Поиск по сайту: 
 

Архив
 июль 
 2018 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Мокшане о мокшанах

ЛЕМОЦ СЕРИ ВАСТСА

Литературоведсь, критиксь Андрей Васильевич Алёшкин шачсь 1935 кизонь 30 апрельста Тюменскяй областень тяниень Сорокинскяй райононь Калиновка велеса. Сон—филологическяй наукань кандидат (1969 к.), доцент (1976 к.), Мордовия Республикань наукань Заслуженнай деятель (1995 к.). Шачсь лама идень крестьянскяй семьяса. 1963 кизоня шумордазе Мордовскяй государственнай университетть, 1968 кизоня—МНИИЯЛИЭ-нь аспирантурать. Сяльде кафта кизот старшай преподавателель М.Е.Евсевьевонь лемса МГПИ-нь рузонь советскяй литературань кафедраса. 1970-1985 кизотнень—Мордовскяй госуниверситетонь советскяй литературань кафедрань заведующаель. Литературнай творчествати башка мяль шарфтсь 1954 кизоня. А.В.Алёшкинонь научнай тевоц сотф мокшэрзянь эпическяй поэзияса личностть и народть прябаласнон, Поволжьянь нароттнень литератураснон тонафнемаснон мархта. Андрей Васильевич Алёшкин 8 монографиянь автор, конатнень етксот «Единство традиций», «Эпос дружбы» и лиятне. Сон—«Арьсемат» литературно-критическяй сборникть автороц, Н.И.Черапкинонь колга «Доктор литературы» лятфнембялень и статьянь сборникть кочкаец.
Аф кунара Андрей Васильевиченди топодсь 80 киза. Арьсетяма мокшаляти кеме шумбраши и сембе цебярть.
Газетать тячиень номерсонза макссаськ       А.В. Алёшкинонь «Мялям» лятфнеманзон.
 
МЯЛЯМ
Эрь мезне, кодак тейне сашендови кодамовок документс-кагодс сёрмадомс шачема вастозень, ляденди мялезон Западнай Сибирень тайга потмоста Тюмень аймаконь Калиновка мокшень велесь. Тоса мон шачень 1935 кизонь 30 апрельста.
Калиновкав пцтай 40-нь кизода меле васенцеда сашендомазе сотфоль ризфу туфтал мархта. 1969 кизоня Челяба ошса кулось алязе, и мон, эста ни Саранскяень эряйсь, молень тоза сонь мекольдень кис прважамонза. Тядязе тейне азондозе: куломдонза инголе аляце, няк, пяк эняльдсь пачфтемс сонь колганза куля Калиновкаса лятф раднянзонды, и васендакиге—вейхксогемонь кизоса Ольга сазоронцты.
Алязень калмамда меле, кода тянемс мяляфтса, мон кеподень кал монц лангста аф оцю кевня и путыне зепозон.
Недяляшкада меле срхкань Калиновкав.
Тоса Ольгаказень мархта корхнемста таргайне зепстон алязень кевнянц, венептине сонь сире, но нинге сатомшка кемаза бабаняти: «Эрь,—мярьгонь,—сявк лятфнембяленди». Ольгаказе кати-кода аф прокс лац варжакстсь лангозон. «Цёрай,—мярьгсь,—путк тя кевнять меки тоза, коста сявить. Калмалангонь моданятнень мокшетне ширьге аф ёрясазь». Тяда меле аф ламонь-аф ламонь сувась седи потмозон мокшэрзятнень народнай философияснон крхка смузец...
Челябав мрдамдон меле алязень кевнянц меки кандыне калмонц лангс. Лятфнембялезень и мокшэрзянь народнай философиять смузьсна фкяль: мялямсь масторть колга, кона тядятненди-алятненди арась (афи эсь воля) век-вечнай ваймама вастокс, идьснонды ванфтома сембе пингс аф пиджак зепса, а седи ваксса кирдезь.
Челябаса, калмама илатнень ётафтомда меле, тейне азондозь, кода алязе эрязень мекольдень шинзон...
Кафтошка ковда куломдонза инголе сон стакаста сярятькстсь. И апак учсек юмась кудста. Коста аньцек ашезь вешенде, косовок ашель. Аньцек омбоце шиня музь... Челяба ошть эзда вайгяльбешка вастса ащи машина кинь аф оцю будканять ваксста. Мекольдень кафта кизотнень алязе покотькшнесь путевой обходчикокс, а сяда меле сторожель. Тя будканяса ащекшнесь... Музь сонь перрононь кодяма аф оцю площадка лангста. Озафоль скомня лангс. Тя будканять вакска шинек-венек ётнесть поезтт. Тяса алязе пцтай эрь шиня васьфнесь-прважсесь Пенза шири моли и Пенза ширде сай скорайхть. Маряк, сонь мяленза-арьсеманза стаки тушендсть ня поезттнень мельге—Атюрьевскяй райононь Крхтаж велезонза, коса сон шачсь, коса одкс пингстонза ульсь певчайкс велень церькавса. Революцияда меле тя церькавть срафтозь од эряфонь тиихне. Крхтажста алязень сявондезь оцязоронь армияв, а революциять пингста полксь, коса сон служась, прважафоль Питеру, и алязти савсь улемс Зимняй Дворецть сявиензон ёткса. Савсь няемс, кода фалу лятфнезе сонць, кода Керенскяй авань щамса ворьгодсь Дворецста... Эсь тядятненди-алятненди най верондат. Но, тейне-арам, алязе азонкшнезе сяка «баснять», конань ладязь большевикне, кона мусь васта мянь литературасовок. Лятфтасть хоть Маяковскяень поэманзон.
Эрь, ся соннель тевсь...
Музь алязень перрононь скомня лангса озада ащезь, кядьсонза, кле, ульсь косьфтаф кши суском мархта аф оцю кяскавня. Кода азонкшнезе ся будканять ваксса эряй од сторожсь, алязень содафоц. Алязе, кле, лама теенза корхнесь Пенза аймакть маласа эсь шачема вастонц колга. Од сторожсь кизефтезе: «Коза, Василий Степаныч, тяфта ардомс ёрат?» «Срхкань,—кле,—Расеи, Пенза шири, тоса монь кудозе лядсь...» (Атюрьевскяй районць 20-це кизотнень пингста сувсесь Пензенскяй губернияв).
Ковда меле алязе кулось. Шачема велезонза стаки ашезь пачкоде...
Мокшэрзянь фольклорса переселенецнень колга тянемс ванфтовсь народнай аф кржа морода, и пцтай сембонь геройсна лия масторста аф паваз, аф эрявикс мода аф мушендыхть. Ламоцне эздост тяряфнихть мрдамс шачема ширезост, но пцтай сембе моротнень эса шачема ширеста туфнень эряфсна трагичнай: синь кудозост мрдамста кулсихть или косовок ки лангса, или ёфси эсь кудснон ваксса. Эрь мезне арьсекшнян: аф ли монь алязень кодяма мокшетнень колга и латцефт народоньконь морокс араф явсеманза?..
Тяда меле алязень кевнянц колга мялямсь арась тейне эряфонь талисманкс. Тя талисманть вельде, кода арьсян тяни, эряфозе явовсь колма эсь лацонь пяльксова: васенцесь—тя сибирскяй идькс пингозе, омбоцесь—качаму Челябаса войнань кизотнень ётафтф одксшизе, мекольцесь—тячиень шизе, кона кунара ни сотовсь тядянь-алянь шачема масторозост самазень мархта...
Тюменскяй аймаконь Калиновка велесь Тюмень ошть эзда ащи мянь сядошка вайгяльбень вастса. Велети лемсь максфоль 1923 кизоня. Павазу модань васенце вешендихне Калиновкакс сонь лемдезь «всесоюзнай старостать» Михаил Иванович Калининонь честьс, конанди ся кизоня Атерь маластонь мокшень велетнень эзда якасть ходокт—мянь кефкиенест.
Ся аймаксь, коса тяни Калиновка велесь, ащи туста вирь потмоса, перьфканза лама шяйда. Васенце переселенецнень самста тяса шава вастоль. Од мода лангс сафне Тюменьцта сявомок тя вастти пачкодемс ялга етасть сядошка вайгяльбе. Васенда эрясть эсь тиф землянкаса, и аньцек пингонь ётазь Калиновкась кассь-кеподсь мокшень оцю велекс. Тяни тоса эряйхть Атерьста, Крхтажста, Зайцяста и маластонь лия мокша велетнень эзда Сибири туф васенце переселенецнень сиретьф ни идьсна-уноксна. Сембоц Калиновкаса 680 куд. Комсь куттнень эса эряйхть рузонь семьят, конат мокшекс корхтайхть синцень мокшетнень коряска сяда лац.
Шачема ширесон улемстон дивакс арась тейне Калиновкань мокшетнень эсь кяльснонды-культураснонды оцю мялень шарфтомасна. Мокшекс тоса корхтайхть Мордовияса эряй мокшетнень коряс сяда лац. Мокшекс сёрматф книгат-газетат тянемс пцтай аф няендихть. Весть, кода азондозь тейне, Мордовияста сашендсь фкя инжи, мархтонза усксесь «Мокша» журналонь фкя номер. Калиновкань эряйхне илять-илять пуромкшнесть кинь-кинь кудбокс и кошярязь Мордовияста саф инжиснон морафтомс «Мокшеста» мезе-мезе эсь кяльсонк сёрматфкя. Дивандафтомань и лиявок: самстон шра ваксса аф ламнянь копордамда меле, ёфси апак учентт, вдруг мокшекс ушедсть морама.
Сяда сире ломаттне содасть мокшень народнай морода аф кржа, сяда оттне пцтай сельмоведень пачк лятфнезь Мордовияста туф тядяснон-аляснон эряфснон. Эста Калиновкань кой-кона эряйхне сатомшка лац нинге мяляфтозь монь алязень и тядязень.
Аф лама пингонь ётазь, воляшинь-павазшинь вешенди алязень аердавсь седиец Калиновкань эряфть эзда и сон сявозе семьянц лия вастс сяда цебярь эряфонь вешендема. 1940 кизоня тяфтама вастокс сисем шаба мархта семьяньконди арась Челяба ошсь. Тоса мон аделайне рузонь школать, аф лама пинге работань ЧТЗ-са, тоста колма кизос сявомазь армияв. Алязе тя пингста ульсь ни железнодорожник, работась путевой обходчикокс. Фронту сонь ашезь сявонде, сяс мес войнать пингста железнодорожникненди макссесть броня.
Челябаса эрямстонк, монь седисон и крьвязсь ся толнясь, кона пингонь ётазь вятемань Саранскяи. Тя толнять, армияста служамстон, эсь лацонза крьвястезь Челябаста «тядязень эзда» кучсеф сёрматне. Мес, мярьктяда, «тядязень» валть пугыне кавычка потмос? А сяс, мес сёрмадома сон ашезь машта мянь куломозонза, ульсь грамотафтома мокшавакс. И вов фкя сёрмаса, конань тяшнезь брадне, акша листкас карандашса цертафоль тядязень кядьлапшец: эрь суронц перьф ётась карандашсь.  И тя кода-бди нинге весть лятфтазе тядязень-алязень эряфснон: касфтсть сисем шабат, сембонь  нолдазь эрявикс кис, а эстеест грамотас тонафнемс пинге коль ашезь мушендов. Саранскяи таргась эсон вов нинге мезе: Челябаса лувине А.Я.Дорогойченконь «Большая Каменка» романонц, кулендине Мария Антоновать мокшень моронзон, конат ся пингста сидеста кайгондсть «Песни народов СССР» эрь недялянь радиопередачань цикласа. Но Саранскяи кинь няфтикс тейне сембода пяк арась «Литературнай газетаса» 1958 кизоня «Мордовские студенты спорят о счастье» статьясь, кона лемтьфоль Мокшень государственнай университетть фкя кизонь топодема юбилеенцты. Авторсь ульсь мокшень содаф писательсь Семён Аверьянович Самошкин. Эрь, арьсень, монга тяряфтса варжамс, мезе стамсь мокшень павазсь.
Тяфта и повонь атянь-авань шачема мастору.
Документонень максыне мокшэрзянь отделенияв. Но приёмнай комиссияса тейне мярьгсть: тоза эряви максомс мокшень кяльть и литературать коряс экзаметт. А монь, мокшекс корхтамадон башка, мокшэрзянь культурать колга содамошине пцтай ашельхть. Коста! Тяда инголе мокшекс сёрматф книгат нльне няендемска ашезь сашендов. Сяс документоне савсть ётафтомс рузонь отделенияв. Тоса пяле кизода меле анань пря мокшэрзянь отделенияв. Пара ломанць—ся пингонь ректорсь Григорий Яковлевич Меркушкин—эняльксозень шарьхкодезе и ётафтомань.
Тя отделенияса тонафнемась тейне аф тёждяль. Мокшэрзянь литературать-культурать колга содамошит сашендовсь сатнемс колгаст сёрматф книгатнень эзда. А колмоце кизоня тонафнемстон сёрмадонь ни мокшекс курсовой работа «Пейзажсь Т.А.Кирдяшкинонь «Кели Мокша» романцонза». И работазень печатлазь «Мокша» журналса.
Студентокс улемстон и рьвяянь. Рая рьвязе—филологическяй наукань кандидат, а тейне—аф аньцек кельгома рьвя, но и научнай работасон васенце критикозе и редакторозе. Филологическяй наукань кандидатокс арась Светлана стирезевок. Сонь диссертацияц ульсь лемтьф мокшэрзянь литературать XIX веконь историянцты. Тяни стирезе покоди Смоленскяйса, рузонь кяльти и культурати тонафни лия масторста саф военнай офицерхт-студентт.
Мокшэрзянь университетть и Мокшэрзянь кялень, литературань и историянь институтть аспирантуранц аделамда меле национальнай литератураньконь колга нолдань кафкса монографият, колма сядода лама литературно-критическяй статья. Кемнилие киза покодень университетса, улень литературнай кафедрань заведующайкс. Тняра киза савсь работамс и мокшэрзянь кялень и литературань НИИ-са, тосовок сатомшка пинге улень секторонь вятикс.
Мокшэрзянь наукаса пцтай ведьгемонь киза улемстон мезе аньцек ашель. Павазу шикс-кизокс ульсть книганень лисемасна, рузкс и мокшекс статьянь сёрмадомась, Москуса и лия вастса статьянень нолямасна. Ульсть и лядсть мяляпт равжа шитнень-кизотнень колгавок. Весть кати-кода печатьса лангозон врьгятсь содаф рузонь краеведть И.Д.Воронинонь стирец Наталья Ивановна, сяс мес революцияда ингольдень мокшэрзянь литературать колга фкя статьясон мон максонь (и аф шнамга) сонь алянц фкя работастонза цитата сянь колга, бта революцияда инголе мокшэрзятнень ашель аф письменностьсна, аф литературасна. Сонць И.Д.Воронин, стирецка аф литературоветт, и мокшэрзянь культурать лангс кафцьке синь ванцть конень сельмот. Сяс кяжиямс теест, тейне-арам, ашель мезенкса. Пингсь няфтезе: и сонць Иван Дмитриевич, и сонь стирец пяк эльбятькшнесть.
1995 кизоня мокшэрзянь литератураса лама кизонь работанкса тейне максфоль Мордовия Республикань наукань Заслуженнай деятелень лем. Тя тейне ульсь сембода оцю казнекс.
Тячи Саранскяйса эряйхть Челябаста саф кафта племянниконе—Степан брадозень цёранза. Степаноньке художниколь... Фкя цёрацка—Андрей—художник, Мордовия Республикать Флагонц автороц. А омбоцесь—Алексей—тусь атянц одкс пингонь эряфонь киганза—сон арась дьяконкс, служай Саранскяень мокшэрзянь церькавса, эсь кяльсонк азонкшни Шкайть колга церькавозонза сашенды мокшетненди и эрзятненди...
Эряфсь минь родсонк-плямасонк, кода корхнихть, шаркстсь лама пингта тяда инголе ушетф кити. Аф ламода аньцек сяда келемсь.
И сембе эряфозень и паваз кизень тячиень шить самс тейне валдопнезе алязень кевнянц и тядязень кагод лангс рисаваф кяденц колга мялямсь.
                                                                                                                                           А.АЛЁШКИН.

14.05.2015 №
 
 
 

 
НОВОСТИ
 
 
 

Мундиальти сембе строяфсь кармай ламос служама ошень эряйхненди

15 июньцта Саранскяйса 2018 кизонь футболть коряс Миронь чемпионатонь ошень пресс-центраса етась Мордовиянь Оцюнять В.Д.Волковонь пресс-конференцияц. Республикань вятись азондсь чемпионатонь матчнень примамаснонды анокламатнень колга, а меле отвечась журналисттнень кизефксснон лангс.
Мордовиянь Оцюнясь азозе, што мундиальть етафтоманкса тиф сембось, мезе арьсекшневсь тиемс, республикась педа-пес анок мировой первенствать примаманцты.
—Саранскяйть Миронь чемпионатти анокламанцты оцю оценка макссь Российскяй Федерациянь Правительствать Председателенц заместителец В.Л.Мутко,—китькстазе В.Д.Волков.
Кода азозе республикань Оцюнясь, турнирти анокламать пингста ошса эвондасть эрямань од кварталхт, строяфт кутт и кит, панжезень кенкшензон тяниень пингонь аэропортовай комплекссь. Няевиста мазоптозе Саранскяйть «Мордовия Арена» стадионць, кона, В.Д.Волковонь валонзон коряс, чемпионатта мелевок аф кармай ащекшнема тевфтома. Мундиальда меле сон кармай кудонь аренакс «Мордовия» футбольнай клубти. Тяса стане жа кармай тренировандама детско-юношескяй командась.
—Минь тисаськ семботь, штоба эреклафтомс идень футболть,—мярьгсь республикань Оцюнясь.—Стадионца ушедыхть етафневома «Кожаный мяч» пялькстомат, касфтовихть цебярь тренерхт, нолдавихть дополнительнай средстват.
21.06.2018  № 24
 

ФУТБОЛСЬ КАНДЫ НАРОТТНЕНДИ МИР!

21.06.2018  № 24
 
 
 

САРАНСКЯЙСА «ЛЫЖНЯ РОССИИ-2018» АКЦИЯСА ПРИМАСЬ УЧАСТИЯ 4 ТЁЖЯНЬДА ЛАМА ЛОМАНЬ

16.02.2018
 

«Единая Россия» поддержит законопроект, касающийся установления порядка выплат по потребительским кредитам

«Единая Россия» поддержит законопроект, касающийся установления порядка выплат по потребительским кредитам

 Если человек оказался в сложной финансовой ситуации, долги не должны расти «как снежный ком», отметил заместитель Председателя Государственной Думы, руководитель фракции «Единая Россия» Сергей Неверов.

 

«Единая Россия» поддержит законопроект, касающийся установления порядка выплат по потребительским кредитам. Соответствующий законопроект сейчас находится на рассмотрении Государственной Думы и в понедельник Президиум фракции «Единая Россия» принял решение поддержать документ в первом чтении.

 

«Нельзя допускать, чтобы кредитные организации произвольно решали, что погашается той суммой, которую на данный момент внес заемщик. Это приводит к финансовой кабале. Поэтому предлагается утвердить следующий порядок задолженности по потребительским кредитам: из той суммы, которую человек смог внести (если она не целиком покрывает платеж), погашаются в первую очередь проценты, во вторую – основная сумма долга, а уже потом – неустойка. Это сделано для того, чтобы долг не рос как «снежный ком», ведь люди и без того оказались в непростой финансовой ситуации. Это очень важный законопроект и наша фракция его поддержит», – сообщил Неверов.

 

 

 

 

 

 

 

12.02.2018
 

Турчак: Конкурс «Лидеры России» поможет Партии сформировать кадровый резерв

Турчак: Конкурс «Лидеры России» поможет Партии сформировать кадровый резерв

 

Участники и победители конкурса управленцев «Лидеры России» могут быть задействованы в партийной работе в регионах, что позволит сформировать кадровый резерв, заявил секретарь Генерального совета «Единой России» Андрей Турчак по итогам финала конкурса, где он принял участие в качестве наставника.

 

«Конкурс «Лидеры России» абсолютно стыкуется с задачей поиска и формирования кадрового резерва. Наша задача не просто выявить эту сотню победителей, ведь по сути каждый из ребят является победителем, даже если не прошел этап отбора. Мы ставим перед руководителями реготделений задачу работать с этими ребятами, формировать на их базе кадровый резерв, в том числе для использования в партийной работе», - заявил Турчак.

 

Он отметил высокую мотивацию у финалистов конкурса, которая позволяет им реализовывать свою активность, причем в самых разных сферах. «И у меня сегодня был очень интересный первый кейс, который мы задавали, он связан с нашей задачей обновления Партии. Были сделаны конкретные предложения прикладного характера, которые мы постараемся реализовать на практике. Помимо тестирования мы провели еще ряд личных встреч и с высокой долей вероятности многие из ребят, с которыми я общался, будут востребованы в работе Партии на федеральном уровне. Пока мы общались лично с шестью кандидатами и договорились о том, что все они приедут в Москву и мы с ними более предметно поговорим», - рассказал секретарь Генсовета.

 

Он обратил внимание, что необходимость в обновлении партийных связана не с текущей избирательной кампанией, а с электоральными задачами, которые стоят перед Партией на среднесрочный и долгосрочный периоды с учетом подготовки к выборам в Госдуму, которые пройдут в 2021 году.

 

«Этот запрос на обновление мы должны реализовывать. И это касается не только ребрендинга Партии, связанного с изменением фирменного стиля, но и с содержательной перенастройкой, ревизией и вопросом кадрового обновления. И в данном случае это конкурс «Лидеры России» он абсолютно стыкуется с задачей поиска и формирования кадрового резерва», - подчеркнул он.

 

По его словам, помимо лидерских качеств, оценивались и навыки командной работы. «Мы увидели готовность проявить свои лидерские качества, но важно и умение работать в команде. Вот такие тесты позволяют выявлять лидеров и формировать командные навыки работы. Сегодня в рамках трех кейсов, которые прошли, я выбирал ребят по такому принципу. В течение года мы будем общаться. Это не только кадровые закрепления, это возможность реализовать озвученные сегодня предложения. Каждый из тех, кого я отобрал, готовят эссе по заданной теме. Мы в ЦИКе с ними ознакомимся и предоставим возможность каждому реализовать свой проект, и по итогам года мы будем давать оценку», - сказал он.

 

Всероссийский конкурс управленцев «Лидеры России» проводится по поручению Президента РФ Владимира Путина. Конкурс направлен на то чтобы выявить сильных управленцев, дать им возможность для реализации, используя реально работающие социальные лифты.

 

 

 

 

09.02.2018
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин