Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

В Правительстве РМ

ВАНФТ РУЗОНЬ ПРАВОСЛАВНАЙ ЦЕРЬКАВТЬ И ГОСУДАРСТВЕННАЙ ВЛАСТЕНЬ ОРГАТТНЕНЬ ЁТКСА МАРСТОНЬ РАБОТАТЬ КОРЯС КИЗЕФКСНЕ

 
Пуромксса примасть участия Мордовия Республикань Оцюнясь Владимир Дмитриевич Волков, Санкт-Петербургскяй и Ладожскяй митрополитсь, Московскяй Патриархиять тевонзон Управляющайсна Варсонофий, Российскяй Федерациянь Общественнай палатань членць, Церькавть и обществать еткса взаимоотношениятнень коряс Синодальнай отделть председателец, протоиерейсь Всеволод Чаплин, Приволжскяй федеральнай округонь епархиянь и митрополиянь оцюнятне, лиятне. Васедемась етась Москувонь и сембе Русень Патриархть Кириллонь мархта согласованияс коре. Совещанияса участникне ванозь ся ширетнень, конат сотфт од ломаттнень образованияснон и воспитандамаснон, общественнай и социальнай политикань проекттнень эряфс етафтомаснон мархта.
Приволжскяй федеральнай округса Российскяй Федерациянь Президентть полномочнай представителец Михаил Викторович Бабич азозе, што Координационнай тя совещаниясь етай васенцеда, а сяда тов тяфтама пуромкст кармайхть улендема кафтошкаксть кизоти.
Совещаниянь участникне шарфтсть мяль сянди, што Приволжскяй федеральнай округонь региоттнень эса церькавсь и властьса ащихне ладясть фкя-фкянь мархта кеме соткст. Михаил Викторович Бабич кемокстазе тянь примерса. Нижняй Новгородса панчфоль святой благовернай князть Александр Невскяень лемса православнай гимназия, а видесонза—православнай гимназиянь окружной методическяй центрась. Приволжскяй федеральнай округонь общеобразовательнай школатнень эса тевс нолявихть «Православнай культурань основатне». Тяддень тонафнема кизоня «Религиознай культуратнень и светскяй этикань основатне» курсть эзда православиять кочказь Приволжьянь школьникнень колмоце пялькссна. Православнай теолокт аноклавихть Приволжскяй федеральнай округонь кафкса высшай учебнай заведениятнень эса.
Михаил Викторович Бабичень валонзон коряс, Мордовиясь, тячиень совещаниять теманц мяльса кирдезь, тись пяк лама. Тянкса аф кржа вий путни республикань Оцюнясь Владимир Дмитриевич Волков. Аш кода аф лятфтамс республикань ингольдень Оцюнять Николай Иванович Меркушкинонь тянди путксонц.
Республикань Оцюнясь Владимир Дмитриевич Волков азозе, што мокшэрзянь масторса мекольдень кизотнень стройсеви и петневи аф кржа церькав. Храпт эвондакшнихть тоса, коса синь ашельхть нльне кунардонь пингстовок. 2011 кизоня республикасонк эвондась Мордовскяй Митрополия, коза сувась несколька епархия. Марстонь вийса тиендеви сембось, штоба кемокстамс духовнай питнишить. Макаровка велень Иоанно-Богословскяй алянь монастырть ламотне лемнесазь Лавракс и Мордовскяй Афонкс.
Санкт-Петербургскяй и Ладожскяй митрополитсь, Московскяй Патриархиять тевонзон Управляющайсна Варсонофий мяль шарфтсь сянди, кода етафневи имуществась, кона инголи ульсь церькавть кядьса, меки церькавти, кода макссевихть модань участкат храмонь строямс и стак тов.
Координационнай совещанияда меле Михаил Викторович Бабич, Владимир Дмитриевич Волков, митрополитсь Варсонофий, протоиерейсь Всеволод Чаплин отвечасть журналист-тнень кизефксснон лангс.
                                                                                                                                           Т.АЛЬШИНА.

01.12.2014 №
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин