Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

В Правительстве РМ

ЛЕЗКС ФЕДЕРАЛЬНАЙ БЮДЖЕТСТА

Ульсь Мордовия Республикань ветеце созывонь Государственнай Собраниять колмогемонце сессияц, конань работаса примасть участия Мордовия Республикань Оцюнясь В.Д.Волков, Правительствать Председателец В.Ф.Сушков.
Шинь повесткать кемокстамдонза меле депутаттне кярьмодсть кизефкснень ванондома, конада кевейхксыель. Васенцесь—«2014 кизонди и 2015 и 2016 кизотнень плановай пингснонды Мордовия Республикань республиканскяй бюджетть колга» Мордовия Республикань Законти полафтксонь сувафтомать квалма» Мордовия Республикань законть проектонц колга. Тя законопроектти полафтксонь тиемась эрявкстсь сяда меле, кода федеральнай бюджетста Мордовияв прважафтольхть дополнительнай финансовай средстват. Тя кизефксть коряс кулхцонтфоль Мордовия Республикань финансонь министрть васенце заместителец Л.В.Романенкова, кона лац-ряц пачфтсь коза и кода синь карьхцявихть.
Аварийнай эряма вастста ломаттнень лияс етафтомаса миньцонк мольфтеви оцю работа. Тя мезтьке тя целенди нолдави пцтай ниле сятт вейхксогемонь миллион цалковай. Апак юкстак и велень товаропроизводительсь. Синь ширеснон кирдемс прважави 239 миллион цалковай, Технопаркть эреклафтомс—122 миллионда лама цалковай. И, конешна, кой-кодама сумма—здравоохранениянь объектонь строямс. Кода азозе финансонь васенце министрть заместителец, республиканскяй бюджетть доходнай пяльксоц колмогемонь котува миллиард цалковай, а расходнайсь—нильгемонть малава миллиард цалковай.
Тифтольхть полафткст и коррупциять инголдамаса законопроектти. Тянь мяльс сявозь, тяни государственнай казеннай учрежденияса работникненди аш кода эсь мяльс коре водендамс тевс казнетнень, конат максфт официальнай мероприятиятнень эса.
Шинь повесткати сувафтф ряцок лия кизефкснень мархта депутаттне ванондозь и примасть решения «Мордовия Республикаса Победань Знамять копиянц использовандамаса Мордовия Республикань законопроектть колга» документть коряс кизефксть. Кулхцонтфоль депутатсь В.Зайцева.
Н.КУБАНЦЕВА.

30.06.2014 №
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин