Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Молодежный клуб

ОД ТЕХНОЛОГИЯНЬ САТФКСНЕ—ТОНАФНЕМАСА

Цифровой ручка
Цифровой ручкась—тя инь цебярь казнесь студентти. Эсонза ули видеокамера, микрофон и нльне дисплей. Сермадат лекция, а ручкась ванфтсы тяштьфть колма видса: информациясь ляды блокнотса, компьютерса и аудиозаписьса. Ужяль, но сканерти, кона ули ручкаса, аф няеви кагод лангса черниласа серматфсь, сяс комплектти сувси специальнай блокнот А4 форматса. Эсонза лувондови 100 лист, синь сатыхть ламос. Ручкать лангса пцтай аш кнопкат, сембе функциятне пуроптфт кагодть лангса, коза сермадови лекциясь. Тяда башка, тя инь удалаф шпаргалка, конань колга нинге аф содайхть преподавательхне.
Зепса канневи принтер
Тя принтерсь теждяста тяльги фкя кядьс. Сон арьсеф, штоба печатламс iPhone-цта или Android-ста, компьютерста и лия устройстваста. Емла принтерсь мишендеви специальнай Интернет-адаптер мархта. Штоба печатламс, сувама телефонцта или компьютерста сайтти и кучема тоза эрявикс материалхнень—графическяй или текстовай файлатнень. Тяда меле Интернет-адаптерсь прважасыне даннайхнень принтерти. Тя устройствась пяк эрявксни, мзярда вишкста печатламат кизефксне зачетти, научнай терминць или шпаргалкась. Кагодть келец-кувалмоц кассовай чекть лаца. Аккумулятороц аш, сяс розеткать эзда ичкозе нолямс тевс гаджетть аф лиси.
Мышь-сканер
Китайса арьсефоль сканер мархта USB-мышь. Няемас коре сон тяфтама жа, кода и обычнай компьютернай мышсь, но колма кнопкада башка, сонь ули нилецец, конань вельде етафтови сканированиясь. Устройствась машты вишкста газетань, учебниконь, снимкань электроннай вариантонь тиема, а тяда башка, прважсесы серматфть текстовай редакторс и етафнесы информациять 64 кяльста. Снимкатне ванфтовихть сембонди содаф форматса. Гаджетти вийс коре кучемс сканировандаф фототнень или тексттнень социальнай сетьс.
Флешка
USB-флешкатнень нолясазь тевс, штоба етафтомс файлатнень фкя компьютерста омбоцети. Компьютерфтома, планшетфтома, смартфонфтома синь аф работавихть. Но вдь уленди стане, што эряви полафтомс информацияса, но кядяла аш эрявикс устройства. Тя пингть лезды U Transfer флешкась. Фкя ширесонза   USB-штекер, а омбоцеса—разъем, конань вельде флешкатне сотовихть фкя-фкянь мархта. Флешкаса ули сенсорнай дисплей, штоба кочксемс эрявикс папкатнень. Устройствать ули емла аккумулятороц.
Персональнай монитор
Устройстваса ниле датчикт, конат ункстасазь температурать, влажностть, электромагнитнай полятнень, радиациянь уровенть и химическяй  компоненттнень. Гаджетть эряви сотомс iPhone-ть мархта, лия процессорхт и мониторхт аф эрявкстыхть. Пуроптф шиньберьф информациять устройствась няфтьсы график вельде. Персональнай мониторсь ладяй сятненди, кие ваны шумбрашинц мельге и кие заняф естественнай наукаса.
                                                                                                             Материалть аноклазе Л.Резова.

13.10.2014 №
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин