Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

В Правительстве РМ

ИДЕНЬ САТТНЕНДИ ОЧЕРЕТТЬ АФ КАРМАЙХТЬ

13 мартста Саранскяйса Мордовия Республикань Пресс-центраса етась пресс-конференция Мордовия Республикань образованиянь министрть Н.В.Бычковонь и сонь заместителенц Е.П.Солдатовать мархта. Журналисттнень мархта васедемась лемтьфоль дошкольнай образованиянь региональнай системать модернизациянцты.
Кода азозе Н.В.Бычков, мекольдень колма кизотнень дошкольнай образовательнай организациятнень виияфтоманкса нолдафоль 1362,844 миллион цалковай, конатнень эзда 796,89 миллион цалковайсь—федеральнай бюджетнай средстват. Ня ярмакнень лангс тифоль 4986 дополнительнай васта идень саттнень эса 15 муниципальнай образованияса. Строяфоль 1700 вастонди 12 здания, тиф реконструкция 6 зданиянди (430 васта), капитальнай ремонт 73 зданиянди (2856 васта). Тяни идень сатт строявихть Ичалковскяй, Чамзинскяй, Рузаевскяй, Лямбирскяй, Торбеевскяй райоттнень эса и колма—Саранскяйса: Октябрть 70 кизонь проспектсонза, Первомайскяй ульцяса, Тавла эрямань микрорайонца.
Тячиень шити идень саттненди якай 31679 шаба. 2013 кизонь декабрьста республикасонк тевс нолдаф «Е-услуги. Образование» (модуль—Электронная очередь») информационнай системась, конань вельде ули кода содамс, мзяра шаба ащи очередьса дошкольнай образовательнай организациятненди. 2015 кизонь 1 январти тя системати сувафтф 11389 ломань, эздост 1149—3-7 кизоса итть. 13  мартти тя лувкссь кассь: тяни системаса 11936 шабаня. Тя электроннай ресурсть вельде тядятненди-алятненди ули кода кочкамс идень сад, регистрировандамс тоза шабаснон, а сяльде ваномс, кода шашты очередсь.
Образованиянь министрть Н.В.Бычковонь валонзон коряс, республикань дошкольнай образованиянь системаса работай 3169 педагогическяй работник, 79,9 процентсь эздост—воспитательхть.
Пресс-конференцияса башка мяль шарфтфоль сянди, што идень саттнень эса аф сатомшкат васттне. Тиендеви сембось, штоба машфтомс тя прябалать.
2016 кизонь 1 январти идень саттненди очереттне арьсевихть машфтомс ефси.
Тядде Мордовия Республикань Оцюнять Премиянц мархта васенцеда казевихть дошкольнай образовательнай организациянь воспитательхне.
                                                                                                                                               Т.АЛЬШИНА.

20.03.2015 №
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин