Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Обо всем понемногу

И ЛАМОС ТЯФТА КАРМАЙ УЛЕМА?

Улема, аф эльбядян, кда азса, што ламотнень эздонк тяни стаки пяк таколфтсазь Украинаса тефне. Кода аф ужяль, тоса ситуациясь ляткшни аф сетьмокс. Харьковса, Луганскяйса, Одессаса, Донбасса и лия вастова стаки тежятть ломань лисендихть митингс эсь законнай вешфксснон мархта.
Шарьхкотьф фкясь—рузонь населениясь аф максы пря бандеровщинати. Доказательствакс тянди—Крымсь. Тястонь народсь референдумса кемоста азозе эсь валонц—мялец улемс Россиять мархта. Тянкса максозь вайгяльснон крымчаттнень 97 процентсна. Монь койсон, тя пяк цебярь пример Украинань сембе народти, и сембодонга Юго-Восточнай региоттнень эса эряйхненди.
Эряфсь нинге весть няфтезе, што аш кода вихца эцемс ломаттненди теест аф ладяй, каршек ащи идеологиять, аш кода вихца лоткафтомс корхтамда ломаттнень родной кяльса, аш кода одукс серматкшнемс историять и геройкс тиендемс преступникнень и фашисттнень, бандеровецнень.
США-ть и Западть, няк, аф мялезост, мес Украинать тевонзонды «эцекшни» Россиясь. Нльне кармасть эвфнемонк санкцияса. Тяда инголе синь санкцият тевс нолясть Иракти, Севернай Кореяти, Ливияти и стак тов. Россиясь—вийс коре омбоце ядернай державась и мирса 8-це экономикась, сяс минь странаньконь аф теждя теест эвфтемс, «путомс вастс». Кода мяляфтса, 2008 кизоня Грузиять мархта конфликтта меле Российскяй Федерациять синь стане жа ерасть мяляфтовиста наказамс. Но аф эста синь мезевок ашезь лисе и тянивок мезьге аф лиси.
А вов лездомс Киевти аф США-сь, аф Европась аф эряскодыхть. Синь аньцек трибунаста надияфнихть максомс миллиартт доллар, а тячемс Украинась ашезь получа эздост трешниковок.
Башка оцю мяль синь шарфнихть каршезонк мольфтеви информационнай войнати, лиякс мярьгомс, валонь войнати. Карьхцне аф оцюфт, а шумда лама. Телевидениясна и газетасна ….. сембонкса муворгофнесазь Москуть, сялдыхть-апрякайхть Президентоньконь эса. Но и тянь эзда синь стане жа мезевок аф лиси.
И.СЕРГЕЕВ. 
 
 
 
ШКОЛЬНИКНЕ ПРИМСИХТЬ УЧАСТИЯ ЛАМА ПЯЛЬКСТОМАСА
«Сочи-2014»—тяфта лемтьф выставкась Торбеевскяй райононь Салазгорь велень средняй школаса. Эсонза примась участия сембе школась. Иттне няфтезь эсь рисункаснон вельде, конашкава кельгсазь спортть.
—Пара мялезон, што учениконьке ашесть ляда шири Сочиса етафтови олимпиадать эзда,—мярьгсь школань учебно-воспитательнай кизефкс-снень коряс завучсь Т.Д.Шнякина.
Татьяна Дмитриевна шназень Катя Никишовать, Маша Эрькинать, Дима Балашкинонь и лиятнень работаснон.
Сочинь Олимпиадати лемдезь эсь сатфксснон Владимир Ведяскин, Дмитрий Пурдышев, конатне арасть сяськикс районца етафтф физвоспитаниянь олимпиадаса.
Олимпиадада инголе Салазгорень школась примась участия лама спортивнай пялькстомаса. Ня пялькстоматне республиканскяйхтольхть, лемтьфт Советскяй Союзонь Геройти М.П.Девятаевонди. Школань командась занязе васенце вастть.
Етафтовсть «Старты надежд» спартакиадась, «Весяла стартт», мини-футболса, баскетболса, шахматса, «Папа, мама, я—спортивная семья», шра лангонь теннисса и лия пялькстомат. Тянкса аф кржа вий макссть синць тонафнихне, а лездсь теест школань дирекциясь и физвоспитаниянь учительсь Ф.М.Кирдяшкин.
А.КУЗЬМИН.
 
 
 
КЯДЬСНОН АФ НОЛЯСАЗЬ
Н.С.Полькина шачсь-кассь Зубово-Полянскяй районца, коста лиссть мокшень содаф писательхне—нят С.В.Кинякин, Н.Б.Голенков, А.И.Пудин, В.И.Нестеров, лият. Аф стак тонафнема вастокс Нина Степановна кочказе М.Е.Евсевьевонь лемса МГПИ-нь филологическяй факультетть. Работама вастоц—Темникавонь библиотекась. Сон директор райононь централизованнай библиотечнай системаса, кядялонзот ошень и велень библиотекатне.
Сяс Нина Степановнань аш кода аф лемдемс павазу ломанькс. Сон кельгсы книгань лувоманц, сидеста мокшень кяльса серматфоц печатлакшневи «Темниковские известия» районнай газетать лопанянзон лангса.
Нина Степановна оцю мяльса, кельгозь азонды эсь работанц колга. Библиотекасна оцю, валда, эсонза лама книгада. Сидеста тоса етафневихть пуромкст. Коллективсь аф кальдяв. Ломаттне работайхть совестьс коре. Пичетьфти аньцек емла получкась, сяс велень и ошень библиотекав стака мумс цебярь работник.
—Кяденьконь аф нолясаськ,—мярьгсь Н.С.Полькина.—Работаме и сяда тов карматама работама виень аф ужяльдезь. Районть эряфонц эзда шири аф лядонттама. Примсетяма участия эрь пуромксса.
М.ИЛЮШЕНКОВ.
 
 
 
СПОРТСЬ ВАСЕНЦЕ ВАСТСА
Атюрьевскяй райононь Курташка велень средняй общеобразовательнай школаса инь няевикс вастса ащи спортонь уженясь. Эсонза кочкафт школань инь цебярь спортсметтнень фотографиясна, диплопне, почетнай грамотатне, кубкатне, конатнень мархта казьфт тонафнихне спортивнай пялькстомаса сяськоманкса. Тясот и мекольдень спортивнай кулятне.
Районца и республикаса етафневи лама соревнования. Школаса тонафнихнень еткса улихть вишкста ласькихть, якайхть, соксса курькснихть, хоккейса налхкихть. Школать фтала тиф хоккейса курькснеманди оцю площадка, коза сашендыхть ваймама пингснон етафтома велень од ломаттне. Тяда башка, синь налхкихть футболса, волейболса, шра лангонь теннисса.
Школань тонафнихне примсихть участия республиканскяй пялькстоматнень эса. Эрь кизоня етафневихть соревнованият браттнень Леванофнень призснон инкса ласькомаса и спортивнай якамаса. Школась фалу уленди васенце ряттнень эса.
Физвоспитаниянь урокнень школаса вятьсазь Н.И.Бурнашкин, С.И.Маскайкин. Синь путнихть вийхть сянди, штоба иттне примальхть участия спортивнай пялькстоматнень эса, якальхть кружокс, ару кожфса мялень салайста етафнелезь етка пингснон. И тя теест удалси.
—Минь старандатама спортонь кельги шабатнень отмечамс и школасовок,—корхтай Н.И.Бурнашкин.—Теест казенттяма аф аньцек Почетнай грамотат, но и ярмаконь премият, питни казнет.
И.ВЕШКИН.
 
 
ЁТАФНИ МЯЛЕНЬ САЛАЙ УРОКТ
Темниковскяй райононь Кушка велень основной общеобразовательнай школань биологиянь учительть Е.С.Конаковать лемоц лац содаф Темниковскяй районца. Сон Лиситтнень учителень династияста. Тядяц и аляц Сергей Андреевич и Зинаида Серафимовна фалу работасть велень школаса. Тяка жа школаса завучекс и химиянь учителькс работай сазороц Н.С.Возжунина.
Екатерина Сергеевна школаса работай 20-да лама киза. Сонь кельгсазь иттне.
—Учениконза примсихть участия райононь предметнай олимпиадатнень эса,—корхтай школань директорсь Г.А.Терешкин.—И занцихть васенце вастт, арсихть призеркс. Тя минь пяк кеняртьфтьсамазь.
Екатерина Сергеевнань ученицац Анастасия Елисеева биологиянь олимпиадаса кафксоце классонь тонафнихнень еткса сатозе васенце вастть. Надежда Ивахина, Оксана Тютькова сявозь омбоце и колмоце васттнень. Синь оцю спасиба азсть кельгома учительснон лемс.
—Екатерина Сергеевнань мархта работамась теждя,—мярьгсь Г.А.Терешкин.—Сонь козя работань опытоц. Ломанць пяк отькорь, смузю. Кельгсазь иттневок. Кода директор, азан колганза аньцек шнама валхт.
В.ИВАНКИН.
 

10.04.2014 №14
 
 
 

 
НОВОСТИ
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

РЕГИОНАЛЬНАЙ ЛЬГОТАТНЕ ПЕНСИОНЕРХНЕНДИ ВАНФТОВИХТЬ

20.09.2018  № 37
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин