Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

В Госсобрании РМ

МАРСТОНЬ ВИЙСА КАСФТОМС ШИРЕЗОНК ТОНАФНЕМА САЙ СТИРЬХНЕНЬ И ЦЁРАТНЕНЬ ЛУВКССНОН

Корхтамась мольфтевсь Мордовия Республикав высшай и средняй профессиональнай образованиянь получама Российскяй Федерациянь лия региоттнень эзда школань шумордайхнень тердемаснон квалма.
Кода азозе Мордовия Республикань национальнай политикать коряс министрсь Анатолий Михайлович Чушкин, рабочай группась пуромсь Мокшэрзянь народть VI съездтонза инголе, кона пуроптсыне Мордовияв мокшэрзятнень марнек Россияста. Пингстонза вановихть тячиень шинь инь эрявикс кизефксне, васенце вастса, шарьхкотьф, мокшень и эрзянь кяльхнень ванфтомасна.
А.М.Чушкин корхтась сянь колга, што мокшэрзянь масторсь мекольдень кизотнень полафтсь цебярь шири: тевс нолявихть тяниень пингонь од технологиятне, Саранскяйсь салси мяль мазышинц мархта, строяфт од объектт. Стаки вятеви тевсь лия регионцта тонафнема сайхнень лувксснон касфтоманц коряс.
Тянди эсь информациясонза мяль шарфтсь Финно-угорскяй народонь культурань Поволжскяй центрать директороц Юрий Александрович Мишанин, а стане жа сон азондсь пуромфненди «Кой» Этношкола» культурно-просветительскяй и образовательнай проектть эряфс етафтоманц колга: кода Мордовияса, стане и лия региоттнень эса улендихть мастер-класст, казендевихть аудио- и видеоматериалхт, мокшень и эрзянь кяльхнень тонафнемаснон коряс грамматическяй таблицат, календарьхть, валкст, валкскат, фонохрестоматият, мокшэрзянь писательхнень портретсна, аудиокнигат, мора мархта дискт и лама мезе лия.
Касы ширезонк экскурсияс сашендыхнень лувкссна. Вов и аф кунара Саранскяйса ульсть инжихть Самарскяй областьста.
Мордовия Республикань национальнай политикать коряс министрть Анатолий Михайлович Чушкинонь и Финно-угорскяй народонь культурань Поволжскяй центрать директоронц Юрий Александрович Мишанинонь информациядост меле, рабочай группась сась мяльс, што 2014 кизоня республиканскяй власттне, Финно-угорскяй народонь культурань Поволжскяй центрась, вузонь ректорхне, средняй профессиональнай образованиянь организациянь директорхне лама работасть странань лия региоттнень эзда школань шумордайхнень, синь тядяснон-аляснон, педагогснон и национально-культурнай автономиятнень мархта. Тяфта тевсь ульсь и тоса, коса эряйхть мокшет и эрзят. Тифоль тя сянкса, штоба республиканьконь тонафнема вастонди кочкалезь ширдень стирьхне и цератне. Тядде Мордовиянь высшай и средняй профессиональнай образованиянь заведениятнень васенце курсс поступась 1296 студент Россиянь 53 региоттнень эзда, тяконь лувксса Нижегородскяй областьста—341, Пензенскяй областьста—249, Ульяновскяй областьста—229 ломань.
Н.П.Огаревонь лемса Мордовскяй государственнай университету сявфоль тонафнема 635, М.Е.Евсевьевонь лемса Мордовскяй государственнай педагогическяй институту—306 ломань. Ламотне тонафнема вастонди кочказь Саранск ошень Медицинскяй, Электромеханическяй колледшнень. Сяда содафокс арасть Сиволень и лофцонь промышленностень Торбеевань колледжсь, Кемлянь аграрнай колледжсь, А.П.Байкузовонь лемса Рузаевкань железнодорожно-промышленнай техникумсь.
—Тейнек ули мезенкса марямс гордость, республиканьке цебярь тевонзон инкса содаф марнек Россияса. Миньцонк ладязь, фкя-фкянди лездозь, шарьхкодезь эряйхть лама нациянь ломатть. Тянь пачфнема Мордовияса тонафни ширдень студенттненди, штоба синь образованиять получамдонза меле афольхть тушенда, а лядондольхть эряма и работама республиказонк,—мярьгсь Рафаиль Закиевич Аширов.
Заседанияса корхтасть высшай и средняй профессиональнай образованиянь заведениятнень представительсна. Синь шназь профориентационнай тевть, кона ладяф и мольфтеви миньцонк мекольдень кизотнень. Башка васта тя тевса, кле, занцихть кода синць студенттне, стане и сят, кит шумордазь ни тонафнемаснон и тяни работайхть лия региоттнень эса учителькс, завучекс, школань директоркс.
Сяльде Мордовия Республикань Демографическяй и миграционнай политикать коряс Координационнай советть рабочай группац примась решения и макссь эрявикс рекомендацият. Синь пяшкодемаснон мельге кармай ванома республикань национальнай политикать коряс министрсь, Координационнай советть секретарец Анатолий Михайлович Чушкин.
                                                                                                                                      Т.АЛЬШИНА.

17.10.2014 №
 
 
 

 
НОВОСТИ
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

РЕГИОНАЛЬНАЙ ЛЬГОТАТНЕ ПЕНСИОНЕРХНЕНДИ ВАНФТОВИХТЬ

20.09.2018  № 37
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин