Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Молодежный клуб

Мяленте верондада, мяленте...

ВАНОМАСТА НЯЙСЬ ОД ЦЁРА
Роштувада меле улендихть Святкатне. Пингстост ламоц од стирьхне и цератне кельгсазь воражамаснон. Православнай батюшкатне ащихть каршек тянди, но народсь аф пяк кулхцондсазь и сяда тов старандайхть содамс сай пингснон.
Весть Лена ялгазе воражась. Тевсь ульсь сире Од кизонь веня, стирти аф кунара топодсь 19 киза. Родителенза тусть инжикс, лядомок кудса ськамонза, Лена сась мяльс содамс. Теенза ульсь пелькс и тердезе Ольга ялганц.
Пялевеста стирьхне пякстасть пря башка комнатав. Крьвястсть штатол, озасть ванома инголи и ушедсть корхнема эрявикс валхт: «Ряженай-суженай, сак тейне щафста-каряфста». Васенда мезевок ашезь лисенде. Етнесть минутат, частт… Эряви азомс, стирьхнень учемаснон колга—лиятне сельгольхть и тульхть удома, а нят стаки ванцть ваномати, надиямок няемс тоста кельгомаснон.
Веть, кафта частть малава Ленань ваномац полафтсь, мутнайгодсь, а штатолсь ушедсь комотнема. Елена, кода и эрявсь, нардазе ваномать и ванць эзонза. Эсь цильфонц ваксста няйсь од цера, кона мзолдсь теенза. Аф ламос стирсь ванць церать лангс, а меле шарфтсь фталу. Но фталонза, конешна, кивок ашель. Ваномаста од церась тяфта жа юмась.
А вов ялганцты ушезь удала. Ваномаса Ольга няйсь равжа, аф пара алянь шама, конань эзда мольсь кяж. Пелембачк стирсь мянь скомнястовок прась, ушедсь пешкоткшнема.
Колма ковда меле, мзярда Лена юкстась воражамать колга, радняснон свадьбаса стирсь васьфтезе инжихнень еткста ся од церать, конань няезе ваномаста. Иляденьберьф од ломаттне ванондсть фкя-фкянь лангс, а меле Виктор тердезе Ленань танецс. Ся кизоня синь рьвяясть. Тяни касфтыхть стирня и цераня.
Кизода меле Ольга тяфта жа лиссь рьвакс, но аф сянди, кинь няйсь ся илядня. А ся «равжа» алять мархта савсь васьфтемс сексенда. Сон врьгятсь Ольгань лангс илять шобда вастса. Ерась ускомс сонь гарашнень фталу, но Ольга сяшкава пешкодсь, што алясь эводсь и ворьгодсь.
Аф лама пингонь етазь Ольга няезе тя шамать криминальнай телепередачаса—сон маньяколь. Сонь кундазь, мзярда еразе тиемс «рдазу» тевонц. Ся ломаттненди, кит содазь сонь, эняльдсть самс полициянь отделенияв показаниянь максома. Вов тоса Ольга васьфтезе сай пингонь мирденц, кона ульсь тоса стажеркс и лездсь содамс инекуйть.

06.03.2014 №9
 
 
 

 
НОВОСТИ

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин