Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

В Правительстве РМ

АЭРОПОРТОНЬКЕ ОДКСТОПТОВИ

10 июньцта Мордовиянь Оцюнясь Владимир Волков етафтсь республикань Кудса совещания, кона лемтьфоль региональнай авиакомпаниянь тиемати и Саранскяень аэропортовай комплексть реконструкциянцты, а стане жа «Авиа Солюшенс Груп» компаниять и республикать еткса сотрудничендамань кизефкснень коряс корхтамати.
Ня кизефкснень ваномаса примасть участия РФ-нь транспортонь министрсь Александр Юрчик, Росавиациянь управлениять начальникоц Михаил Парнев, «Авиа Солюшенс Груп» компаниять руководителенза Гедиминас Жемялис и Томас Вайшвила, Государственнай транспортнай лизинговай компаниять представителенза генеральнай директорснон Сергей Храмагинонь мархта, Мордовиянь Правительствать Председателец Владимир Сушков, республикань профильнай министерствань и ведомствань руководительхне.
Саранскяйса аэропортовай комплекссь должен полафтомс сембе ширде 2018 кизонь футболть коряс Миронь чемпионатти. Кармай шумордаф самолеттнень стоянкаснон, взлетно-посадочнай полосать, аэровокзалть зданиянц реконструкцияц, одкстоптови воздушнай движениять коряс управлениясь.
Но тя тевсь мольфтеви аф аньцек чемпионатти анокламанкса. Владимир Волков мярьгсь: тяниень пингонь од аэропортовай комплекссь должен арамс фкя инь важнай пунктокс республикать экономиканц виияфтомаса, конань вельде касфтовихть инвестициятнень самасна, туризмать виияфтомац.
«Авиа Солюшенс Груп» литовскяй компаниясь, кона сяськсь Саранскяйса аэропортть виияфтомаса программать арьсеманц-тиеманц коряс конкурсса, ушедсь ни работама тянь коряс и маластонь пингть няфтьсыне комплексть виияфтоманц коряс од уровенень варианттнень.
А тя марс сотсыне лиендематнень коряс тяниень пингонь управлениянь системать, квалифицированнай пилотонь анокламать, од самолеттнень, авиаперевозкань объемтнень, авиамаршруттнень лувксснон касфтомаснон.
Мордовиянь Оцюнясь Владимир Волков, «Государственная транспортная лизинговая компания» ОАО-ть директороц Сергей Храмагин и «Авиа Солюшенс Груп» АО-ть правлениянц председателец Гедиминас Жемялис подписандазь Саранскяйса аэропортовай комплексть виияфтомань сфераса сотрудничендамать коряс протоколть.

24.06.2014 №
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин