Поиск по сайту: 
 

Архив
 декабрь 
 2018 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Ветеранам о ветеранах

ЛЯТФНЕМАТ Ю.Ф.КУЗНЕЦОВОНЬ КОЛГА

МЯЛЯФТСАСЬК, КЕЛЬГСАСЬК, ЛУВОНДСАСЬК
 
Етай эряфсь. Кизотне эрязста ласькихть фкя-фкянь мельге, бта пелихть аф кенеремс коза-бди. Вов ни пцтай колмогемонь киза, кода аш етксонк мокшень содаф писательсь Юрий Федорович Кузнецов. Тусь эряфста ефси одста, апак учентт. Мзяра тев тись творческяй эряфсонза, мзяра сермадсь и кода сермадсь! Мазыста, маштозь, лувить мяленц салсезь. И мзяра нинге тяштель! Сязевсь эрьгада пяшксе эряфоц, лядсь лама апак тик тевоц. Но и сянь коряс, мезе кадсь тейнек, писательть мяляфтсазь, кельгсазь, лувондсазь и лятфнесазь.
 
Лятфнесазь фалу цебярь валса ялганза, содаф ломаненза, раднянза. Тяфта тевсь ащи Рузаевскяй райононь Мокшень Пишля велеса, коса Юрий Федорович шачсь-кассь, тонафнесь школаса. Тоста сявфоль служама армияв, а мрдамда меле кармась тонафнема Мордовскяй государственнай университетть филологическяй факультетсонза. Эвондасть «Мокша» журналса васенце публикациянза: «Лена», «Телеграмма», лия азксонза. Синь арасть эсь лацонь ушетксокс писательть творчестваса. Тя тяда меле ни лиссть «Сексень пизелхт», «Ожудова, вишке коволхт», «И снова лето», «Полдень» книганза, конат пяшксет авторонь мяльда-арьсемада. Пцтай сембе синь улихть Мокшень Пишля велень школьнай библиотекаса, изданиятнень лама киза мельцек нолясазь тевс тостонь педагокне урокненди анокламста.
Ужяль, но ашезь ванфтов писательть шачема кудоц. Лама кизода инголе ульсть мяльхть панжемс эсонза Ю.Ф.Кузнецовонди лемтьф музей, но... Ащесь кудсь Пишля ляйть берякса, шуфттнень потмоса, бта ефксса. Нинге шабакс сай пингонь писательсь сидеста яксесь шада веттнень ванома, мялезонза тушендсь тястонь перьфпяльсь, конань мазышинц меле няфнезе произведениянзон эса. Тяни ся вастса касыхть ломанень сереса палакст и кумбарафт. Виде, ульсть стама ломатть, конат ашесть аще озадонь седихть мокшень литературань классикть творчестванцты.
Лама кизода инголе Рузаевкаста Мокшень Пишляв саф рузонь кялень и литературань учительсь Зинаида Алексеевна Павлова виень аф ужяльдезь кярьмодсь школаса писательть колга лятфнембялень уженянь аноклама. Улема, Шкайсь лездсь теенза—Зинаида Алексеевна школаса пуроптсь емла музей, коза кочказень писательть книганзон, фотографиянзон, документонзон. Ширде ванозь тя тевсь ефси аф стака, но Зинаида Алексеевна эста макссь тя тевти вете кизот. Ламоксть якась Саранскяи, васьфнесь писательть ялганзон, раднянзон, содафонзон мархта, кочксесь эрявикс материалхт. Лиякс мярьгомс, тись оцюдонга-оцю тев.
1996 кизоня, мзярда писательть шачема шистонза топодсь 60 киза, велеса етафтфоль оцю ила. Эста сашендсть инжихть Саранскяйста: писательсь и поэтсь И.М.Девин, писательсь А.П.Тяпаев, Ю.Ф.Кузнецовонь рьвац, стирец и лия ломатть. Ужяль, но эста ашель шиса ни Юрий Федоровичень тядяц.
Сяда ингольдень кизотнень школаса работась краеведческяй кружок, коса тонафневсь писательть эряфоц. Оцю мяль шарфневсь творчестванцты аф аньцек программатнень коряс, но и факультативса, внекласснай часттнень пингста. Етафневсть беседат, литературнай диспутт, викторинат.
Несколька кизода инголе Мокшень Пишля вели сашендсть республикань содаф поэттне и писательхне. Туфталсь тянди тяфтамоль: средняй общеобразовательнай школать стенас повфтафоль доска сянь колга, што тя школаса тонафнесь Ю.Ф.Кузнецов. Тя доскась тянивок нюрьги инь няевикс вастса.
Велеса эряйхть ломатть, конат пяк лац содалезь мокшень литературань классикть. Валснон коряс, тяфтама аляста и тядяста, кодамкс ульсть Юрий Федоровичень шачфтыенза-касфтыенза, кальдяв ломань афоль шаче. Церашабась аф пяк корхтафкшуволь, нинге васенце класста сявомок няфтезе прянц кода машты ученик, сявондсь «ветет», пяк кельгозе лувондоманц. Меле тя сембось лездсь теенза университетса, коза сон мольсь сембе ширде аноклафста, содалезень мокшень, рузонь, эрзянь литературать, кяльть.
Юрий Федоровичень пяк кельгозь ялганза и эздост ламоль. Эста Мокшень Пишляв автобуст ашесть яка, сяс студенттне недялять шумордамда меле куду сашендсть пригороднай поездса, а меле вирень и паксянь туркс ялга. Ламоксть Юрий Федорович куду усксесь инжихть. И аф оцю куднясост васта мушендовсь сембонди. Тядяц, Наталья Михайловна, фалу лямбоста каванялезень ширезонза сайхнень. Эста синь нинге ашезь сода, што инжикс яксесть сай пингонь писательть шири. Ужяль, ашезь ванфтов писательть кудонц юрхта вастоцка, аш мезе няфтемс тяниень пингонь эряйхненди, вели сайхненди.
Аф кунара тейне савсь улемс Мокшень Пишляса, коса савсь корхнемс тостонь эряень мархта, кона эняльдсь лятфтамс мокшень классикть лемонц «Мокшень правда» газетаса. Сон, кле, гордостеньке. Газетать тячиень номерсонза минь тянь тисаськ. Арьсетяма, тя материалсь лезды колганза лятфнембяльть ванфтомаса.
 
Т.ВЛАДИМИРОВА.
 
 
ШУМБРАТ, УЛЬЦЯЗЕ!
Велеса сембе ульцятне пцтай фкя лацот: Од курнясь, Оцю велесь, Емла веленясь, Кячказ курнясь, Кочетовкась… И мон нинге и нинге весть кизефнеса прязень: мес тяшкава еран азондомс эсь ульцязень квалма? Бта мезевок интереснай эсонза аш: оцю кить эзда, куване етнихть машинатне, ащи сон ширеса. Школась, библиотекась и магазинць—Оцю велень площадьсот. Клубське аф минь курнясонк, а седть ваксса, коза прайхть китне сембе ульцятнень эзда, штоба сяда тов келиста ни таргавомс ошу.
Но азосте, кинь седиец аф тотназеви идькс пингонь ульцянц лятфтамста. Сон ломанти инь питнись, инь мазысь. Тя ульцяса тон васенцеда маряйть шить лямбонц и няить менельть сенемонц; тя сон, тонь ульцяце, анокланзе-прданзе, лихтензе ломань еткс. И, кода тядя, васенцекс васьфнензе странаста самста, срафнезе инголет пиже нарнянц или ацсезе ляпе ловняса кицень.
Тяста ушеткшнесь тонь Родинаце.

…Емлакс пингста кодама заботат? Емлакс пингста ушесь улеза мани да сяда кржаксть карнеледязь. Ванка, мзяра интереснайда ульцяса! Менельсь сери-сери и эзганза кати-ков уихть акша коволхне. Ков, шта? Кода тянь содамс?
Ванат-ванат, коволхнень аш  песновок. Аньцек ичкозе-ичкозе синь валгондыхть пяк алу, видеста модать лангс и шаштыхть, шаштыхть…
Идькс пингста кодама ризф? Аньцек нолдаледязь налхксема морафтома кудть ваксс.
Тя кудса инголи эрсекшнесть «велень батюшкатне», сяс ульцятьке лемонц мзярда-бди путозь тянь коряс—Поп курня.

Революцияда меле сон арась Советскяйкс.
Маень и Октябрень шитнень тияне етнесть демонстрацият. (Ся пинкнень велесовок улендсть демонстрацият).
Ломаттне мольсть Советскяй ульцява, етнезь седть и куцендсть Оцю велень площадти, коса сельсоветть ваксс тифоль  шуфтонь трибуна. Трибунаста азонкшнесть речт. Мировой революциять кувалма валхне кайгсть площадть вельхксса.
А ся ширеса, коза вятсь ульцятнень пачк етни кись, тустомкшнесть туцятне. Синь ефси люпшневсть модати. Кизонь фкя шиня минь кармаме содамонза, коза вяти тя кись. Сон вятсь войнав.
Тя киге тушендсть алятне фронту. Топольть ала тяряфнесь весялготкшнемс гармошкась, но вайгяленц паннезь авань ольксематне. Алятне аськолясть киге канксснон мархта, кяшендевсть Иван ляйнянь лоткти и куцендсть Курган пряти. Но тоза ни ашесть пачкотькшне вайгяльхне.
А ульцяньке эрясь. Весялготкшнесь аф оцю кенярдематненди, ученкшнесь фронтста кулят. Станяк етнесь вальмалга кузнецсь Бакаев атя—шабатнень кельгома ломаньцна. Крьвяснезе кузенцяса горнать, тонгондсь тоза эжема кшни пакшт. Сонь молатканц алда лисендсть поткафт, болтт, заклепкат. Улема, велень фкявок церокш аф юкстасы кузенцяста каменнай уголень сяпиза шиненять и кшнинь пульть шапамаза таньфонц.
Аф весть лопаякшнесь и меки галошкоткшнесь ульцять песа топольсь. Пингсь мзярдонга аф лоткафнесы молеманц. Эрясь ульцяньке, тиендезень эсь тевонзон, прважакшнезень фронту алянзон-солдатонзон, учендозень меки мрдамаснон.

Сентябрень шобдаваня кайгондсть весяла вайгяльхне школав вяти кить лангса; свадьбатка улендсть мазы сексеня—эряфсь фалу сонцень содай.
А нинге фкя тунданя тага пуромсть марс ульцястонк ломаттне, пуромсть однек-сиренек, тусть седть ланга велень Советть шири, конань ваксса ащесь сери трибунась. Весяласта морась гармошкась и трибунаста азондсть речт. Ломаттнень вельхксса либордсть флакне, сембе пеедсть, ашкорясть фкя-фкянь.
Победа!
Кить сенем волнанза меки кармасть пачфнемост алятнень-солдаттнень куду, меки валдашкодсь менельсь и эзганза запад шири тусть уема акша коволхт. Минь лац содаськ тяни, коза синь уихть. Синь пачфнихть шачема крайса кулят сятненди, кит мадсть вечна удома Европань паксятненди, и туцятне эсь цильфсост кородсазь синь удомаснон. Синь азыхть латта Чадань Федорти, Васька ялгазень алянцты, што церац кассь-кеподсь и аф верондай алянц куломанцты; коволхне эсь цильфснон мархта етайхть сядот лия калмотнень вельхкска, пачфтихть эшкскя шачема крайста…

Тага шерьфнесазь топольть лопанзон кизотне-пинкне. Лия ломатть вятнесь ульцязе содаф кити. Тияне минь тушендоме тонафнема, армияв служама. Ингольдень солдаттнень церасна синць ни арсесть солдатокс…
И ульцяське кассь мархтонк, мазолготкшнесь, одкстомкшнесь. Од кутт эвондасть эсонза, од шабат шачсть ся куттнень эса. Павазу кизот лийкснихть синь вельхкскаст, павазу кит учендсазь эряфса.
Машинань увф тяни монь ульцясон. Сире кузенцяське работай электричестваса.
Етат тя вастова и, тейть-арам, тонцьке одкстомоть.
…Шумбрат, од ульця!
 
Ю.КУЗНЕЦОВ.

13.08.2009 №31
 
 
 

 
НОВОСТИ
 
 

Единороссы Мордовии направили свои предложения для работы на предстоящем Съезде Партии

Обсуждение предложений, направленных на совершенствование основных принципов работы  партии  и повышении ее роли в современном обществе, прошло в ходе  региональной  партийной  дискуссии «Обновление -2018»,   которая состоялась 16 ноября в Саранске. Дискуссия  объединила   четыре  тематических блока,  касающихся обновления партии и создания эффективной политической организации; повышения коммуникаций и  взаимодействия с общественными институтами; технологических подходов в избирательных кампаниях и в межпартийной конкуренции; реальных  дел в решении проблем  конкретных людей  и  развития   всех сфер жизни общества. Итогом  стало пленарное заседание, в ходе которого была обобщена работа дискуссионных площадок  и рассмотрены наиболее интересные предложения, прозвучавшие в ходе обсуждений.  Лучшие из них  направлены   Региональным  отделением   «Единой  России»  в   Центральный исполнительный комитет Партии для обсуждения  во время работы    площадок первого дня Съезда Партии.  В ходе  региональной дискуссии был представлен широкий спектр мнений  по  вопросам, касающимся  сохранения  доверия к партии избирателей и повышения эффективности работы партийных структур.

 

20.11.2018
 
 
 
 
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин