Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Мокшане о мокшанах

СОЦИАЛЬНАЙ СЕТЬСА КОРХНИХТЬ МОКШЕКС

Кепси мяль ся, што мекольдень пингть тяфтама группат кармасть эвондакшнема мокшень кяльса. Мекольцетнень эзда «ВКонтакте» социальнай сетьса инь лама ломанень пуроптыкс, кда аф эльбятькшнян, арась «Типичнай мокша» группась. Подписчикнень лувкссна тоса ётась кафкса тёжянть вельф. Ётксост кода од, стане и сяда эряфкшу ломатть аф аньцек Мордовияста, но и Россиянь ламоц региоттнень эзда, омба масторстовок—Белоруссияста, Украинаста, Казахстанцта, Эстонияста, Финляндияста… И нят вдь аф най мокшет. «Типичнай мокша» группась арась мялень салайкс лия национальностень ломаттнендивок.
Группать аноклаец—мокшень стирсь Алёна Фролкина. Теенза лезни Алексей Перякин. Шачемас коре Алёна Краснослободскяй райононь Колапа мокшень велеста. Школанц аделамда меле тонафнесь бухгалтеркс Саранскяень кооперативнай институтса средняй профессиональнай образованиять коряс, тяни тонафни тоса заочна и работай Москувонь фкя компанияса экспертокс. Стирсь идькс пингстокиге кельгсы шачема-касома кяленц, таколды ванфтоманц инкса. Ширеса эрямста кельгомац сядовок вииякшни. Колсеви Алёнань мялец, мзярда мокша ломаттне эсь ётковаст корхтайхть рузкс, виздьсазь кяльснон.
«Типичнай мокша» группась эвондась 2011 кизоня. «Лама няендень интернетса «типичнай» вал мархта группада,—мярьгсь Алёна.—Мокшетнень колга тяфтама аш. Арьсень, а мес аф тиемс?,—Сувань Алексей Перякинонь лопанязонза, ванан, мялень салай картинкат, пяк ладяйхть... Тяфта сембось и ушедсь».
А.Фролкинать валонзон коряс, васенда группав тердезень велень ялганзон. Курок «Типичнай мокшеть» колга кармасть содама лиятне и ся, кинь мялецоль, «сёрматфтозе» лопанять.
Группав сувайти ули кода ваномс мялень салай картинкат, конатненди тяштькст пцтай фалу макссевихть мокшекс. Сидеста лопанять аноклаенза путнихть тоза национальнай морот, видеозаписть. Кой-кит азондсазь колгаст эсь мяльснон, макссихть кизефкст … Сёрматфть ламошкац—мокшень кяльса. Кой-коста лопаняса улендихть кизефкст, кепотьксонди, кода мокшекс ётафтови тя или тона валсь, валрисьмось. Ванат, эстокиге мушендовихть лездыхть тя тевса. 
Аф пяк кунара «Типичнай мокшеса» васьфтень тяфтама сёрматф: «Шумбратада! Кода-бди апак фатяк сувань группазонт. Аф верондатада, ваныне, кулхцондыне моротнень и аварьгодонь… Ламоц мокшень, эрзянь велетне сратфт Россиять келес и аф содайхть фкя-фкянь улемать колга. Вов и лисенди, эрь велеса корхтайхть эсь лацост, валхнень пялесна юкставсть. Эрян Самарскяй областьса Самарскяй Лукать видеса. Тоса мокшень колма велет, но соткст ётксост аш. Маласот Жигулёвск, Тольятти, Сызрань, Самара ошне. Тушендсть ломаттне лия вастова эряма, кяльть юкстазь. Велетнень эса куттнень дачанди рамсезь. Кепотьксонди, велезонк лама ломань сась Средняй Азияста. Минценнетне ошсот, лиссь ассимиляция, сембе, аш нациясь. Иденьке шарьхкодихть мокшекс, но аф корхтайхть. Тядязе аф кунара кулось, ну и сембе, корхтамс аш кинь мархта… Мялезе шнамс тинь, группась оцю, мокшетне саворне пуромкшнихть. Азса эсь мялезень: пара улель, кда лопаняса эвондальхть пялькст, хуш Россиянь региоттнень коряс, коста ломаттне мушендолезь землякснон и «корхнельхть» фкя-фкянь мархта. Кизефнемс, кие коста. И сёрмадомс группать лемс, кепотьксонди, «Мордовиясь и аф аньцек». Ванондыне мокшень группатнень, и башкирскяйхть, и алтайскяйхть, и самарскяйхть улихть, а тяса улель кода пуромомс сембонди марс, корхнемс фкя-фкянь мархта, кяльть лятфтамс. А стак, аньцек шнамс эряфтада сянкса, што тиеде тяфтама группа!».
Ламотне сёрматкшнихть Алёнанди, азондыхть сюконямань валхт «Типичнай мокша» группать инкса. Арьсетяма, лопанясь сяда товга поладсы тевонц мокшетнень марс пуроптомасост. Пади, сявихть кой-кит кепотькс Алёнань эзда и маластонь пингть кеняртьфтьсазь мокшетнень мялень салай од лопаняса.
                                                                                                                                    А.МАКСИМОВА.  

12.11.2014 №
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин