Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«КОЙ» ЭТНОШКОЛА» МЕЖРЕГИОНАЛЬНАЙ ПРОЕКТСЬ ТАТАРСТАНЦА

Тянивок, 1 октябрьста, республикастонк аф оцю делегациясь якась Татарстан Республикань Тетюшскяй району. Пуромкссь етафтфоль Киртели велень школаса. Мордовияста инжихнень еткс сувсесть «Кой» этношкола» проектть вятиец Р.Б.Щанкина, Финно-угорскяй народонь культурань Поволжскяй центрать координатороц Т.Т.Чекушова, М.Е.Евсевьевонь лемса Мордовскяй государственнай педагогическяй институтонь и Н.П.Огаревонь лемса Мордовскяй государственнай университетонь преподавательхть и Саранскяень 33№ школань мокшень кялень учительсь А.И.Ануфриева. Сафнень васьфтезень Киртелинь и маластонь мокшень велень школатнень коллективсна и тонафнисна.
Пуромксть ушедозе Тетюшскяй райононь мордовскяй национально-культурнай автономиять вятиец С.Ф.Сюмбаев. Сон макссь вал Р.Б.Щанкинати. Раиса Борисовна пачфтсь «Кой» этношкола» проектть колга: кие сонь арьсезе и кода ушедсть етафтомонза сонь эряфс. Мордовиянь райоттнень и лия региононь школаса тонафнихнень мархта васедематне няфтезь, што проектсь арьсефоль аф стак. Видесонза етафтови мастер-класснень эса оцю мяльса примсихть участия кода учительхне, стане и ученикне, синь сявондихть эстеест мезе-бди одня. Лия региононь ломаттне лац васьфнесазь Мордовияста инжихнень. Пара, мес ширеса эряй мокшэрзятне кельгсазь эсь юрснон, кяльснон, культураснон и кирдихть кеме соткст минь республиканьконь мархта. Пара кепотьксокс Раиса Борисовна Щанкина азозе эрзянь семьять, кона нльне Австралияса эрямста аф юкснесы шачема кяленц.
Татьяна Тимофеевна Чекушова азондсь делегациянь эрь представительть колга, кие мезьса сотозе эряфонц и кодапт сатфксонза кочкаф тевса. Сяльде Финно-угорскяй народонь культурань Поволжскяй центрань работникне макссть казнет и Благодарностть Тетюшскяй райононь школань учительхненди и библиотекарьхненди, конат заняфт мокшэрзянь культурать и кяльхнень ванфтомаса и иттненди сонь тонафтомаса. Татьяна Тимофеевна шарфтозень пуромфнень мяльснон Мордовиянь высшай учебнай заведениятнень лангс. Тоса, кле, кочкси содамошит ширде саф лама ломаньда. Теест аноклафт эрямань и тонафнемань цебярь условият. Лятфтафоль, што Р.Б.Щанкина—«Ламзурь» фольклорно-этнографическяй ансамбльть вятиец. Раиса Борисовна кеняртьфтезень сафнень кувака мокшень сире мороса. Морась и МГПИ-нь преподавательсь А.Н.Клокова. Л.Н.Березина азондсь Н.П.Огаревонь лемса МГУ-нь Национальнай культурань институтть квалма. Шабатне содасть, кодама направлениятнень эзга тоса моли тонафнемась. ИНК-нь студент-тне примсихть участия республиканскяй и международнай конкурсса. Мокшэрзянь культурась, валонзон коряс, аф юмси, тя няеви, кепотьксонди, «Шумбрат, Мордовия!» и «Кштима» фестивальхнень эзда.
Тонафнихне и учительсна явовсть классова. Финцне тусть мастер-классонь ванома А.И.Ануфриевать мархта мокшень кялень урокс. Шабатне мяль вельде отвечасть Анна Ивановнань кизефксонзон лангс и содазь марнек кроссвордть, конань аноклазе теест од учительсь. А.И.Ануфриева виденцясь: сон ашезь надия, што татарстанонь иттне тяфтама лац содасазь мокшень кяльть, мархтост теенза ульсь пяк теждя. Лия кабинетса шабатне пуромсть лия тевонкса: синь ванцть, кода С.С.Борисова сёвоньцта тись сяканят. Иттне дивандасть: нюрьхкяня пингста ИНК-нь преподавательть машты кядензон алда лисендсть мялень салай кукшеннят, шаванят. С.С.Борисова, тевонц апак катт, азондсь теест сёвонень сяканятнень цебярьшиснон квалма, и кода маштозь тиема тя паршись.
Л.А.Березина етафтсь мастер-класс хореографиять коряс. Учительхне и ученикне содасть мокшэрзятнень кштимаснон эсь лацонь ширеснон колга. Синь тонафнезь эрь движениять. Кштимась, морамась, народнай инструментса налхкомась—сембось тя ульсь мастер-класса, конань етафтозе А.Н.Клокова. Од преподавательть кеподсь мялец, мзярда няезе, што иттне содасазь кой-кона мокшэрзянь моротнень.
Киртели велень поселениянь администрациять оцюняц И.С. Никушин азондозе, што сембе велетне, конат сувсихть поселенияти, мокшеннет. Эсост мольфтеви мокшень кяльть тонафнемац. Шабатне нинге емлакс пингста ушедыхть корхтама мокшекс. Синь примсихть участия мокшень кяльть коряс олимпиадатнень эса и сатнихть призовой вастт. А тяфтама пуромксне сядонга кемокстасазь Мордовиянь и Татарстанонь мокшэрзятнень еткса соткснень.
                                                                                                                                               И.ПЯТИНА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022