Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Молодежный клуб

ПАНЖАДА ВАЙМОТ КОРХНЕМАТ

Корхнихть, што стирьхне синць аф содасазь мезе теест эряви. А мезе азыхть синць тянь коряс, содасазь-аф мезе мяльсна сатомс эряфса, кода сяда тов ладямс судьбаснон.
Анастасия Учанина,
студентка:
—Анастасия, цератне сидеста азонкшнихть тейть кельгомань валхт?
—Конешна!
—Мезе тись инксот кельгома ломанце, мезсь ламос ляды мялямозт?
—Сон казсь тейне казне, конань вешендезе Москуть келес!
—Кода етнесайть эряфонь стакатнень-сталмотнень?
—Достойнайста! Ломанти эряви улемс анококс эрь стакатненди-сталмотненди. Вдь эряфса синьфтомост аш кода.
—Мезсь мялезт цератнень эса?
—Стирьхнень мархта прянь вятема маштомась.
Алина Дёвина,
студентка:
—Алина, мезьса стирть главнай питнишиц?
—Ёнюшись.
—Мезьса «сяськсак» мялезт туф церать?
—Пеедемаса.
—Мезсь мялезт цератнень эса?
—Эрь аляти эряви ваномс эсь мельганза. Тя и мялезон.
—Мезьса павазсь?
—Мзярда кинь-бди кельгат.
Наталья Левшева,
дизайнер:
—Наталья, кит главнай ломаттне эряфсот?
—Сят, кит фалу маласон. Тядязе-алязе и кельгома ломанезе.
—Мезе стамсь кельгомась?
—Тундась ваймосот, мзярда бта пацятне появайхть и лиендят.
—Мезьса эряфонь смузсь?
—Эсь пряцень содамаса, шарьхкодемаса.
—Мезень колга мяльхне-арьсематне?
—Улемс масторлангонь сембе уженятнень эса.
Илона Хархарьянц,
 студентка:
—Илона, мезе арьсят сатомс эряфса?
—Мялезе тиемс удалаф карьера.
—Инь мяляфтови тевсь, конань тиить эряфса?
—Парашютса комотемась.
—Мезе тиемс, кда мялезт  туф церась аф ваны ширезт?
—Аф нолямс кяттнень!
—Кодама стирьхне сяда сидеста тушендыхть цератнень мяльс?
—Целень сатнихне.
Ольга Улаева,
школаса тонафни:
—Ольга, мезсь лезды стирти улемс фалу мазыкс?
—Цебярь мяльхне-арьсематне!
—Верондат кельгомати?
—Конешна! Надиян васьфтемс ломань, кона полафтсы сембе эряфозень.
—Кда поволеть ёфксс…
—Улелень добрай феякс, штоба етафнемс эряфс ломаттнень мяльснон.
—Кода шарьхкодьсак эряфть?
—Эряфса пяк лама возможностьта.
 
Л.РЕЗОВА.
 

06.03.2014 №9
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин