь 1 процентта и пачкодсь 6260 цалковайти.

30.01.2014 №4
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин