Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

В Госсобрании РМ

БЮДЖЕТСЬ ПРИМАФ, ИНГОЛЕ ОЦЮ ТЕФТ

Шинь повесткать кемокстамдонза меле депутаттне кярьмодсть законопроекттнень коряс работати. Сембоц эрявсь ваномс кемзисемге кизефкс. Васенце кафттнень эса корхтамась мольфтевсь «2014 кизонди и 2015 и 2016 кизотненди Мордовия Республикань республиканскяй бюджетть колга» МР-нь Законти полафтксонь сувафтомать квалма» и омбоцесь—«2015 кизонди и 2016 и 2017 кизонь плановай пингонди Мордовия Республикань республиканскяй бюджетть колга». Полафткст тифтольхть республиказонк федеральнай бюджетста поступлениятнень мяльс сявозь. Финансовай лезкссь—колма сятт комсь фкие миллион цалковай, конатнень эзда инь оцю пялькссь прважави велень хозяйствати. Но, кода азозе эсь выступлениясонза Правительствань Председательть заместителец, республикань финансонь министрсь А.Ю.Симонов, эсь доходоньконь вельде бюджетть карьхценза ашесть ламолгода. Аньцек кемокстаф лимиттнень мяльс сявозь, полафтозь вастснон бюджетнай ассигнованиятне. Сяда тов азфтольхть, кодама тевонди карьхцяфтольхть лядыкс средстватне.
Корхтамок 2015 кизонди и 2016 и 2017 кизонь плановай пингонди республиканскяй бюджетть колга, кода пачфтезе А.Ю.Симонов, што тяса васень задачась—цебярь шири полафтомс Мордовиянь ломаттнень эряфснон. И тя сатови миньцонк социальнай и экономикать мархта сотф кизефкснень лац-ряц решандамаснон вельде. И тясовок мяль шарфтфоль цифратненди, конат эрявихть сатомс 2015 кизоня и сяда товолдонь пингть.
Кда корхтамс заработнай платать колга, то сон касфтови кеветие процентта, лиякс мярьгомс, пцтай сизьгемонь миллиард цалковайда козякоды заработнай платань фондсь. Сай кизоть ни ули кода пачфтемс средняй заработнай платать 23 тежянь 428 цалковайс, а 2017 кизоня—31 тежянь 525 цалковайс. Но тянкса эряви эрь кизоня касфнемс организациятнень прибыльснон.
Шинь повесткати сувафтф ня васенце кафта кизефкснень коряс работась шумордавсь. Ульсь кода примамс ни сонь. Но тяда инголе кулхцонтфоль Мордовия Республикань Оцюнясь Владимир Дмитриевич Волков.—Бюджетсь,—мярьгсь сон,—пяк и пяк стака. Штоба сатомс и пяшкодемс арьсефть, эряви оцю сатфксонь сатнезь работамс сембонди—эрь предприятияти, эрь организацияти, башка эрь труженикти. Сембось тиема сянкса, штоба мирса и странаса тячиень аф теждя пингть кода-аф кода старандамс касфтомс дохоттнень и кирьфтамс бюджетти тиендеви карьхцнень. Но мезе тяза уле, кодама сталма мархта афоль сав васьфтемс, экономикать мархта сотф кизефксне и социальнай обязательстватне кармайхть пяшкотькшневома сяда товга,—поладозе Владимир Дмитриевич. Тяда меле 2015 кизонди и 2016 и 2017 кизонь плановай пингонди Мордовия Республикань республиканскяй бюджетсь примафоль. Тяни учихть эсонк сонь пяшкодеманц коряс оцю тефт.
Сяда тов депутаттненди эрявсь работамс нинге кеветие кизефкс лангса. Тяса 2015 кизонди и 2016 и 2017 кизонь плановай пингонди «Мордовия Республикань обязательнай медицинскяй страхованиянь Территориальнай фондть бюджетонц колга», «Организациятнень имуществаснонды налогть колга», «Мордовия Республикаса административнай ответственностть квалма», «Мордовия Республикаса образованиять колга», «Мордовия Республикаса эряй башка категориянь населениять социальнай ширде ширеснон кирдемаса мератнень квалма» законопроектть. Кафта пяле мархта частста сембе синь ванфтольхть и корязост примафтольхть эрявикс решеният. Тянь мархта Мордовия Республикань ветеце созывонь Государственнай Собраниять колмогемонь нилиеце сессияц шумордазе работанц.
                                                                                                                                        Н.КУБАНЦЕВА.

23.12.2014 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин