Поиск по сайту: 
 

Архив
 август 
 2018 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Экономика

«Медаевское» ограниченнай ответственностень обществаса работайхть трудонь кельги ломатть

Мзярда ломанць эсь вастсонза

«Медаевское» ограниченнай ответственностень обществань генеральнай директоркс аф васенце кизось мельцек кемокстаф Петр Иванович Кувыркин. Тя ульсь 2004 кизоня. Аф кржа савсь тиемс, штоба пуроптомс од предприятия. Петр Ивановичень руководстванц пингста рамафоль велень хозяйствань производственнай кооперативть (тяфтама лем эста каннесь хозяйствась) паршиец, лизинговай техникась и лядыкссь-мезсь. Вов тяда меле тефне кармасть полафнема цебярь шири. Од руководительти васенце кизось, конешна, аф теждяль, урожайностсь ульсь аньцек кемголмува-кемнилие центнер гектарста. А коста сявовома сяда оцю урожайти удобренияфтома, гербецидфтома. Да и паксятневок апак соксектольхть-витцектольхть, жувататнень лувкссновок кирьфтафоль, учатне, конада инголи пефтомоль, машфтфтольхть. Кда, кепотьксонди, 2004 кизоня эрь траксста потьневсь киза кувалмоста 2400 килограмма лофца, 2005 кизоня—3800 килограмма, а вов 2010 кизоти пачфтьфоль ни вете тежянти. И тянь лангс апак лоткак. Показательхне кепсихть мяль. Тяконь ули кода азомс и серонь получамать квалма. Сянкса и Мордовия Республикань Оцюнясь Владимир Дмитриевич Волков республикань Государственнай Собранияти тяддень Посланиясонза мярьгсь: «2015 кизонди республикань аграрийхнень задачасна—кочкамс 1250 тежянь тонна зерна. Тяконь лувксса 110 тежянь тонна кукуруза зернанди. Тя, мярьгсь республикань Оцюнясь, тейнек критическяй цифрась, тяда кржа аш кода…» Мес тяфта важна кочкамс тняра сера? 14 тежянь цалковайти молемс тоннать инкса пачкотькшни рынкаса тозерть питнец! Сяс мес и мировой рынкаса сяда оцю предложения аф ули. Минь минць педа-пес должеттама обеспечендамс эсь пряньконь сёроса».
Инголенк путф тя задачать колга фкя шиска аф юксневи «Медаевское» ООО-са, коса тяни сембе вийса мольфтевихть тундань паксянь работатне.
 
Седиень псинц—тевти 
 
Аф содаф кода ладявольхть-мольфтевольхть тефне тя предприятияса, кда афоль покоде синьцост главнай бухгалтерсь Вера Ильинична Москвина. Краснослободскяй райононь Сире Синдруса шачф-касф мокшавась тя аймакса кунара арась эсь ломанькс. Хозяйствать тевонзон колга кодама кизефкс тяза сав максомс, отвечай апак эльбятькшнек. Мяляфтсы эрь цифрать, витцеви эрь культурать лувксонц. Виде, лама варма етась лангаст. Васенцеда сась тяза 1978 кизоня. Полафнесть руководительхне, но Вера Ильинична сафнезе кажнайть мархта.
Кизотне мольсть, сась велень хозяйстваса реформань пингсь. Совхозсь тифоль велень хозяйствань производственнай кооперативкс. Хозяйствась, да афи най синнесь, мольсть алубантт. Ашельхть аф горючай, аф удобреният, да видьмотнень мархтовок ашель кода шнафтомс пря. Штоба добувамс синь, эрявсть ярмакт. А ся продукциять, конань аноклакшнезь (лофцть, сероть), питнесна трешникт. Совхозсь тифоль     СПК-кс, а тянь мархта оцю полафткст ашесть тиев. Мес? А сяс, што велень хозяйствать лангс ушетфоль ванома суроньбачк и тяса тевонц тиезе приватизационнай системась. Ушетфоль собственностть сей-тов «сейхтемонза», кажнайсь старандась сяда лама фатямс эсь ширезонза. Да вдь СПК-ське тифоль сянкса, штоба улемс собственникокс. Тяконь ули кода азомс и имуществать, и модать колга.
Хозяйствась ся кизотнень оцюволь. Сембоц трудендась 256 ломань. Крупнай сюра мархта жуватада лувондовсь 2400, учада—6500, модада ульсь 7214 гектар, соксевида-витцевида—5000 гектар. Сатфксне аф кальдяфтольхть. Оцю пеняцямат аш тянивок. Аньцек Шкайсь максоза цебярь погоданя, шачеза-урядавоза сембе видефсь. Эста тевське ули лия.

Коса шачсь, тоса и кондястсь
 
Цебярь валса аш кода аф лятфтамс «Медаевское» ограниченнай ответственностень обществань агрономть-семеноводть Таисия Петровна Зудинать. Хозяйствать мархта эряфонц сотозе нинге 1968 кизоня. Кярьмодсь агроном-овощевод, садовод тевти. Кемлянскяй велень хозяйствань техникумть шумордамдонза меле сась работама «Медаевский» совхозу агрономкс-садоводкс. Ся пингть хозяйствась кармась перень серонь касфнема. Кинди-кинди, а овощеводствань обязанносттне максфтольхть теенза.
Одонь кизотне одонь кизот. Тяса сон васьфтсь тястоконь церать Валерий Николаевич Зудинонь мархта. Кафта ня од ломататнень ёткса крьвязсь оцю кельгома и 1970 кизоня водендасть семья. Оцю кельгомась казсь мирттненди-рьвятненди кафта церат-богатырьхть. Оцю церасна Александр тусь тядянц киге. Сонга шумордазе Кемлянский велень хозяйствань техникумть. Кда лиятне, ванат, павазонь вешендема тушендыхть лия вастс кувака цалковаень добувама, Александр лядсь эряма вели. Лама пинге работцесь «Медаевский» совхозса механикокс. Кядялонза церать сембось лаказь лакась. Механиконь тевда башка лац содазе велень хозяйствань любой профессиять. А главнайсь, сон любой  минутать аноколь лездомс работас коре ялганцты. Аф стак золотань кядь мастеркс лемнезь ялганза-кит. Омбоце церасна Алексей шумордазе Санкт-Петербургонь связень военнай училищать. Тяни эряй и работай Москуса.
Таисия Петровна работась хозяйстваса 47 киза и тянемс аф явонды кельгома тевонц мархта. Лац работаманкса сон казендевсь аф фкя казнеса. Велень хозяйствань Заслуженнай работник, казьф Славань III степенень орденца. Тяни Таисия Петровна агроном-семеновод. Высшай классонь специалистсь од специалисттненди цебярь наставник. Содасыне велень хозяйствань культуратнень технологияснон, аноклакшни аньцек оцю классонь видьмот. Хозяйствась мишенди лама видьме республикань лия хозяйстватненди и тя заслугась Таисия Петровнань. Сон пяк кельгозе и тянемс пяк кельгсы спортть. Кепотьксонди, нинге техникумса тонафнемста ульсь стирьхнень еткса волейбольнай командань капитанкс. Сон тянивок ётнесы паксять ялга, няфнемок пример оттненди.
Таисия Петровна шачф работанди. Мзярс работай, вестевок ашезе колсе теенза максф заданиять, ашельхть апрякамат руководствать ширде. Ужяль аньцек, што трудонь кельги тя ломанць ведьгемонь кизоса лядсь удавакс. Мирденц мархтовок эрясть ладязь. Механикокс работцесь, а серонь урядама пингть озсесь комбайнать штурвалонц ваксс. Инь лама сера тяльсесь сменаста. Таисия Петровна поланц куломда меле прянц педа-пес лемдезе работати. Сон уважаемай специалист предприятияса, велеса, районца, пяк лама тиенди предприятияти, сон васенце тердемас коре паксяса ни, мольфти контроль семенной участкатнень мельге. Видьмотнень аноклакшнесыне аньцек оцю качествань, сяс и аш пеняцямат рамайхнень ширде.
Таисия Петровна, сембода лияда башка, пяк цебярь кафта уноконь щава. Вов тяфтама сон, Таисия Петровна Зудина.
                                                                                                                                        Н.КУБАНЦЕВА.
 
 

14.05.2015 №
 
 
 

 
НОВОСТИ

В общественных приемных «Единой России» стартовала акция «Собери ребенка в школу»

Традиционная августовская акция «Собери ребенка в школу» стартовала в общественных приемных Председателя «Единой России» Дмитрия Медведева. Цель акции – не только помочь малообеспеченным и многодетным семьям обеспечить детей необходимыми учебниками и вещами, которые могут пригодиться детям в школе, но и предупредить проблемы, возникающие при подготовке к новому учебному году.
Как рассказала председатель Комиссии Президиума Генерального совета «Единой России» по работе с обращениями граждан к Председателю Партии, вице-спикер Совета Федерации Галина Карелова, общественные приемные организовали «горячие линии» и привлекли к участию в них представителей профильных департаментов и министерств по вопросам образования. Каждый желающий может позвонить по телефону и задать интересующий его вопрос, связанный с организацией учебного процесса.
«Квалифицированные эксперты дадут ответ или рекомендации по решению возникшей проблемы. Кроме того, в общественных приемных начались тематические встречи, в которых участвуют учителя, родители, представители общественных организаций. Депутаты «Единой России» всех уровней, партийные представители исполнительной власти в регионах проводят встречи с гражданами, посвященные подготовке к учебному году», – отметила она.
По словам Кареловой, на контроле приемных – выполнение требований пожарной безопасности и готовности к чрезвычайным ситуациям, защищенность от террористических угроз, соблюдение санитарных правил и норм, состояние пищеблока, учебных классов, актового и спортивного залов, уровня охраны и многое другое.
Подобные проверки уже прошли в Ставропольском, Пермском, Хабаровском краях, Республиках Коми, Дагестан, Чеченской Республике, Московской, Самарской, Омской, Брянской, Тамбовской, Липецкой, Томской, Ульяновской, Тульской областях.
«Эта августовская акция давно стала хорошей традицией общественных приемных Партии. Наша общая задача – сделать все, чтобы и дети, и родители, и педагоги начали учебный год в хорошем настроении, чтобы в школах было комфортно, интересно и безопасно», – заключила Карелова.
 
- В этом году  ежегодная  благотворительная  акции «Здравствуй, школа!»   пройдет  в республике   в 10-ый раз. Её организаторы -  Мордовское региональное отделение Партии «ЕДИНАЯ РОССИЯ», республиканское  отделение Общероссийского благотворительного общественного фонда «Российский фонд милосердия и здоровья» и Федерация профсоюзов Мордовии. В подготовке акции  постоянно  принимают  участие  представители депутатского корпуса,  многие предприятия и организации региона,  индивидуальные  предприниматели.  Только в  Саранске    организован  сбор школьных принадлежностей и денежных средств для 1оо   первоклассников  из многодетных и малообеспеченных семей.   Акция  пройдет во всех районах республики. Хочется пожелать  ребятам всего наилучшего! Пусть они будут старательными и целеустремленными, а мы  будем стараться  им в этом помогать»- подчеркнул  Секретарь  Регионального отделения партии, Председатель Государственного Собрания  республики Владимир  Чибиркин.
 
15.08.2018
 
 
 
 
 
 
 

Мундиальти сембе строяфсь кармай ламос служама ошень эряйхненди

15 июньцта Саранскяйса 2018 кизонь футболть коряс Миронь чемпионатонь ошень пресс-центраса етась Мордовиянь Оцюнять В.Д.Волковонь пресс-конференцияц. Республикань вятись азондсь чемпионатонь матчнень примамаснонды анокламатнень колга, а меле отвечась журналисттнень кизефксснон лангс.
Мордовиянь Оцюнясь азозе, што мундиальть етафтоманкса тиф сембось, мезе арьсекшневсь тиемс, республикась педа-пес анок мировой первенствать примаманцты.
—Саранскяйть Миронь чемпионатти анокламанцты оцю оценка макссь Российскяй Федерациянь Правительствать Председателенц заместителец В.Л.Мутко,—китькстазе В.Д.Волков.
Кода азозе республикань Оцюнясь, турнирти анокламать пингста ошса эвондасть эрямань од кварталхт, строяфт кутт и кит, панжезень кенкшензон тяниень пингонь аэропортовай комплекссь. Няевиста мазоптозе Саранскяйть «Мордовия Арена» стадионць, кона, В.Д.Волковонь валонзон коряс, чемпионатта мелевок аф кармай ащекшнема тевфтома. Мундиальда меле сон кармай кудонь аренакс «Мордовия» футбольнай клубти. Тяса стане жа кармай тренировандама детско-юношескяй командась.
—Минь тисаськ семботь, штоба эреклафтомс идень футболть,—мярьгсь республикань Оцюнясь.—Стадионца ушедыхть етафневома «Кожаный мяч» пялькстомат, касфтовихть цебярь тренерхт, нолдавихть дополнительнай средстват.
21.06.2018  № 24
 

ФУТБОЛСЬ КАНДЫ НАРОТТНЕНДИ МИР!

21.06.2018  № 24
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин