Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Молодежный клуб

ФИННО-УГРАНЬ ЦЁРАТНЕ И СТИРЬХНЕ АНОКЛАЙХТЬ КУЛЬТУРАТНЕНЬ И КЯЛЬХНЕНЬ ВАНФТОМАСНОН КОРЯС ПРОЕКТТ

Пуромксть панжезь проектть вятиец Рику Савонен, секретарец А.К.Конюхов и Финно-угорскяй народонь культурань Поволжскяй центрать директороц Ю.А.Мишанин. Кода азфоль семинарть ушедомста, проектсь арьсеф и тевс аноклаф сянкса, штоба кемокстамс финно-угорскяй движениять мархта сотф ломаттнень еткса сотксть, тонафтомс синь национальнай эсь прянь маряманьконь касфтоманцты, кяльхнень и культуратнень ванфтомаснонды шарфтф проектонь анокламати.
Васенце шиня пуромфне кулхцондозь историческяй наукань докторть, профессорть В.К.Абрамовонь лекциянц, кона лемтьфоль мокшэрзянь общественнай организациятнень исякснонды и тячи касомань-вииямань киге молемаснонды.
Лядыкс шитнень проектонь участникне работасть колма группава—«Кяль», «СМИ» и «Менеджмент». Семинарть пингста марстонь тевонкса покодемась тиезень сембонь афкуксонь ялгакс. Фкя-фкянь мархта корхнемста содавсь, кода ащи тевсь кяльть, культурать ванфтоманц коряс лия региоттнень эса, кодама мяльхть-арьсемат тянь ширде кирдихть прясост раднянь нароттне.
Мекольце шись няфтезе, мезть лангса работасть семинарс сашендыхне, кодама межрегиональнай проектт анокласть. Нюрьхкяняста эряви пачфтемс кой-конатнень колга. «Менеджмент» группась азсь мяль анокламс тя или тона финно-угорскяй кяльса од ломаненди национальнай илань етафнемс электроннай сборник. А ушедомс тя тевсь эряви пялькстомаста, конань вельде и кочкавихть инь цебярь сценарийхне. «Юмафтф шачема-касома васта…» проектсь шарфтф сянди, штоба кочкамс этнографическяй материал масторлангста нардаф ингольдень эрямань-ащемань уженятнень квалма. Народть историянц колга сембе кочкаф содамошитне ванфтомат и макссемат поколенияста поколенияс. Пара мяльса кулхцонтфоль финно-угорскяй олимпиадань налхкоматнень ётафтомаснон коряс азф мяльсь. Ниле кизоти весть или сяда сидеста спортонь национальнай виттнень коряс пялькстоматне аф аньцек кемокстасазь финно-угорскяй нароттнень шумбрашиснон, но и виияфтсазь сотксть фкя-фкянь еткса.
Кялень группас кочкавихнень ламошкасна тонафтыхть, мезсь нльне эстокиге шарьхкодеви аноклаф проектснон ванома ширде саф ломаттнендивок. Койсост, финно-угорскяй кялень тонафтыхненди эряви интернет-сообщества, конань вельде улель ба кода явомс маштомошиса, сявомс кажнайти мезе-бди од пуромксонь, илань ётафтомс. Пара арьсемась финно-угорскяй иденди ассоциациять пуроптоманц колга, хуш тевсь тя аф теждя и веши сатомшка лама пинге. «СМИ» группать, кепотьксонди, фкя проектсна шарфтфоль открытка вельде кота минутаста кялень тонафнемати.
Семинарть омбоце пяльксоц етафтови сентябрьста Удмуртияса.
А.ВОЛГАПОВА.

30.06.2014 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин