Поиск по сайту: 
 

Архив
 март 
 2019 
пн вт ср чт пт сб вс
    123
45678910
11121314151617
18192021222324
25262728293031

 
 

 

В Госсобрании РМ

ШУМБРАШИТЬ ВАНФТОМАНЦТЫ—БАШКА МЯЛЬ

 
Пуромксть вятезе Мордовия Республикань Государственнай Собраниять Председателенц заместителец, «Единая Россия» партиять «Эряфть качествац (Шумбраши)» партийнай проектонц Региональнай Координатороц Р.З. Аширов.
Шинь повесткати сувафтфтольхть кафта кизефкст. Васенцесь лемтьфоль сянди, кода етафневи эряфс «2014-2015 кизотненди Мордовия Республикань здравоохранениять модернизацияц» государственнай программась, кирдемок мяльса «Эряфть качествац (Шумбраши)» партийнай проектть, Россиянь Президентть, Мордовия Республикань Оцюнять Посланияснон.
Васенцекс корхтась Мордовия Республикань здравоохранениянь министрть васенце заместителец Е.А.Степанова, кона пачфтезе, мезе миньцонк сатф ни азф кизефксть коряс и мезть лангса нинге работама.
Тяниень пингть республикаса пцтай шумордаф здравоохранениянь колма уровенень системать тиеманц лангса работамась. Вельденза ули кода республикань эрь эряйти получамс медико-санитарнай васень лезкс. Марнек миронь-масторонь здравоохранениянь лама уровенень системась няфнесы, што аньцек вельденза ули кода пяк лац работамс. 2014 кизонь 8 декабрьста республикань Правительствать мярьгоманц коряс, кемокстафоль «2014-2015 кизотненди Мордовия Республикань здравоохранениять модернизацияц» мероприятиянь планць («дорожнай картась»).
Мордовияса вов ни лама киза мольфтеви тевсь медицинскяй центратнень и окрукнень тиемаснон коряс, мезть пингста башка мяль шарфтома республикань эряйхнень вешфксснонды, сембода пяк—велень ломаттнень. Здравоохраненияса сатфксне ванондомат медицинскяй услугатнень получамаснон вельде, а стане жа сянь коряс, мзяра ломань петезь, кемокстазь шумбрашиснон.
Р.З.Аширов мярьгсь, што республикань эряйхнень мархта етафнема васедемат и пачфнема здравоохранениянь колма уровенень системать квалма, мезьста сон ащи и, што фкявок ломань аф ляды медицинскяй лезксфтома.
«Круглай шрать» пингста  ванфоль Мордовия Республикань здравоохранениянь системать кадраса обеспечендаманц квалма кизефкссь.
Сяльде примафтольхть эрявикс рекомендацият. Кепотьксонди, республикань Правительствати сявома контроль алу Мордовия Республикань республиканскяй бюджетста «Земский доктор» программать софинансировандаманцты средстватнень эсь пингстонза макссемаснон, республикань Здравоохранениянь министерствати сяда тов вятема «Единая Россия» Всероссийскяй политическяй партиять «Эряфть качествац (Шумбраши)» проектть эряфс етафтоманц коряс работать, республикань Транспортть коряс Государственнай комитетти арьсема муниципальнай образованиятнень эса маршрутт, конат ускселезь медицинскяй учреждениянь работникнень, сярядихнень, конатненди молема консультацияс межрайоннай центрав и стак тов.
Государственнай Собранияса етафтф пуромксса примасть участия Общероссийскяй Народнай фронтть Мордовия Республикаса Региональнай штабонц сопредседателец О.А.Каштанов, «Единая Россия» Всероссийскяй политическяй партиять Мордовскяй отделениянц исполкомонц руководителец, партиять Мордовскяй региональнай отделениянц Секретаренц заместителец С.В.Борисов, официальнай лия ломатть.
                                                                                                                                         
                                                                                                                                         Т.АЛЬШИНА.
 

13.02.2015 №
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин