Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Как жили и живут мокшане

«ЯЛГАКСШИНЬ СОТКСНЕ КОЛЬ КЕМОКСНИХТЬ»

—Эряфонь кувака ки етань. И тя пингста савсть няемс и войнань, и войнада мельдень стакадонга стака кизотне. Ся пингсь, виденц азомс, теждякс ашезь уле киндинге. Катк тяфта, но ломаттне, да вдь разнай нациянь ломаттне эрясть ладязь. Эста нинге, Октябрьскяй революцияда меле, Мордовиять колга содасть кржа. Ульсь пинге, мзярда республиканьке повфоль афкуксонь прябалас. И кие содасы, кода ладяволь республиканьконь сяда товолдонь эряфоц, кда Оцюнякс афоль кочкав мокшэрзянь афкуксонь патриотсь Николай Иванович Меркушкин. Тяни сонь кистонза шири аф тушендозь мольфтьсы тевть республикань тяниень Оцюнясь Владимир Дмитриевич Волков.
Н.И.Меркушкин Самараса Губернаторонь вастсовок сатни оцю сатфкст. Аф стак аф кунардонь кочкаматнень пингста Николай Ивановичень кандидатуранц инкса максозь Самарань эряйхнень 91-да лама процентсна. Гордость марятама минцень мокшень цераньконь инкса.
Республикань руководствась васендакиге шарфни мяль радня нароттнень еткса соткснень кемокстамаснонды. Етафневихть разнай фестивальхть-месть, оцю пуромкст. Лама тиендеви кяленьконь, культураньконь, коеньконь-обуцяньконь ванфтоманкса. Мекольдень пингть няевиста кассь народоньконь самосознанияц. Пара мялезт, мзярда ошень ульцятнень эзга етамста, общественнай транспортса ардомста кулят мокшэрзянь кяльса корхтайхть. Оцюфт сатфксоньке спортсовок.
Аф кунара ётась оцю пуромкс. Тя Мокшэрзянь народть VI-це съездоц. Марс пуромкшнесть республикань и лия региононь мокшетне и эрзятне. Марса арьсезь оржа проблематнень решандамаснон, кода сяда тов ванфтомс минценнеть, роднойть, инь маластоннеть.
Вов тяфта эрь тевса-заботаса эряйхть мокшэрзятне. Эряйхть инголи ванозь, инголи аськолязь.

24.11.2014 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин