Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

КУЛЬТУРАТЬ ВАНФТОМАЦ УШЕТКШНИ ВЕЛЕСТА

 
Заседаниять ушедомста Р.З.Аширов шарфтсь мяль Мордовияса народнай культурать кемокстаманцты, культурнай объекттнень ванфтомаснонды, библиотечнай, музейнай, выставочнай тефнень касомаснонды-вииямаснонды.
Кирдемок мяльса Культурань кизоть, Мордовияса арьсеф етафтомс 500-да лама культурно-массовай пуромкс. Етксост международнай, всероссийскяй фестивальхть, национально-фольклорнай илат, «Культурань автопоездсь» культурно-образовательнай проектсь, конатнень эзда аф ляткшнихть ширеса Мордовиянь культурань и искусствань учреждениятне. 2014 кизонь августста реконструкцияда меле панжеви С.Д.Эрьзянь лемса изобразительнай искусствань музейсь. Башка мяль шарфневи культурань объект-тнень петемаснонды.
«Пара ушетксокс миньцонк арась культурань работникнень зарплатаснон касфтомасна,—мярьгсь Р.З.Аширов.—2013 кизоня средняйсь ульсь 10810 цалковай, тяддень январьста касфтовсь 11819 цалковайти. Инь эрявикс ширекс государственнай политикаса лувондови культурать ванфтомац, касфтомац-виияфтомац велетнень эса. Содаф, што велесь—тя или тона народть кунардонь пингонь культуранц, коензон-обуцянзон ванфтысна. Ужяль, лама киза тянди ашезь шарфнев сатомшка мяль, мезсь вятсь прябалатненди: ламоц велетнень эса Культурань куттне срадома-каладома лангсот, сяс вятема работа материально-техническяй ширеть мяльс сявозь. Творческяй коллектифненди одкстоптомат сценическяй щапне-каряпне и музыкальнай инструменттне, оржаста ащи кадратнень мархта сотф кизефкссь».
Культураса сатфкснень, прябалатнень колга корхтамать поладозь Мордовия Республикань культурань и туризмань министрть заместителец С.Н.Баулина, муниципальнай райоттнень культурань управленияснон начальникснон заместительсна.
Светлана Никитовна Баулина шарфтсь мяль асу иттнень содамошиснонды лемтьф пуромксонь етафтомати, «Культурань автопоездса» 3D форматса инновационнай средствань нолдамати, тяддень кизоть культурнай наследиянь объекттнень ванфтомаснон коряс вятеви работати. Аф кунара одкстоптфоль Кадошкинскяй районца Адашева велень Троицкяй церькавсь. «Тяниень пингть культураса мольфтеви работа государственно-частнай партнерствать коряс нормативно-правовой акттнень анокламаснон коряс,—мярьгсь Светлана Никитовна,—историянь и культурань памятникнень ванфтомаснон коряс тевти частнай инвесторхнень тердемаснон и кярьмодемаснон мархта сотф кизефкссь». Культурань кадратнень квалификацияснон касфтомаснон мархта сотф прябалась, С.Н.Баулинать валонзон коряс, арьсекшневи етафтомс эряфс дополнительнай образованиянь учебно-методическяй центрать тиеманц вельде. Аньцек тядде эрявсь  тонафтомс 1153 ломань. «Культурать касфтоманц-виияманц коряс мялень кирдемати сексенда арьсеви етафтомс культурнай проектонь республиканскяй васенце форумсь,—поладозе С.Н.Баулинась.—Пара ся, што пцтай сембе райоттне кярьмодсть социокультурнай проектонь сермадомати. Тянь ширде улихть ни сатфкст. «Культурнай мозаика» Всероссийскяй пялькстомаса проектснон мархта сяськсть Дубенскяй и Большеберезниковскяй райоттне. Проекттнень эряфс етафтоманкса сяськихненди максфоль 300 тежянь цалковай».
Тиемок итокт заседанияти, Р.З.Аширов тердезень пуромфнень сявомс кепотькс Сире Теризморга велень Национальнай культурань центрать директоронц Н.М.Кадеровать эзда, кона марнек эряфонц лемдезе мокшень культурати, седикс-ваймокс работай народть эсь лацонь ширенц ванфтоманц коряс. Нят аф шава валхт. Пуромкста инголе Мордовия Республикань Госсобраниянь Социальнай политикать коряс комитетть членонза ульсть Сире Теризморгаса, ванозь эрямань-ащемань предметтнень и народнай щапнень-каряпнень коряс музейть, прикладной творчествань идень мастерскойть, «козя ломанень кудть» пирьфонц, кулхцондозь Сире Теризморга велень народнай хорть мораманц, варжазь национальнай ярхцамбяльхнень. Кассь-вииясь национальнай центрась, кода шарьхкотьфоль Н.М.Кадеровать валонзон коряс, велень культураса седикс-ваймокс, кельгозь трудяй ломаттнень вельде.
Заседаниять пингста сембе кепотьф кизефксне, прябалатне, мяльхне-арьсематне улихть пачфтьфт Мордовия Республикань Правительствав.
А.ВОЛГАПОВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022