Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Молодежный клуб

Колаф эряф

Польшаса 23 кизоса банконь сотрудниксь Адам максозень судс родителензон сянкса, што синь «гастязь эряфонц».
«Весть тядязе сявозе кияксонь штамань нулать, колмоксть сельгсь лангозонза, вачкодемань шама ланга и мярьгсь: «Кда сайхть уксолматне, кда сяряди пекце, то сельмодедязь, сяс мес тон кемонь кизоса цебярь церанят. Мон нуласа сельмодемать валхтса»,—лятфтазе церась тядянц валонзон.
Пикссемда меле идти ашесть мярьге штамс: тядяц юватькшнесь, што эста сельмодемась ляды и теенза тага сави кярьмодемс начка нулати.
Поляксь азондозе, што родителенза пяк ванфтсть ярмакт. Ужяльхтельхть карьхцямс кода щамонь-карямонь рамамс, стане и шумбрашить петемс. Тя вятезе церать депрессиятненди, седиень урмати,  мянь кафксть  тяряфнесь тумс эряфста.
Церась сембе ня муцсематнень инкса вешсь родителензон кядьста 2 миллионда лама цалковай. Но Адам ашезь лятфта и вов мезть колга:  што тядянзон-алянзон ярмакснон лангс сон получась кафта высшай образованият и тяни работай швейцарскяй банконь филиалса. Емла  брадоц и сазороц ашесть поступав вузу, сяс мес сембось тусь оцю цераснон тонафнемс и щаманцты-андоманцты.
«Арьсян, што видешись лиси лангу,—мярьгсь Адамонь тядяц.—Сембонь ули кяжсна. Кда судсь арай ширезонза, то Польшаса тяфтама тевда ули пяк лама. И эста кирдеда, тядят-алят!».

13.10.2014 №
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин